Osee 6:10 - BII BILA

¹⁰ I ce dɛnnda vɔɔn-vɔɔnndan Israɛlla tɛɛn: cuavaa-imamaa Efraim-nda co pɛngi suundaa le. Israɛlla co nɔɔlianndo pila.

Osee 6:10 Iomraidhean Croise

1Masaa 12:8

Kɛ mí Roboam kɛɛ sila kaasoŋaa kɔlkalua yɔngu ndu-o, mó kɔ ɲuna langbaa felengia va lambi ndɔɔ ma va ndu ikɛi-ya.

1Masaa 15:30

Le tùú Yeroboam ndóò tosa hakilan, mó mal vɛlɛ Israɛlla o hakila lan nin-ndo kon kpow tosan ni. Kani kɔllo Mɛlɛka Hala Israɛlla ndóò tuulu taw ni.

2Masaa 17:7

Dɛnnda lan la tosan fúú le, kani hakio Israɛlla ndáà cua a Mɛlɛka Hala ndaa ni, Hala soli nda o lɛŋnde Esipte len nin Faraɔnnɔɔ, o co masaa Esipte-o o ba-o pɛɛn. Kani halaa celen ndáà mulin sooloo ni.

Yeremi 18:13

Lelan o Mɛlɛka dimi-o co hoo ni aa: «La ɲuuniaa lɛŋnde kɔɔli-kɔɔli. Kabi vana tui dɛnnda vaa nuaa le! Dɛnɛ Israɛl tosa-o, dɛnɛ lamàà kpeekpei o co ni.

Yeremi 23:14

Kɛ vanaa-tɛɛngaa-diom Hala-a Yerusalɛm nda, mí ca maa dɛnnda lamààlan nda cal coo ni: a co suundaa, a co còòlan dimio, a co vanaa tosaa dɛnnda vɔɔnda simndan kɔɔli. Vana-vana co kɛɔ le dɛnɛ vɔɔndo malɔɔ. Nda kpow a muungu ya o hɔl maa vannda Sodɔm, hiyan kɛ́-kɛ̀ co vannda Yerusalɛm a haa Komɔr tɛɛn te.

Yeremi 3:6

O paale masaa Yosia len, mí Mɛlɛka dimul-la aa: «Vɛ̀ɛ̀ a ce pá ɲɛ Israɛl muuluanndo ho tosa-o? O hel o pembon kpow coo, mó kɔa o yɔmii puiyɛi bɛngu, le piɔmnda sooloo.»

Esekiɛl 23:5

Mí Ohola va le ya-o luɛi suundaa, mó yom yomndo pila le sámáá ndɔa, Asiriia pɛɛn, vanaa nda calnan macɛlu-a,

Esekiɛl 23:7

Nda Ohola malnun o ba ni, langbaa kalla Asiri kpow o del kɔɔli ni. Mó nɔɔlian a vanaa ndóò yom le nda-a kpdede, mó nɔɔlian a piɔmaa ndaa kpow.

Osee 4:11

Suunda a mɔiyan ma co vanaa nia bolle hiŋndo.

Osee 4:12

A co piɔmaa nda sɛl a yɔmnde-a sɔɔn ɲuuniaa le mulio sɔlaa. Yɔmii nda sɛl-le co sɔɛi o nda lo ni. Hoeyii suunda soolaa n'piɔmnde hɔŋ nda coo, mì i faŋa nda o nɛi, mì i sɔɔndiaa nda. A laasian a suundaa má kɔa ya Hala ndaa levil.

Osee 4:17

Polale Efraim-nden le del piɔmnda kɔɔli. La mal nda lon!

Osee 5:3

I sina polale Efraim-nden, Israɛlla co a viannan le ya le. Kɛ nduyɛ, niaa cuavaa-imamaa Efraim-nda, la luɛi suundaa, Israɛlla nɔɔlian.