Osee 5:9 - BII BILA

⁹ Polale Efraim-nden le tambunin paale ya tuisinin nda dɛnɛ palaa coo len. Sɔɛi ya co hee Israɛlla dimullo-e hun tosannin lekɛ́ndɛi.

Osee 5:9 Iomraidhean Croise

SƐBƐ YƆB-O 12:14

Ɲɛ o puusiaa pɛ, vana nɔla ndu mingi tangul te, o mal pɛ vanndo o kaasoo, vana nɔla ndu soli lon te.

Esai 37:3

Mɛɛ nda tiiya, má dimul Esai aa: «Nuaa Esekia soo ni aa paalen nden, paale imɔnɔlen, paale sangaalen a paale lasiɛmbulen le co ni, kani cɛlɛkpɛa lendea co o folilan nin-nda tiiya o cóltan le volɔnndo, kɛ kalaa ndaa nɔ yoomuma vialaa le.

Esai 46:10

O kandɔɔ tasoo pɔ́ ya dimi ɲɛ co hunɔɔ yɔŋnɔn-ndo ni, o tasendɔ pɔ́-pɔ́ ya dimi ɲɛ peelun-ndɔ loo ni. Ya dimi ni aa tuu nuu peelunnin lekɛ́ndɛi. I tosanin hɛnan nuu kpow.

Esai 48:3

Kabi lɔ́ɔ́ levil, mí yonda a dɛnnda taselan o kɔɔ, mí sɔɔn mun fula ya o sondo, mí yonda a mun o kɔɔ. O lepilɔɔ kpé, mí tosa mun, mí sɔɔn kalan peelun.

Esai 48:5

Nduyɛ, kabi paandu pa ya dimul niaa sɔɔn mun ni, telen pá mí n hun yɔŋnun, mí yáà dimul niaa mun. I tosa kon yɔŋii niáà dimi aa: «Piɔmaa naa kposon tosa dɛnndan ndan ni! Piɔmaa sialaa naa a piɔmaa teengiaa naa, nda dimi ni mi dɛnnda ndan la tosan!»

Esai 7:16

Kɛ telen pá mi poombɔ kon sina le dɛnɛ vɔɔndo kɛɔ a le dɛnɛ kɛndɔɔ cɛlɔɔ, lɛŋii ŋiiŋii n co hee siòònde yɔŋndo a masaa ŋiɔnda-e, vannda piawnin ndi má faŋan lenin.»

Osee 5:12

Lelan, i co siŋnɔn maa piɔŋ makusu le polale Efraim-nden, mì siŋnun maa paw kolon le vannda Yuda.

Osee 5:14

Kani yàlà kana ya co le polale Efraim-nden ni, maa yàlà téndé ya co le cɛi Yuda-o ni. Ya ya, i bii pɛ, i sɛɛsiaa, i kɔɛnnun. Ɲɛ-ɲɛ ya bii pɛ, i kɔɛnnun a ndu, vana-vana nɔla ndu hiɔlɔɔ ya o ba le.»

Osee 7:12

Tuma nda co kɔlan lon-ndo, i co yala nuu tondɔɔ nda coo, mì tuisi nda maa yovaa co coocoo-a, mì soŋ nda le nda silaa mɛɛ ya dimul nda o cuungian ndaa coo yɛ.

Osee 8:8

Vannda cii Israɛlla misimisi. Nihau, a siŋnun maa ɲɛ vana yeema lɛ loo vanaa-mangalaa-isɔɔa tɛɛn.

Osee 9:7

Palɛi Mɛlɛka co sangaa tuisi-e tiiya, palɛi konalan la dɔawnunnin-nde pɛɛn. A toɲa, palɛi ken keinin Israɛlla coo. La co dimio aa: ‹Vana-tɛɛngaa-diom Hala-o seema. Vana sɔla Kɔllo-o hiŋnun bollen.› Lende ni, kɛ kon tosan le dɛnɛ vɔɔn niaa bɛndoo a le nɛyɔn bɛndu niaa nɔ-o.

Amɔs 3:7

Lende koni i co ni, Maalii Hala tosa ɲɛ-ɲɛ mò kɛɛ vanaa ndɔa baalaa, vanaa-tɛɛngaa-diom Hala-a bulun dɛnɛ kon cɔm te.

Amɔs 7:17

Lelan, tuei-yɔ sɔɛi Mɛlɛka dimi-e: ‹Laa nɔm luɛinin o suundaa o kobio ho nin. Poaa nɔmnda a cuavaa nɔmaa laandua cɛɛlunnin a vílɛ́iya o mɔɛi cɔwve bɛngu. Yondola nɔmndan la piɔwnunnin a yoolen. Nɔm pila vunin o lɛŋnde nɔɔlɛilen coo. Vannda biinin cuavaa Israɛlla mà kɔɛ a nda o cɛlen nin lɛŋnde ndalen levil pɔ́-pɔ́!›»

Amɔs 7:9

Sooluula cuavaa-imamaa Isaak-a la co itambu, mì cɛila biilaala cuavaa Israɛlla la puusian. I cannin mì kuel polale Yeroboam-nden a mɔɛi cɔwve.»

Misee 6:13

Lelan ya bɛɛ, i kpukpanin niaa a sangaa, mì tɛɛmbuu niaa le hakila niaalan.

Sakari 1:6

Nduyɛ, mí tɔŋndan a silala ya vow vanaa niaa baalaa, vanaa-tɛɛngaa-diom Hala-a o sondo lan la pilan fuɲaa niaa mamaa kɔltan. O kon, má muungu, má dimi aa mí Mɛlɛka-Nɔ-Kpaayaa-Kpow-vo tuu le naa tosallo mɛɛ kelala naalan a dɛnnda naalan la co yɛ.›»

Nsaŋ 16:4

I co niaa ndi dimul, haliko te telen kon hun tiiya pɛ, la loonun maa yáà cii nin niaa ndi dimul.» «I yala niaa ndi dimul kabi o tasendɔ le, kani ya pila va niaa ikɛi.