Osee 5:6 - BII BILA

⁶ A cuanin saa ndaa a navaa ndaa mà kɔɛ Mɛlɛka nuwviaa a nda. Kɛ a seelunnin ndu le, kani o kɔɛ nda levil.

Osee 5:6 Iomraidhean Croise

Fulaa 10:9

Mí Moise muli aa: «Naa kpow n bɛnda le kɔlan ni, kandɔɔ a felengia, kaasoŋaa yuuvɛiya, vanpiaandua kɔ bii a vanlaandua. N co vɛlɛ lakɔ a cɔlua naa: saa, cuinnda a nawva. Kani n bɛnda mì n tosa kafoo le Mɛlɛka naa biiloo.»

Talelan 1:28

la veelunin ya le niaa malaa, kɛ ya bɛɛ i cɛlnin te. La nuwviaanin ya, kɛ la seelunnin ya le.

Talelan 15:8

Sálàla vanaa kɔlvesɛiya la nɛinún bɔɔ Mɛlɛka, kɛ ò cɛ̀l piɛile vanaa sandaa.

Talelan 21:27

Ɲɛ vɔɔn bɛndoo pila sálà vanaa kɔlvesɛiya co ni, kɛ taama-taama, a soli ndu pɛ a yiyan nɔɔlɛiyo.

Condii kɛndɛ-kɛndɛi 5:6

Mí kumbil vanapɔnɔ ya kaola hoo-o dioo, kɛ ndóò kɔɛnnun nin, o ve lɛ o dio le. Tuma o va sɔɛi o ya lo-o, i ve o ya pila nin te few. Mí fula nuwviaa ndu, kɛ i seelun ndu le. Mí veelu ndu, kɛ o cɛl te.

Esai 66:3

Vana kelu pɛ nawvo bololan le ndu sálàá solio, mɛɛ o dii vɛlɛ vanacieo. Vana soli pɛ saa téndóó sálà, mɛɛ o yem vɛlɛ tunndo kɛsɛi. Vana heelu pɛ sálà ɲɛm vàá le ndu cɔmndo, mɛɛ o fasaŋiaa kooma pewvan. Vana lom pɛ ɲɛ loonan lasikɔlɔ ansan, mɛɛ o tosa dɛnɛ nɔɔlɛiyo le piɔmndo sooloo. Vanaa kan kpede a co kɔllo naŋɔɔ o kela ndaa nin, ɲɔɔ co nda hɛnanndo o dɛnnda nɔɔlɛila lan nin.

Yeremi 11:11

Lelan o Mɛlɛka dimi-o co hoo ni aa: ‹I co nda dɛnɛ palaa tuisi coo, a nɔlanin fulaa lebɛngu le. A mɛlinin yeelan o ya lo, kɛ i yeŋnin nda lani le.

Yeremi 11:14

Lelan nɔm Yeremi, piɛi le vannda ha le, hali mà solul-la diom le ya tɛɛlɔn, te kon te le ya ɲɔɔlu le nda le. Kani telen nda vanin o dɛnɛ palaa nin-ndo, a veelunin ya le nda malaa, kɛ i yeŋnunnin nda le.»

Yeremi 14:12

A biinin bɛɛ sumndo, i yeŋnin nda lani o ya ɲɔɔloo le. Hali a soli sálàla loamaalan a ɲɛm-kéan, i cɛlnin ndan te. Kɛ mɛɛ mì cii nda kpede a cɔwvo, a yima fofolan a á nàà n'kɔnyaa.»

Yeremi 7:4

La kɛsi kɔltan o sɔɔn lacòòvan coo mì la dimi le aa: ‹Cɛi-Mɛlɛka-o co nanu ni, Cɛi-Mɛlɛka-o, Cɛi-Mɛlɛka-o›.

Cɛɛŋɔnnda Yeremi lan 3:44

Má viannun o yumbuyumboo nin, yɔŋii piɛile naalen le tiiyaa o nɔm ndo.

Esekiɛl 8:18

Lelan ya bɛɛ, i co nda dɛnndan tosal a kɔltuwvo. I tofanin nda mì ɲíí bii ya le, i keinin nda baa coo le. Hali a yondanin bɛɛ coocoo ya o lani, i yeŋnin nda lani le few.

Esekiɛl 8:6

Mó ɲuna ya aa: «Po vanacieo sei, a ce ɲɛ nda co tosaa-o? A ce dɛnnda nɔɔlɛila lamààla bɛndula cuavaa Israɛlla co tosaa nanu, haliko mi piow cɛi-kola-toandaa diandaa nuu, mì kɔɛnnun polon-ndan nɛ? Kɛ, a canin vɛlɛ dɛnnda nɔɔlɛila hiow lan vɔwlen polon-ndan.»

Osee 8:13

O co fúú le nda kaola ya sálàlan solullo le, kani nda pila co visin mun dioo ni. Kɛ ya Mɛlɛka, sálàla lan la bii kɔl te. I pɔɛ́ɛ́nùn yɔŋnda ndala vɔɔnndan te, i soaŋnin nda le hakila ndalan. Haa, fɔ mà muungu Esipte!

Amɔs 8:12

O kon, vannda vanin heeloo a tuusoo o mɛmma ihɛllan, a cɛn pɛ o man a kɔɛ o mapilɛan, a vanin cɔnɔnndo a ba luaŋ-ndo, mà va kɔlan a ba paalen le can-ndo, a vanin kɔlan ba-ba fee le sɔɛi Mɛlɛka-e nuwviaa, kɛ a seelunnin ndi le few.

Misee 3:4

Lelan, a koŋulnin Mɛlɛka o lani, kɛ o mululnin nda le. O mululnin nda mundoo, le dɛnnda vɔɔnnda nda tosa lan.»

Malasi 1:10

Lelan, o co fisa mì vana pilɛ o niaa tɛɛn kɔ kiindiaa diola Cɛi-Hala-o. O kon, la kue lɛnin yinnden kiisuu o fonda-loamaa-lasálà nuu coo fondo fúú le. Ɲɛ-ɲɛ hɛnan ya le niaa cɔu le sálàla niaa co ya solullo lan la co ya hɛnan te. Ya Mɛlɛka-Nɔ-Kpaayaa-Kpow-vo dimi lende ni.

Luke 5:16

Kɛ Yeesu va kɔlan o fondala yililan lapum nɛɛ o va Hala piɛiyo-a.

Nsaŋ 7:34

La nuwviaanin ya, kɛ la seelunnin ya le, nɛɛ ya vanin-nda, la nɔlanin kɔlan ndon te.»