Osee 5:4 - BII BILA

⁴ Dɛnnda nda co tosaa lan la nɔla lɛ mì la mingi nda Hala o ibuŋ te. Kani hoeyii suunda soolaa n'piɔmnde co hɔŋndo nda coo le tùú nda sina Mɛlɛka le-o.

Osee 5:4 Iomraidhean Croise

Condii lisai 78:8

O kon nda ve lɛnin maa lambila fuɲaa ndaa mamaa le, a kɛɛ kan sɔɛi Hala-e biyɔɔ, má kindi nilan-nda pɛɛn, vanaa mangala kan yiyanndan a Hala, má kɛɛ le lou o lediom coo-a.

Condii lisai 9:10

Mɛlɛka co kpakio le vanaa nda co saangiaa-a ni, kpaki nda viannun nin telen dɛnɛ palaa-o.

Yeremi 24:7

I kenin nda sinapɛngoo, mà bii bila maa ya co Mɛlɛka ni. A muungunin ya o ibuŋ a kɔlta ndalan kpow. O kon a vanin vanaa nia, mì ya i va Hala ndaa.

Yeremi 50:38

Mɔɛi cɔwve kuel peela ndɔlan. Màá la vela sɛ́ɛ́n! Kani lɛŋnde biilaa n'piɔmnden le co ni, ma va heelɔnndo a piɔmaa ndaa lamàà kan.

Yeremi 9:24

Mɛlɛka dimi aa: «Paale co hunɔɔ, mì simul vanaa dii toomaa n'faloo daama-a:

Yeremi 9:6

Lelan, o Mɛlɛka-Nɔ-Kpaayaa-Kpow-vo dimi-o co hoo ni aa: «I co nda dindi a yinnden mì soli nda kɔlɔ. Kani mɛɛ celen tosaa co a vanaa nia le!

Osee 13:13

Sangaa toalnin nda coo mɛɛ dembe vialaa nɛi vanalanɔɔ nuaa yɛ. O co cɛlɛkpɛa nɔ kɔlkalu le nda co le. Telenndo tiiya bɛɛ le violɔɔ kala nda-o, a cɛl le keleŋaa fulaa ndu o dembe le.

Osee 4:1

«Niaa Israɛlla sei! La yaŋ nilan o sɔɛi Mɛlɛka-e he. Mɛlɛka co kɔɔsɔɔ a vanaa co o lɛŋnden nden nin-nda. Kani vannda co lɛ lo o lediom coo le. Vanakɛndɛyɛi co lɛ le, vana co lɛ Hala sina maa Hala o lɛŋnden nden nin te.

Osee 4:11

Suunda a mɔiyan ma co vanaa nia bolle hiŋndo.

Osee 4:12

A co piɔmaa nda sɛl a yɔmnde-a sɔɔn ɲuuniaa le mulio sɔlaa. Yɔmii nda sɛl-le co sɔɛi o nda lo ni. Hoeyii suunda soolaa n'piɔmnde hɔŋ nda coo, mì i faŋa nda o nɛi, mì i sɔɔndiaa nda. A laasian a suundaa má kɔa ya Hala ndaa levil.

Osee 4:14

I saangiaanin cuavaa niaa laandua le tùú nda laasian a suunda-o le. I saangiaanin vɛlɛ laandaa poaa nia le tùú nda luɛi suundaa-o le. Kani nda pila vanaa-solia-lasálàá co yifanndo o kolokololan a vanlaandua suunndɛiya le ɲɛm dian sálàn piɔvanndo nda vanlaandua suundɛyaa co kɔlan o cɛila-halala ndalan nin-nda. Maa mɛɛ taloo dimin yɛ aa: ‹Mbɔ̀ vanaa nɔ sinapɛngu le-a nda tambu.›

Osee 4:6

Vanaa nia dɔwnun yɛɛvɛ le sina lepɛŋndo. Le tùú niaa kɛɛ le ya sinaa-o, ya bɛɛ i co niaa ɲindɔɔ ikɛi, la ve lɛnin o vali solia lasálà nuu nin te. Mɛɛ niaa pɔɛɛnun tɔŋ Hala niaa yɛ, ya bɛɛ i co cuavaa niaa pɔɛɛnɔn lende.

Osee 7:11

Maa poonpoon diɔm nɔ kɔl too cuavaa-imamaa Efraim-nda co ni. A co Esiptea veeloo le nda malaa, a co kɔlan Asiri.

Osee 8:11

Kani polale Efraim-nden le vangaliaa fondala-loamaa-lasálàlan le hakilan vɔɔsuuo, kɛ fondala lan la cɔɔlu nda bollen luei o hakilan tosaa nin ni.

Nsaŋ 16:3

A tosanin ken le tùú nda kɛɛ ya a Pua sinaa-o.

Nsaŋ 8:55

Kɛ la sina ndu le. Ya yɛ, i sina ndu. Te i dimi pɛ maa i sina ndu le, i siŋnun ɲɛ pilɔɔ naa niaa, vana lacòòvaa pɛɛn. Kɛ i sina ndu, i co sɔɛi ndɔɛi biyɔɔ.

1Samiɛl 2:12

Vanaa fondoa poaa Helii-a va ni, ndáà nɔ siòòŋii Mɛlɛka le.