Osee 5:2 - BII BILA

² À tow soon bɛndu-bɛndoo Sitim. Kɛ i co nda kpede dɛnnda palaalan tuisi coo le ken.

Osee 5:2 Iomraidhean Croise

Esai 1:5

Mɛɛ niaa co hiovɔɔ laci a nila kalulan tosaa yɛ, sangala yɛɛ ya tuisi yɛnin vɛlɛ niaa coo kpeekpei? Kani bolle niaalen kpede le co a nàá, kɔllo bɛɛ co niaa nɛiyo.

Esai 29:15

Dɛnɛ palaa co le vanaa co tulaa ndalan vionɔɔ-a, vanaa co lan Mɛlɛka vinndo-a pɛɛn. A co dɛnnda ndalan tosaa o ɲumndan nin, a co dimio aa: «Nɛ̀ɛ́-nɛ̀ co yɛ naa cɔu? Nɛ̀ɛ́-nɛ̀ sina yɛ naa nɛ?»

Yeremi 18:18

O kon mí vannda pum a dimi aa: «La hun mì n yiinun Yeremi dúmbú! Kani vanaa-solia-lasálàá venin naa lepɛŋ le naa pɛɛkoo le, kaasoŋaa kɔlkalua venin naa lepɛŋ le naa silala kɛndɛlan yɔngoo le, vanaa-tɛɛngaa-diom Hala-a bɛɛ venin naa lepɛŋ le naa sɔɛi Hala-e tɛɛngullo le. N kɔnnun mì n kɔ hɛɛndun ndu sɔɔn coo. N yaŋnun nilan o sɔɔn o vanin dimio-on te!»

Yeremi 5:3

Mɛlɛka, vɛ̀ɛ̀ o co dɛnɛ sandaa le n yeema le? A cii nda lɔɔ, kɛ a co sinan te. Má tuu le nda ciiyo kpede, a tui silala nɔmndan te. Má kindi bolle a nɔm hiovɔɔ bandíláà coo, má kɛɛ le mangalanndo pɛ!

Yeremi 6:28

Nda kpow vanaa nila kalua nda co ni, vanaa muuluannda, a kendu nilan maa n'daɲa, maa n'cilin, nda kpow a laasian.

Osee 4:2

Fɔ mɛɛniaalan, còòlan, vannda diwvo, vuilen a suundaa daama co nin tosanndo o lɛŋnden nden nin ni. Kɔlvesɛiyo co hiovɔɔ laci a kuiyo, a co vanndacieea diwvo a labɛɛla tuŋ-tuŋ.

Osee 6:5

Lelan ya co kei a vanaa-tɛɛngaa-diom Hala-a ni, mì tuisi niaa sangalan coo. Lelan ya diwnin niaa a sɔɛi fulanin ya o sondo-e ni. Yamɛi nii tenganin vakpa maa ɲɛ-tengaa lepala.

Osee 6:9

Mɛɛ vanaa del vannda coo-a yììnùn kundaa le vannda cumullo nuaa yɛ, lende vanaa-solia-lasálàá Kalaad a co vannda diwvo o nɛi Sikɛm-ndo ni. A co dɛnnda kɔlvesɛilan tosaa a labɛɛla.

Osee 9:15

«Laasian ndaa kpow co cɔmnɔnndo Kilkal, lon dɛnɛ ndaa kuisin ya o kɔl ni. I solinin nda o ya lo cɛinin le dɛnnda ndala kɔlvesɛilan. I kaola lɛnin nda le, kani simlacia ndaa kpow vanaa nila kalua nda co ni.

Dɛnnda cɔɔmuanndan 3:19

Ya ya, sɔɛi ya soaa vanaa ya kaola-a le nda silaa ni. Lelan fula diallon, mà mangalan.