Osee 5:15 - BII BILA

¹⁵ «I co lakɔ mì muungun o calta nilan háá mà sina maa a cua hakio, mà nuwviaa ya le muungoo ya o ibuŋ. Taa va pɛ o kuɛi nin, a co cɔnɔn ya nuwviaa.»

Osee 5:15 Iomraidhean Croise

O Kandɔɔ 42:21

Má dimulan vellaa-velle aa: «Le dɛnɛ naa n tosal puapilɛ naa lɔ́ɔ́ kon-ndo dɛnɛ palaa ho tol naa coo nuaa ni. Kani n ce ndu o mɔnɛi nin, mó cɛɛŋun naa o lani tei, n yeŋ nilan o cɛɛŋɔn ndɔ kon te. Naa bɛɛ lelan sangaa ho tol naa coo nuaa ni.»

2Dɛnnda lemasalan 7:14

te vanaa nia diola nilan la co piɔlnɔnndo coo-a tuisin pɛ tootoo, mà piɛi, mà nuwviaa ya, taa mangala pɛ kela nda vɔɔndo, ya Mɛlɛka, i lonin o halataala mì mulul nda piɛilen, mì mal nda haki le haki ndaa, mì singi lɛŋnde ndalen.

SƐBƐ YƆB-O 33:27

Mì vana kon soli condei vannda o hɔl, mò dimi aa: ‹I tosa hakio, mì laasiaa dɛnɛ sandaa, kɛ Hala bii mɛɛ kela nuu yɔŋnun yɛ le.

Condii lisai 107:13

O sanga kon nin, má koŋul Mɛlɛka o lani, mó soli nda o mɔnɛi ken nin.

Condii lisai 107:19

O kon, má koŋul Mɛlɛka o lani le sanga va nda kon coo-o, mó soli nda lenin.

Condii lisai 107:28

O kon, má koŋul Mɛlɛka o lani o sanga nda kon nin, mó soli nda lenin.

Condii lisai 107:6

O kon, má koŋul Mɛlɛka o lani o sanga kon nin, mó soli nda lenin.

Condii lisai 132:14

O dimi aa: Nanu ya vanin pɛngio lɔ́ɔ́-lɔ́ɔ̀ ni, nanu ya vanin masalen tosaa ni, i yeema mì cal Siɔn.

Condii lisai 50:15

O kon, paale niaa vanin o buulanndo nin-nden, la piɛi ya. I baŋanin niaa, mì la biilu ya.›

Condii lisai 78:34

Te Hala ndóò cɛn pɛ le nda diwvo, ndáà muungu ndu o ibuŋ, ndáà nuwviaa ndu le nda malaa.

Condii lisai 83:16

Tisa nda kɔɔli o hoeyii fùkù-fùkùei nin, ma luei nda siòònde a hoeyii felenfelennde.

Talelan 8:17

Vanaa kaola ya-a, ya bɛɛ i kaola nda. Vanaa co ya nuwviaa-a co ya saalɔnndo.

Esai 18:4

Kani nuaa Mɛlɛka dimul-la ni aa: ‹I connun o calta nilan nin yili mi va tofaa maa a telen hangul tuw-tuw paale kala ŋama-ŋamaa, maa a telen yumbuyumboo tenga nuaa, mí hangullo va boondii koavaa n'malle-o.

Esai 26:16

Mɛlɛka, a nuwviaa nɔm telen nda va o sangaa nin-ndo, telen n soŋ nda le nda silaa-o, má piɛi nɔm taw-taw.

Esai 26:21

Kani la tofa vɔ, Mɛlɛka co fulaa o calta ndɔlan nin le vanaa co o lɛŋnden coo-a soŋɔ̀ɔ́, le dɛnnda vɔɔnnda ndalan. Lɛŋnden le solinin kooma deli lecoo-an ceen vakpa, le vin ndɛnin vanaa nda diw lecoo-a le.

Esai 26:9

Yeemɛi co yoomu nuu biyɔɔ taw o ɲumndan nin le nɔm, kɔl ni co ya nin-ndo co nɔm nuwviaa idii a yeemɛi taw. Kani te yaman nɔmndon kiolu pɛ o lɛŋnden coo, vanaa co o ceendo coo-a sina dɛnɛ sandaa.

Yeremi 2:27

A co yɔmndo dimullo aa: ‹Nɔm co fuɲa naa ni›, mà va powvo dimullo aa: ‹Nɔm velu naa ni.› A toɲa, a cii ya kɔɔ mulul, a co lɛ ya tofa le, kɛ te dɛnɛ palaa tol pɛ nda coo, a dimul-la aa: ‹Cɔn ma ciindiaa naa!›

Yeremi 3:13

Sina tɛɛmbuu nɔmndo daama. Kani ya Mɛlɛka Hala nɔmndo n simul ni, má laasian kɔlan nɛɛ-nɛɛ ka halaa celen kɔɔli o yɔmii puiyɛi kpow bɛngu. A yeŋ ya nilan te few.› Ya Mɛlɛka soo lende ni.

Yeremi 3:14

Niaa cuavaa nila kalua, la muungu nanu. Ya Mɛlɛka co sɔɛi nuaa ni, kani ya co vana niaa pɛɛkaa ni. I cuanin niaa, vana pilɛ o kobio pum nin, vanaa ŋiɔn o yungoo pum nin. O kon, mì mingi niaa Siɔn.

Cɛɛŋɔnnda Yeremi lan 3:40

N mɛɛndian ndɔ kelala naalan, n dɔwnun-ndɔ lan taasi, o kon, mì n muungun Mɛlɛka o ibuŋ.

Esekiɛl 10:4

Mí biilu Mɛlɛka-o can mɛlɛkaa kanda ɲɛm Hala-on-nda coo, mó kɔa o kèédei coo, mí cɛiyo pia cá a yumbuyumboo, mí bɛɔ pia a ɲɛ-tengaa va fulaa o biilu Mɛlɛka-o nin-ndo.

Esekiɛl 11:23

Mí biilu Mɛlɛka-o can coocoo o kobio tɛɛn, mó kɔ cal o pembii co kobi kon a ba paalen le can-ndo-e coo.

Esekiɛl 20:43

La lonin ndon mì la yiyan a káà niaa a dɛnnda niaala niaa va tosa mí la nɔɔliaa niaa lan kpede. O kon, la nɔla lɛnin hɔlla tofanndo vellaa-velle le, kani siɛmbulan la vanin niaa le dɛnnda vɔɔnnda niaa tosa lan kpow.

Esekiɛl 36:31

O kon, la loonunnin a kela niaa vɔɔndo, a dɛnnda niaala va lavɔɔn paandu lan. La nɔlanin hɔlla tofanndo vellaa-velle le, kon yɛ le yɔŋnda vɔɔnda niaalan a le kela niaa vɔɔndo.

Esekiɛl 6:9

O kon, vanaa lonin kan yoomu o niaa tɛɛn-nda lonin o vanaa-mangalaa-isɔaa nda vanin a sɛŋian tɛɛn-nda lo, mà loonun a ya (Mɛlɛka) o kɔɔ, mà loonun vɛlɛ a soŋɔ̀ɔ̀ ya soŋ nda le kɔl suundɛi luɛi nda nin má kɔa ya levil-lo, le hɔlaa nda faŋal-la, má mulin o suunda soolaa n'piɔmndo-o. Le hee, siɛmbulan la biinin nda pila le dɛnnda vɔɔnnda nda tosa lan a le dɛnnda nɔɔlɛila nda tosa lan kpede.

Esekiɛl 8:6

Mó ɲuna ya aa: «Po vanacieo sei, a ce ɲɛ nda co tosaa-o? A ce dɛnnda nɔɔlɛila lamààla bɛndula cuavaa Israɛlla co tosaa nanu, haliko mi piow cɛi-kola-toandaa diandaa nuu, mì kɔɛnnun polon-ndan nɛ? Kɛ, a canin vɛlɛ dɛnnda nɔɔlɛila hiow lan vɔwlen polon-ndan.»

Osee 3:5

O kon kɔɔli, a muungunin mà nuwviaa Mɛlɛka, o co Hala ndaa-o, mà nuwviaa vɛlɛ David masa ndaa. A sɔɔnguunin Mɛlɛka a dɛnɛ ndɔ kɛndɔɔ ikɛi a ɲiiyaa.»

Osee 5:6

A cuanin saa ndaa a navaa ndaa mà kɔɛ Mɛlɛka nuwviaa a nda. Kɛ a seelunnin ndu le, kani o kɔɛ nda levil.

Misee 1:3

Kani la tofa vɔ, Mɛlɛka co fulaa o calta ndɔlan nin mò va tolɔɔ, o co kɔlan a nɛwvo o pembun co o lɛŋnden coo-on coo.

Kundalan 21:7

Mí vanaa tɔ̀a hun komal Moise, má dimul ndu aa: «N cua hakio le sɔɔn vɔɔŋun naa n soo a Mɛlɛka a á nɔm-ndon. Lelan, tɛɛlun Mɛlɛka sisa mò faŋa naa kɛvaa vɔɔnda ha ikɛi.» Mí Moise piɛi Mɛlɛka le vanaa kan.

Luke 13:25

Telen vana cɛiyo cannin mò kinda dioo-o, la lonin o bɛ́ɛ̀. La kandunin dioo lɔɔ a dimio aa: ‹Maalii! Kumbil naa dioo.› Kɛ mò mulul niaa aa: ‹I sina nɛɛ niaa fula le.›

Masaa kialaa n'yamaa 4:3

Mí cuavaa Israɛlla koŋul Mɛlɛka o lani, Yabin ndóò nɔ ɲɛla ɲaanannda icilinnda soa nan-ndan kɛmɛ leŋɔmahiɔɔlu. Mó bɛpɛla Israɛlla o vɔsilan bidiin bɛngu.