Osee 5:13 - BII BILA

¹³ Cuavaa-imamaa Efraim-nda sina nàà ndaa, mí Yudaa ca pavii ndɛi. O kon mí cuavaa-imamaa Efraim-nda kɔa Asiri, má viam vannda o masa bɛndoo lo le nda malaa. Kɛ masa kon nɔla niaa singi le, o nɔla vɛlɛ pavii niɛi cɛwvo le.

Osee 5:13 Iomraidhean Croise

2Masaa 15:19

Mɛɛ Pul, masaa Asiri luɛi o lɛŋnde Israɛl-ten nin, mí Menahɛm ke ndu volion kilolan vaalan beleyaa, haliko mi ndu Pul ndóò mala ndu, mì masalen léè sim yili ndu o ba.

2Masaa 15:29

Telen Peka va o masalen coo Israɛl-lo, mí Tiklat-Pilesɛr, masaa Asiri hun bii Iyon, Abɛl-Bɛt-Maaka, Yanoa, Kedɛs a Hatsɔr. Mó bii tàndá Kalaad-o a tàndàá Kalile kpow, kɔ bii niko a tàndá Nɛftali-o kpow, mó bii vanaa va o kobila lan a o tàndàla lan nin-nda kpow, mó kɔa a nda o biyɔɔ nin o lɛŋnde Asiri len nin.

2Masaa 16:7

Mí Ahas viam kiilaa o Tiklat-Pilesɛr masaa Asiri lo, mó dimul ndu aa: «Buɛi nɔmndo a po nɔmndo ya co ni. Lelan, hun ma baŋa ya, ma soli ya masaa Aram a masaa Israɛl o ba, kani à hun del-la coo a cɔwvo.»

Esai 3:7

Vana kon mulinin paale len aa: ‹I co dɔtɔlɔnɔ le, i nɔ ɲɛdiaa a ɲɛ cuɛinan o ya lo cɛinin te. Lelan la siinguu ya simlacinɔ vannda le!›

Yeremi 30:12

O Mɛlɛka dimi-o co hoo ni aa: «Dɛnɛ palaa nɔmndo nɔ danda le, yɔŋulɔn nɔmndo singu le.

Esekiɛl 23:5

Mí Ohola va le ya-o luɛi suundaa, mó yom yomndo pila le sámáá ndɔa, Asiriia pɛɛn, vanaa nda calnan macɛlu-a,

Osee 10:6

Kani vannda cuanin ndu mà kɔɛnnun a ndu Asiri, mà kɔ ke masa bɛndoo ndu. Siɛmbulan la biinin polale Efraim-nden, mì Israɛlla kel suei le tuula ndala lan.

Osee 12:1

«Cuavaa-imamaa Efraim-nda balu ya a còòlan, cɛi Israɛllo balu ya a sɔɔn lakafan. Polale Yuda len le co vɔ ya Mɛlɛka kɔɔli, kɛ le co vɛlɛ halaa celennda sooloo.

Osee 14:3

La hun o ndu lo a sɔɔn sondon, la muungu Mɛlɛka o ibuŋ mì la dimul ndu aa: ‹Mal naa haki le tɛɛmbuula naalan kpow. Cɛl naa a kɔlkɛndɔɔ, yɔŋii naa n solul nɔm sálàlan a navaa tovaa, o co fisa mì n sangala nɔm a sondola naalan.

Osee 2:7

Kala nda luɛi suundaa. Kala solin nda o ipulu-o tuisin siɛmbulan. O dimi aa: ‹I co lakɔ sámáá nia kɔɔli, nda co ya ɲɛdiaa nuu, mɛmma nian, kola ni toosian a yiiŋii saa-o, kola keese nuu, cuɛima nian a ɲɛm ya kol-lon yɔngoo ni.›

Osee 7:11

Maa poonpoon diɔm nɔ kɔl too cuavaa-imamaa Efraim-nda co ni. A co Esiptea veeloo le nda malaa, a co kɔlan Asiri.

Osee 8:9

Kani Asiri nda kɔɛnnun ni. Sofɛlɛ yondo connun o ba ndɔɔ coo, kɛ polale Efraim-nden, bɔnɔɔ nda luɛi le sámáá sɔlaa ni.

Misee 1:9

Kani paw Samari-o co paw siangaa le, o co kɔlan a pɛngɛlanndo háá Yuda, o tiiya háá o diola luɛyaala vanaa nia sondoo Yerusalɛm.