Osee 4:8 - BII BILA

⁸ Vanaa-solia-lasálàá co tɔnɔɔ sɔlaa o yɔŋnda vɔɔnnda vanaa nia nin. Ɲɔɔ ndu pilɛ kpé nda yeema ni: mì vanaa nia va hiovɔɔ laci a hakilan tosaa.

Osee 4:8 Iomraidhean Croise

2Masaa 12:16

Hɔlte ve bɛɛ vanaa ndáà yɔngu volion le vanaa baalaa salaa-a kɔɔli le, kani a kɔl sandaa nda va dɛnɛ kon tosaa ni.

Condii lisai 24:4

Fɔ vana tɛɛmbuu isɔɔ loo, vana dendu kɔllo-o, ó luei o dɛnnda lacòòvaalan nin too, ó mɛnan mɛnan lacòòva loo.

Condii lisai 25:1

Condii David-e. Mɛlɛka, ico mulinndo o nɔm ndo.

Esai 56:11

Tunaa lepulua nda co ni, a pim ɲɛ-ɲɛ le. Vanaa mandaa n'cɔlua bii ɲɛ-ɲɛ bila le-a nda co ni: nda kpede vana-vana co kɔlan o nɛi ndɔɔ coo, vana-vana co kiltan le tɔnɔ ndɔɔ sɔlaa kínɛí.

Esekiɛl 14:3

«Po vanacieo sei, vannda ha nɔ vɔ yiyan piɔmaa ndaa o lakɔl, a co vɔ hɔlla mulio sakpo o ɲɛ mál nda o hakio nin-ndo coo. Vɛ̀ɛ̀ mì cɛl mì haa piɛi ya?

Esekiɛl 14:7

Kani o cuavaa Israɛlla tɛɛn, te kon te o mialaa co icali o lɛŋnde Israɛl-ten nin-nda tɛɛn, vana-vana kɛɛ ya, mì yiyan piɔmaa ndɔa va vɔ ndu o kɔl, mò va vɔ hɔlla mulio sakpo o ɲɛ mál ndu o hakio nin-ndo. Te vana vaa lende hun dimul pɛ vana-tɛɛngaa-diom Hala-o le ya Mɛlɛka isɔɔ ɲuna le ndu, ya pila Mɛlɛka mululnin ndu a ya pila ni.

Osee 10:13

Nduyɛ, la vàá dɛnɛ vɔɔndo mí la koaw kɔlvesɛiyo, mí la dia kɔmnde lacòòvalen. Kani la tiindan taasila niaalan, mí la kɔngan kuubaa cɔvaa niaa sɛ́lɛ́a.

Osee 12:8

Ya Mɛlɛka dimi aa: ‹Cuavaa-imamaa Efraim-nda nɔ ɲɛla tuvaala lakafalan o laba maa yulaa Kanaan, a yeema bɔɔ kafalan.›

Osee 14:1

«Samaria sɔlanin sangaa le tɛɛmbuula ndalan, kani a simul Hala ndaa. Vanaa co icali lon-nda sɔlanin piɔ́mndo o mɔɛi cɔwve bɛngu. Cɛlɛkpɛa ndaa pesipesinnin. À tɛɛndiaanin vanlaandua lafolia ndaa dembelan.»

Tɔŋ lasálàá 6:22

Vanpiaandua o yungula vanaa-solia-lasálàá nin kínɛí a bɛnda mà de visin mun ni. Kani ɲɛdiaa diandaa-diandaa co kon ni.

Misee 3:11

Vanaa ndɔa kialaa n'yamaa co luɛyɔɔninndo cɛlɔɔ o yaman nda co kiolɔɔ-o nin. Vanaa-solia-lasálàà ndaa co vannda pɛɛkoo le salaa sɔlaa kínɛí. Vanaa-tɛɛngaa-diom Hala-a ndaa bɛɛ, le volion koni nda co nin sɔɔn vaa siɔdii dimio ni. Nda yɛ, à co cɔnnɔnndo maa le Mɛlɛka nda co ni. A co dimio aa: ‹Mɛlɛka co naa ikɛi, dɛnɛ palaa kɛ́-kɛ̀ tulnin naa coo le.›

Malasi 1:10

Lelan, o co fisa mì vana pilɛ o niaa tɛɛn kɔ kiindiaa diola Cɛi-Hala-o. O kon, la kue lɛnin yinnden kiisuu o fonda-loamaa-lasálà nuu coo fondo fúú le. Ɲɛ-ɲɛ hɛnan ya le niaa cɔu le sálàla niaa co ya solullo lan la co ya hɛnan te. Ya Mɛlɛka-Nɔ-Kpaayaa-Kpow-vo dimi lende ni.

Rɔmnda 16:18

Kani vanaa vaa lende, o co Krista Maalii naa le nda co baalaa tosallo le, kɛ dembela ndalan sii, a co keiyo sondo yeelaa a vannda sangalaa, mà va vanaa nɔ taasi le-a hɔlla hiŋndo.

Tite 1:11

Mɛɛ mì la kinda nda sondolan, kani a co yungulan kpede pesipesio a pɛɛkula bɛnda le lan le ɲɛm lakafan sɔlaa.

2Piɛr 2:3

A co niaa tɔnɔɔ dioo a sondola yeelɛilan le mɛɛ nda nɔ hɔlte bolofaalen yɛ. Kɛ o co lɛhau le yamɛi ndɛi cuu kiolɔɔ ma sɔla yaalaa le, tambii ndɛi nɔ lɛ bɛɛ lɔ́ɔ́ le.

1Samiɛl 2:29

Kɛ le yɛɛ nɛ niaa co yɛ sálàlan a ɲɛm-kén ya dimi le solio o Cɛi-Diandaa nuu nin-ndon tɛɛmbuuo? Vɛ̀ɛ̀ poaa nɔmnda n hiow bɛɛlen ke a ya? Le yɛɛ niaa co yɛ visin kɛndɛ-kɛndɛn macuɛin Israɛlaa nia co ya sálàlan solullo-on dioo?›