Osee 4:5 - BII BILA

⁵ Lelan, ipala déŋ niaa boŋnin ni mì vanaa-tɛɛngaa-diom Hala-a va boŋio icɔl. I co kala nia sondoo kinda le fɛɛn a fɛɛn, mò mei kpili.

Osee 4:5 Iomraidhean Croise

Esai 50:1

Mɛlɛka soo mó ɲuna aa: «Ɔ́ɔ̀ sɛbɛ lesei ya ke kala niaa le cɔmndo maa i kɛɛ ndu o nɔ̀u nin-ndo? Te kon te, o vanaa ya nɔ kueela ndalan-nda tɛɛn, ɔ́ɔ̀ vanaa ya pisi niaa ndu o ba-o? La tuei-yɔ, le yɔŋnda vɔɔnnda niaalan niaa pisin ni. Le hakila niaalan ya kɛɛ kala niaa ni.

Yeremi 15:8

Mí kui vanlaandua piaandaa ndaa vi-a hiovɔɔ mɛɛ sióónndon co o mɛmma ihɛllan kɔngɔ yɛ. Mí cuu vana tɛɛmbua, mó del kalaa kuubanɔ cɔw felengoo coo. O ve kɔl te, mí tuisi ndu dɛnɛ palaa coo, mí luei ndu o kɔndɔfillo nin.

Yeremi 23:9

Sɔɛi dimin le vanaa-tɛɛngaa-diom Hala-a-e co hee ni. «Kɔl nuu co o sangaa nin, diallon kpede n co ya ɲiiyaa. I muungu maa vana hiw ba mɔiyan kolɔɔ-o, maa vana co o kpaaya mamɔiyo bɛngu-o le Mɛlɛka a le sɔɛi o dimul-la-e aa:

Yeremi 50:12

Siɛmbula bɛndulan la bii kala niaa, kala velu niaa-o tambu labɛɛ, lɛŋnde niaalen le siŋnun lɛŋnde mɛɛlaa len lɛŋii tɔ̀ɛi tɛɛn, le siŋnun lɛŋnde veselɛilen, lɛŋnde cundu len.»

Esekiɛl 14:3

«Po vanacieo sei, vannda ha nɔ vɔ yiyan piɔmaa ndaa o lakɔl, a co vɔ hɔlla mulio sakpo o ɲɛ mál nda o hakio nin-ndo coo. Vɛ̀ɛ̀ mì cɛl mì haa piɛi ya?

Osee 2:2

O kon, Yudaa a Israɛlla cuungiannin, mà cua simlacinɔɔ ndu pilɛ, mà fula o lɛŋnden nin. Kani paale bɛndulen paale Yisreɛl-ten le vanin ni.

Osee 2:5

yɔŋii ya yunga ndu, mì mɛi ndu fondo fúú, mɛɛ o va o paale nda velu ndu len coo yɛ. I minginin lɛŋnde ndɔlen lɛŋnde veselɛilen, mì mingi len lɛŋnde mɛmma sɔlan nin te len. O kon mò vi a bolola vesɛilan.

Osee 5:5

Yonga Israɛlla co nda pila seilen tɛndallo, Israɛlla a cuavaa-imamaa Efraim-nda boŋ le dɛnnda ndala vɔɔnndan. Vannda Yuda bɛɛ boŋ latulu nda ndaa.

Sakari 11:8

O paangei ndii pilɛ bɛngu, mí toaw vanaa mandaa n'cɔlua yáá-a. O kon kɔɔli, i nɔla biuvɔnndo a saa le. Saa kan bɛɛ, mí dɛnɛ nuu fula nda iyeema.

Sakari 13:2

«Mɛlɛka-Nɔ-Kpaayaa-Kpow-vo soo aa: ‹O palɛi ken nin, i ɲuminin diola piɔmnda kpow o lɛŋnden nden nin. O kon vana loonun ndɛnin a nda o kɔɔ le. I faŋanin vɛlɛ vanaa siingun nda pila vanaa-tɛɛngaa-diom Hala-a a kɔl dɛnɛ nɔɔlɛiyo o lɛŋnden nden nin.

Kalatea 4:26

Kɛ Yerusalɛm co coocoo-o, ndu co o ba ndɔɔ coo, ndu co kala naa ni.