Osee 4:3 - BII BILA

³ Lelan dɛnɛ palaa toalnin o lɛŋnden nden coo ni. Vanaa vanin icali lenin-nda kpow a ɲawnin. Visia yondoo nin a yowva coocoo bɛɛ a ɲawnin. Hali suvaa co o mɛmma ihɛllan nin-nda co hunɔɔ cuvɔɔ.»

Osee 4:3 Iomraidhean Croise

Esai 33:9

Lɛŋnden le co o sanga bɛndoo nin, le co o mɔnɛi nin, lɛŋnde Liban-nden le lɔngɔlian, le luɛi kɔsɔ, dɛɛlaa Saron siŋnun maa lɛŋnde veselɛi. Yɔmnde caa mì pei cɛɛlun kpow o tàndàá Basan nin a o pembei Karmɛl coo.

Yeremi 12:4

Háá telen kuɛɛ nɛ lɛŋnden le va yɛnin o dɛnɛ palaa nin, mì bil yondoo kpow va o vesɛiyo? Visia yondoa a yowva co cuuo le dɛnɛ vɔɔn vanaa co o lɛŋnden nden nin-nda. Kani a co dimio aa: «Yeremi cinin mɛɛlula naalan te.»

Yeremi 23:10

«Lɛŋnden le pɛ a vanaa co suundaa-a. Le co o mɔnɛi nin le dangala pɛ len coo lan. Billo vesan o vɔ̀lɛ́la co o lɛŋnden nin-ndan kpede. Le kɔlan dɛnɛ vɔɔndo tosaa nda caa kiltan ni, le dɛnnda niŋ te lan nda fula diallon ni.

Yeremi 4:25

Mí tofa, i ci lɛ vanaciee kɛ́-kɛ̀ le, mí yowva coocoo kpow a ɲaanun.

Yeremi 9:10

I minginin Yerusalɛm bémbélan kposon, mì siinguu ndu buulula tunaa yondoa. I tosanin mì kobilan Yuda la lo fondo, vana-vana venin lenin te.»

Yeremi 9:9

I yeema mi caŋ, mi cɛɛŋun o pembon coo, mi soli condii biisiei o dɛngbɛla vesɛila co o lɛŋnden nin-ndan coo, kani la ŋɔɛ, vana-vana co lɛ kei lon te, vana tui lɛ cɔlua kundaa diom lon te. Yowva coocoo a visia yondoa piow lon few-few.

Esekiɛl 38:20

Suwva o peelo a yowva coocoo a ɲiiyanin ya o hɔl. Visia yondoo nin a ɲaa pɔm-pɔmbɔa kela lɛŋ-nda bɛɛ ɲiiyanin, hali vanndacieea co o lɛŋnden coo-a kpow bɛɛ a ɲiiyanin. Pembon koombiaanin, mì powta yɛ́ndɛ́la feke-fekelan la deli, kpakilan kpow la koombiaanin.

Yɔɛl 1:18

La tuei-yɔ mɛɛ cɔlua co somisominndo yɛ. Nawva a visia velan a nawva-a a sina nɛɛ nda kɔ le. Kani a co lɛ bil puiyaa cɔ le. Saa a cuinnda bɛɛ a co o sanga pilɛ kon nin.

Amɔs 1:2

Mi Amɔs dimi aa: «Mɛlɛka co kuuliaa Siɔn. O co yoondiaa Yerusalɛm a labɛɛla kpeekpei! Bil puiyaa vanaa mandaa n'cɔlua vesan, yondo puiyaa vesan o pembei Karmɛl tullo!»

Amɔs 5:16

Lelan, nuaa Mɛlɛka, Hala-Nɔ-Kpaayaa-Kpow-vo, ó co Maalii-o dimi ni aa: ‹Vannda somisominnin o fondalan kpede, o nɛila bɛndulan kpow coo, vannda vanin koŋullo aa: Kpòkóó mɔnɛi! Má cè dɛnɛ palaa dɛ! A veelunin vanaa vàá o dɛnɛ biisio, mà veelu vanaa caa caŋndo-a le kɔlan condun biision solio o caŋndo nin.

Amɔs 8:8

Le hee, lɛŋnden le hiilunnin, mì dɛnɛ palaa tol vanaa co icali lenin-nda coo. Lɛŋnden le dɔawnunnin yɛɛvɛ, mì le hel fúkɛ̀-fùkɛ̀ mɛɛ pee bɛndoo Nil hun nuaa, mì mɛnndan ma fula fasaka-fasaka yɛ. Le biiŋun pɛ lende, le toalnin vɛlɛ maa mɛnndan o peo bɛndu kon Esipte.

Nahum 1:4

O kɔngɔlan mɛmma ihɛllan, mí ma vela sɛ́ɛ́n. Ndu veeliaa peelan kpow ni. Bil puiyaa Basan a hoo o pembei Karmɛl yɛngullo vesa kékélé. Yandɔɔ billo Liban ɲɔfɔliaa.

Sofoni 1:3

I co vanndacieea a cɔlua tɛɛmbuu, mì tɛɛmbuu vɛlɛ yowva coocoo a suwva o peelo. I tɛɛmbuunin vanaa kɔlvesɛiya a sɔɔn nda co tosaa mà va vannda lueiyo o pɔwlan nin-ndon. I vɔɔsuunin vanacieo o lɛŋnden coo few-few. Diom ya Mɛlɛka soo-o co kon ni.»

Sakari 5:4

Mɛlɛka-Nɔ-Kpaayaa-Kpow-vo dimi aa: Lelan ya saŋ dangaa o lɛŋnden nden coo ni, haliko mo luɛi o cɛila vuiya a o cɛila vanaa co mɛɛniannda lacòòvalan o diola nilan-nda lan nin, mò lom cɛila lan a yɔmii ndɛi a á powta ndalan.›»