Osee 4:16 - BII BILA

¹⁶ Israɛlla luɛi seesiɛi mɛɛ naw téndóó kɛɛ le kɔlan nuaa yɛ. Lelan Mɛlɛka tiwba mo bii nda biyɔɔ kɛndɔɔ mɛɛ vana yaa saa téndéa diólan o bil kɛndɛ-kɛndɔɔ nin yɛ le.

Osee 4:16 Iomraidhean Croise

Condii lisai 78:8

O kon nda ve lɛnin maa lambila fuɲaa ndaa mamaa le, a kɛɛ kan sɔɛi Hala-e biyɔɔ, má kindi nilan-nda pɛɛn, vanaa mangala kan yiyanndan a Hala, má kɛɛ le lou o lediom coo-a.

Esai 22:18

O co nɔm mulumulu, mò yaasiaa nɔm maa ifoeen o lɛŋnde co lepɛŋgɛlan fɛkɛi len coo. Lon n vunin ni, lon ɲɛla ɲaanannda nɔmnda kɛndɛla soa nan-ndan la lonin ni. Éé nɔm siŋnun hoo siɛmbulan le cɛi lemasa vana nɔm bɛndoo-o!

Esai 30:23

O kon, Hala tuisinin piɔɔ o yɛyii niaa saŋnin lɛŋ-nde coo, lɛŋnden le solulnin niaa ɲɛdiaa kɛndɛ yeelɛiyo. O palɛi ken nin, cɔlua niaa vanin kɔlan diólan o hòóla bɛndu-bɛndulan nin.

Esai 5:17

Saa téndéa vanin billo dioo o ciee pɔm kon nin mɛ̀ɛ́-mɛ̀ɛ́ nda dia bil puiyaa yondoo nin yɛ. Mialla dianin ɲɛm tambɛi vanaa bolofaa mɛinin-ndon.

Yeremi 14:7

«A toɲa, hakila naalan la co naa seilen solullo, kɛ Mɛlɛka, tosa ɲɛ pum le diola nɔmndan, kani n hui nin nɔm bɔɔ, naa n vɔw a nɔm ni.

Yeremi 3:11

Mí Mɛlɛka dimul-la aa: «Israɛl lo o lediom coo loo hiow sandei a Yuda muluanndo.

Yeremi 3:6

O paale masaa Yosia len, mí Mɛlɛka dimul-la aa: «Vɛ̀ɛ̀ a ce pá ɲɛ Israɛl muuluanndo ho tosa-o? O hel o pembon kpow coo, mó kɔa o yɔmii puiyɛi bɛngu, le piɔmnda sooloo.»

Yeremi 3:8

Mí yɔngu Israɛl lo o lediom coo loo sɛbɛ tɛɛmbua nɔu le suunda o suunda-o, mí ca maa puapilɛ ndɔɔ Yuda yɔŋ isiòòn te, mí ndu bɛɛ kɔa, mó laasian lende.

Yeremi 31:18

I tuei cɛɛŋɔnnda vannda Efraim co lan ɲɛkɛndɛi, a co dimio aa: ‹A lɔɔ naa bɔɔ a hɔlta kalalan le naa mingio o nɛi, maa mɛɛ nda sila naw tova nila kaloo yɛ. Kɛ mingin naa o ibuŋ mì n muungu lekɛ́ndɛi. Kani nɔm Mɛlɛka co Hala naa ni.

Yeremi 5:6

Lelan yàlá fula o bundɔɔ nin-ndo co nda diwvo ni, mì tun yondo fula o lɛŋnde veselɛilen nin-ndo va nda sɛɛsiaa. Tambillo co mɛngɛlaa o kobila ndalan sondoo, vana-vana fula dɔ́ɔ́ pɛ, o sɛɛsiaa ndu, kani nila kalula ndalan la co nin bɔɔ sɛ́lɛ́, dɛnɛ sandaa lepɛŋ ndaa vangalan nin bɔɔ.»

Yeremi 7:24

Kɛ a tui ya diom te, a yeŋ nilan te, má del yiyanndan a tuula vɔɔnnda va o kɔlta ndalan nin-ndan kɔɔli, má muungu kɔɔli, a hiw laci le pɛ.

Yeremi 8:5

Ɔ́ɔ̀ niko le kɔlɔ vannda ha Yerusalɛm, a luɛi nila kalulan tosaa-o? A co baŋnɔnndo o kafala ndalan coo, mà va kɛɔ le mangalanndo.

Osee 10:11

Maa naw téndé sɔla manda kɛndɔɔ-o, óò yeema maalon nɛiyo-o polale Efraim-nden le va ni. Mɛɛ ya ce kɛsii ndɛi kɛndɛi, mi vow nda yɔm lebollo o labolo le baalaa, mì polale Yuda len le vàá, mì cuavaa-imamaa Yakɔb-a koŋ ɲɛ vàà kon.

Osee 11:6

Cɔwvo luɛinin o kobila ndalan nin, mì mɔɛi cɔwve kilikili ɲɛm co nda kandaa-on. Cɔwvo mialnin nda kpow. Kon tosannin le pɛl nda pila tɛnda-o.

Osee 11:7

Vanaa nia yeema le lo o lediom coo a ya Mɛlɛka le. A co nda veeloo fulaa coocoo, kɛ vana pilɛ bɛɛ co cɔnɔn te.

Tɔŋ lasálàá 26:33

I saŋnin niaa vanaa-mangalaa-isɔɔa tɛɛn, lɛŋnde niaalen le lonin fondo, mì kobila niaalan la siŋnun pɔmndan.

Sakari 7:11

Kɛ, má kɛɛ le sɔɔn mún biyɔɔ, má tosa nila kalulan, má baŋulu nila ndalan yɔŋii ndáà tuei sɔɔn kalan.

1Samiɛl 15:11

«Mɔnɛi bii ya le hɛli ya hɛli Saul mí siinguu ndu masaa-o. Kani o mulul-la kɔɔ, o tosa sɔɔn ya dimul ndu le tosaa-on te.» Mí sɔɛi ken hiilu Samiɛl kɔllo taw, mó lɔl ɲinkon Mɛlɛka koŋullo o lani pii.