Osee 4:15 - BII BILA

¹⁵ Éé niaa Israɛlla, la luɛi bɔɔ suundaa! Mbɔ̀ màá Yudaa nda va lɛ lende le! La kɔa o fonda diandaa Kilkal te, la hel Bɛt-Avɛn te. La mɛnan o diola Mɛlɛka yoomaa le!

Osee 4:15 Iomraidhean Croise

2Dɛnnda lemasalan 17:4

Kɛ mó kindikindin le Hala fuɲa ndɔ mamaa sinaa a le silala ndɔlan biyɔɔ. O del dɛnnda vanaa tɔ̀a va tosaa Israɛl-tan kɔɔli le.

2Dɛnnda lemasalan 21:11

Mí Yoram cɔaw vɛlɛ tombun soolan o pembon Yuda coo. Mó tosa mí vannda Yerusalɛm a vannda Yuda a luɛi o laasianndo.

Esai 48:1

«Niaa cuavaa Yakɔb-a, niaa co o diola Israɛl-tan bɛngu-a, niaa fula o mɛmma co o tàndá Yuda-o nin-ndan nin-nda, niaa co mɛnanndo o diola Mɛlɛka lan-nda, niaa co Hala Israɛl-lo piɛiyo o co a toɲa le, o co a isandu le-a, la yaŋ-ndɔ nila mì la tuei!

Yeremi 44:26

Lelan, niaa Yudaa co icali o lɛŋnde Esipte len nin-nda kpow, la yaŋnun diom ya Mɛlɛka co niaa dimullo-o: I cii mɛnan o diola nila bɛndu lan maa o lɛŋnde Esipte len nin kpow, vanaa-vanaa fula Yuda, vana-vana bɛnda lɛ mo pɛl-la diolan o mɛnanndo, mò dimi le aa: «Le Maalii Hala yoomaa.»

Yeremi 5:2

Hali à mɛnan bɛɛ má dimi aa: «Le Mɛlɛka yoomaa.» Mɛɛniannda lacòòvalan daama nda nɔ ni.

Esekiɛl 20:39

Lelan sunsun, niaa cuavaa Israɛlla, la tuei-yɔ diom Maalii dimi-o, Mɛlɛka pɛɛn: «La kɔ, vana-vana kɔ sooluu piɔm sialaa ndɔɔ! Kɛ o kon kɔɔli, i canin, te la yeŋnin nilan o diom nuu le. Nduyɛ, la del-lɛnin kasi a diola nila diandaalan le ɲɛm kean niaan a le piɔmaa niaa le.

Osee 10:5

Vanaa co icali Samari-a co a mɔnɛi le navaa téndéa Bɛt-Avɛn. Vannda tosanin biisi piɔm sialaa kon. Vanaa-solia-lasálàà ndɔa va ɲaaloo dɔwnɔnndo o ndu nin-nda a tosanin biisi ndɔɔ, kani biilu ndɔɔ faŋannin nda tɛɛn mì vannda kɔɛ a ndu o biyɔɔ nin nda levil polon.

Osee 10:8

Sooluulan Avɛn, nɛɛ Israɛlla va hakilan tosaa-a la tambunin kpow. Hɛinndon a siɛmbullon vulnin, o fondala-loamaa-lasálàla ndalan coo. A dimulnin pembon aa: «La kuumbun naa coo», mà dimul pembun pɔmbɔn aa: «La deli naa coo!».

Osee 12:1

«Cuavaa-imamaa Efraim-nda balu ya a còòlan, cɛi Israɛllo balu ya a sɔɔn lakafan. Polale Yuda len le co vɔ ya Mɛlɛka kɔɔli, kɛ le co vɛlɛ halaa celennda sooloo.

Osee 12:11

I soo o vanaa-tɛɛngaa-diom Hala-a lo, mí cɔm vannda vunduan taw-taw. I soo o talelan nin a sondola vanaa-tɛɛngaa-diom Hala-a.

Osee 12:12

Vanaa co Kalaad-a tosa dɛnnda lahakilan má siŋnun vanaa fondoa. A co sálàlan solio Kilkal a navaa tovaa, kɛ fondala-loamaa-lasálàla ndalan la siŋnunnin powta kundalan o ciɛɔn nin.

Osee 4:12

A co piɔmaa nda sɛl a yɔmnde-a sɔɔn ɲuuniaa le mulio sɔlaa. Yɔmii nda sɛl-le co sɔɛi o nda lo ni. Hoeyii suunda soolaa n'piɔmnde hɔŋ nda coo, mì i faŋa nda o nɛi, mì i sɔɔndiaa nda. A laasian a suundaa má kɔa ya Hala ndaa levil.

Osee 5:8

«La hɔŋ leo o kobio Kibea nin, mì la hɔŋ buloo o kobio Rama nin. La yonda yonda cɔwvo Bɛt-Avɛn. Niaa polale Bɛnyamɛn-nden, la caa dɛ! Kani yaamɔɔa co niaa vɔmndo a makɔɔ.

Osee 9:15

«Laasian ndaa kpow co cɔmnɔnndo Kilkal, lon dɛnɛ ndaa kuisin ya o kɔl ni. I solinin nda o ya lo cɛinin le dɛnnda ndala kɔlvesɛilan. I kaola lɛnin nda le, kani simlacia ndaa kpow vanaa nila kalua nda co ni.

Amɔs 4:4

«La kɔ Betɛl mì la kɔ tosa hakilan! La kɔ vɛlɛ Kilkal mì la kɔ cɔɔlu hakilan tosa. La soli sálàlan idii oo idii, la yɔngu o-tɔ́ndɔ niaa o vɔsi yàándɔɔ coo.

Amɔs 5:5

Kɛ la nuwviaa ya Betɛl te, la kɔa ya nuwviaa Kilkal te, la hiaw Bɛɛr-Seba le ya nuwviaa le. Kani Kilkal biinunnin o cɛlen nin, Betɛl tambunin few-few.

Amɔs 6:10

Te vanndo pum cua pɛ vana vílɛ́i ndɔɔ le kɔlan ndu lomɔɔ, o ɲunanin vana co cɛinin di-o aa: Vɛ̀ɛ̀ vana celen co nɔm ikɛi lon? Vana kon mulinin aa: Vana co lɛ nanu le. Vanndo pilɔɔ diminin aa: N meinun kpili! O co telen vana pial Mɛlɛka ladio le co hoo le.

Amɔs 8:14

A co kan mɛnanndo a hakio Samari, má va dimio-a aa: «Le hala nɔm yoomaa, Dan…! Le nɛi diandaa yaa vana Bɛɛr-Seba-o…!» Nda kpede, a co delɔɔ, à cen ndɛnin isisi le.

Efɛsea 5:11

La vow balan o dɛnnda fondola vannda co tosaa o ɲumndan nin-ndan nin te, la cɔɔmuu lan ceen kpendekele.

Yosue 5:9

O kon mí Mɛlɛka dimul Yosue aa: «I cii hau siɛmbulan Esipte faŋa niaa o lebol few.» Lelan nda ke fonda kon diolan ni aa Kilkal. Kandɔɔ ɲinkon háá paalen nden, diola lan fonda kalaa nɔ ni.

Yosue 7:2

A lo Yeriko, mí Yosue viam langbaa pum, má kɔa Ai co Bɛt-Avɛn ikɛi-yo, Betɛl a ba paalen le can-ndo, le lɛŋnden fɛfɛlaa. Mó dimul nda aa: «La kɔ mì la fɛfɛla lɛŋnden.» O kon, mí langbaa kan kɔa, má mɛɛndian Ai.