Osee 4:14 - BII BILA

¹⁴ I saangiaanin cuavaa niaa laandua le tùú nda laasian a suunda-o le. I saangiaanin vɛlɛ laandaa poaa nia le tùú nda luɛi suundaa-o le. Kani nda pila vanaa-solia-lasálàá co yifanndo o kolokololan a vanlaandua suunndɛiya le ɲɛm dian sálàn piɔvanndo nda vanlaandua suundɛyaa co kɔlan o cɛila-halala ndalan nin-nda. Maa mɛɛ taloo dimin yɛ aa: ‹Mbɔ̀ vanaa nɔ sinapɛngu le-a nda tambu.›

Osee 4:14 Iomraidhean Croise

1Masaa 15:12

Mó cii vanaa va suunda soolaa n'piɔmndo-a o lɛŋnden nin, mó tɛɛmbuu vɛlɛ piɔmaa fuɲaa ndɔa mamaa ndaa cɔw-va kpow.

2Masaa 23:7

Mó pesipesi cɛila vanaa suundaa va o Cɛi-Mɛlɛka-o nin-nda a nɛɛ vanlaandua ndáà lɔa kolalan le piɔmndo Asera-a.

Talelan 28:5

Vanaa vɔɔnda bii ɲɛ-ɲɛ bila o dɛnɛ sandaa nin te, kɛ vanaa co Mɛlɛka nuwviaa-a nda bii ndu bila kpow.

Esai 1:5

Mɛɛ niaa co hiovɔɔ laci a nila kalulan tosaa yɛ, sangala yɛɛ ya tuisi yɛnin vɛlɛ niaa coo kpeekpei? Kani bolle niaalen kpede le co a nàá, kɔllo bɛɛ co niaa nɛiyo.

Esai 27:11

Lɛɛndun mun vesa pɛ, vannda yimi ɲaandan mun, vanlaandua hin le mun lomɔɔ. Kani vanaa nɔ kɔlkalu le-a nda co ni, lelan, vana toosiaa nda-o nɔnin iɲíí a nda le, vana cɔw nda-o tosal-lɛnin nda ikɛndɛ le.

Esai 56:11

Tunaa lepulua nda co ni, a pim ɲɛ-ɲɛ le. Vanaa mandaa n'cɔlua bii ɲɛ-ɲɛ bila le-a nda co ni: nda kpede vana-vana co kɔlan o nɛi ndɔɔ coo, vana-vana co kiltan le tɔnɔ ndɔɔ sɔlaa kínɛí.

Daniɛl 12:10

Vannda taw a tɔaanunnin, mà siŋnun a humbu, mà dendu mɛɛ yinnden le dindi ɲɔɔ yɛ. Vanaa kɔlvesɛiya biinin ɲɛ-ɲɛ bila le, a vanin hiovɔɔ laci a yɔŋ vɔɔndo tosaa. Kɛ vanaa hiow kɔlkaloo-a biinin bila.

Osee 14:9

Éé niaa cuavaa-imamaa Efraim-nda! Kpeku yɛɛ nɛ ya nɔ yɛ vɛlɛ a piɔmnda? Ya, i mululnin niaa mì landu niaa hɔlla coo. Maa yɔm siprɛs puiyaa ya vanin le niaa ni, ya o ba kɔmnde niaalen le vanin fulaa ni.

Osee 4:1

«Niaa Israɛlla sei! La yaŋ nilan o sɔɛi Mɛlɛka-e he. Mɛlɛka co kɔɔsɔɔ a vanaa co o lɛŋnden nden nin-nda. Kani vannda co lɛ lo o lediom coo le. Vanakɛndɛyɛi co lɛ le, vana co lɛ Hala sina maa Hala o lɛŋnden nden nin te.

Osee 4:17

Polale Efraim-nden le del piɔmnda kɔɔli. La mal nda lon!

Osee 5:4

Dɛnnda nda co tosaa lan la nɔla lɛ mì la mingi nda Hala o ibuŋ te. Kani hoeyii suunda soolaa n'piɔmnde co hɔŋndo nda coo le tùú nda sina Mɛlɛka le-o.

Amɔs 2:7

A nɔ yeemɛi taw le cundu co lɛŋ-ndo cɔu vanaa ikɔɔa o lebol. A co dí vanaa co o sangaa nin-nda tɛɛmbuuo, Poo nda fuɲaa co kɔlan suundaa a vanalanɔ pilɔɔ. Lende nda co diola nila diandaalan bɛɛlan tɛɛmbuuo ni.

Amɔs 7:17

Lelan, tuei-yɔ sɔɛi Mɛlɛka dimi-e: ‹Laa nɔm luɛinin o suundaa o kobio ho nin. Poaa nɔmnda a cuavaa nɔmaa laandua cɛɛlunnin a vílɛ́iya o mɔɛi cɔwve bɛngu. Yondola nɔmndan la piɔwnunnin a yoolen. Nɔm pila vunin o lɛŋnde nɔɔlɛilen coo. Vannda biinin cuavaa Israɛlla mà kɔɛ a nda o cɛlen nin lɛŋnde ndalen levil pɔ́-pɔ́!›»

Kundalan 25:3

Lende Israɛlla siinguu piɔmndo Baal-Peɔr ɲɛ nda biilaa ni, mí Mɛlɛka tuulu kɔl a nda.

Nsaŋ 8:43

Le yɛɛ niaa co yɛ kɛɔ sɔɛi nii bila biyɔɔ? Kani la yeema mì la tuei sɔɔn nun te.

Rɔmnda 3:11

Vana-vana kindu kɔl te, vanndo pilɛ bɛɛ co Hala nuwviaa le.

1Korɛntea 6:16

Vɛ̀ɛ̀ la sínà le maa vana yiinan pɛ nda vana co suundaa-o, ndu siŋnun kɔɔle pilɛ len nda ndu ŋiɔn te? Kani o co o sɛvaa aa: «O kon mì vanapɔnɔɔ nda vanalanɔɔ siŋnun dialle ipilɛ.»

Efɛsea 4:18

a kɔlkalu ndaa laasian kan-nda. A nɔ ɲɛ-ɲɛ o cinda Hala yɔngu vana-o nin te, kani a sínà ɲɛ-ɲɛ le, a kendu bɔɔ nilan.

Tɔŋ miingua 23:17

Cɛ kon nɔla mò cal niaa tɛɛn o lɛŋnde niaalen nin, o fonda hɛnannin ndu-o, o kobila niaalan o pilɛ nin. La bɛnda mì la saangiaa ndu le tɔnɔ soli ndu o n'dial te.»

Hebreea 12:8

Te la sɔla sangaa le tɛɛmbuula niaalan maa cuavaa ndɔa le, mɛɛ la co cuavaa ndɔ kpeekpei le.