Osee 4:12 - BII BILA

¹² A co piɔmaa nda sɛl a yɔmnde-a sɔɔn ɲuuniaa le mulio sɔlaa. Yɔmii nda sɛl-le co sɔɛi o nda lo ni. Hoeyii suunda soolaa n'piɔmnde hɔŋ nda coo, mì i faŋa nda o nɛi, mì i sɔɔndiaa nda. A laasian a suundaa má kɔa ya Hala ndaa levil.

Osee 4:12 Iomraidhean Croise

2Masaa 17:7

Dɛnnda lan la tosan fúú le, kani hakio Israɛlla ndáà cua a Mɛlɛka Hala ndaa ni, Hala soli nda o lɛŋnde Esipte len nin Faraɔnnɔɔ, o co masaa Esipte-o o ba-o pɛɛn. Kani halaa celen ndáà mulin sooloo ni.

2Dɛnnda lemasalan 21:13

le tùú n tosa mɛɛ masaa Israɛl tosa yɛ-o, le tùú n luei Yudaa a Yerusalɛmnda o laasianndo mɛɛ yungu Akab-o tosa a Israɛlla yɛ-o, le tùú n diw vɛlɛ puapilɛa nɔmnda, yungu fuɲa nɔmndo, a ndáà hiow kan vaa fisa a nɔm-nda-o,

Condii lisai 106:39

Mí nda pila nɔɔlian a dɛnnda nda va lan tosaa lan, má luɛi suunda-bilaa-n'piɔmndo.

Condii lisai 73:27

Vanaa co nɔm Hala faaŋianndo-a co yoomu ndaa ciiyo, vanaa co kɛɔ le lou o lediom coo a nɔm-nda co tambei.

Yeremi 10:8

Nda kpow ɲɛ pilɔɔ nda co ni, a kindu lakɔl te, diɔmnda nda co ni, yɔmii sialɛi nda co ni, halaa ndaa nɔla nda ɲɛ-ɲɛ cɔm te.

Yeremi 2:27

A co yɔmndo dimullo aa: ‹Nɔm co fuɲa naa ni›, mà va powvo dimullo aa: ‹Nɔm velu naa ni.› A toɲa, a cii ya kɔɔ mulul, a co lɛ ya tofa le, kɛ te dɛnɛ palaa tol pɛ nda coo, a dimul-la aa: ‹Cɔn ma ciindiaa naa!›

Yeremi 23:13

Mí ca dɛnnda nɛinun ya lan vanaa-tɛɛngaa-diom Hala-a tɛɛn, o diola hala Baal tan nda va sɔɛi ni, mà luei vanaa nia o pɔwlan nin, Israɛlla pɛɛn.

Esekiɛl 20:32

Ɲɛ niaa co tuuvo le tosaa-o tosannin te few. Kani la co dimio aa: ‹N yeema mi naa bɛɛ n va maa vanaa-mangalaa-isɔaa celennda, maa yungula co o lɛŋii celennde nin-ndan. N yeema mi n sooluu yɔmnde a powtan.›

Esekiɛl 21:21

Nɔm mɔɛi cɔwve, lɔva o ba kɛndɔɔ coo, mà lɔva o ba mɛllo coo! Lɔva nɛɛ-nɛɛ ka.

Osee 14:3

La hun o ndu lo a sɔɔn sondon, la muungu Mɛlɛka o ibuŋ mì la dimul ndu aa: ‹Mal naa haki le tɛɛmbuula naalan kpow. Cɛl naa a kɔlkɛndɔɔ, yɔŋii naa n solul nɔm sálàlan a navaa tovaa, o co fisa mì n sangala nɔm a sondola naalan.

Osee 5:4

Dɛnnda nda co tosaa lan la nɔla lɛ mì la mingi nda Hala o ibuŋ te. Kani hoeyii suunda soolaa n'piɔmnde co hɔŋndo nda coo le tùú nda sina Mɛlɛka le-o.

Osee 6:10

I ce dɛnnda vɔɔn-vɔɔnndan Israɛlla tɛɛn: cuavaa-imamaa Efraim-nda co pɛngi suundaa le. Israɛlla co nɔɔlianndo pila.

Osee 9:1

«Israɛlla la dɔawnun ɲaale mì la pɛ a kɔlkɛndɔɔ maa vanaa súúla celennda le. Kani la luɛi suunda soolaa n'piɔmndo, mí la kɔa Hala niaa levil. O kpelela lɔaa n'malta niaalan kpow coo, tɔnɔ dɛnɛ nɔɔlɛiyo niaa yeema ni.

Tɔŋ lasálàá 17:7

Hee tosan pɛ, Israɛlla pɛngi halaa fondoa nɔ hɔlla maa cuinaa toovi-a sálàlan solullo, à nda co laasianndo kɔɔli ma va nda sooloo-a pɛɛn. La bɛnda mì la bii silaa ho, kandɔɔ a niaa pila kɔ bii a cuavaa niaa imamaa.›

Tɔŋ lasálàá 20:5

ya Mɛlɛka pila co ndu hinul a polale ndɔlen kpow ni. O kon, i faŋa nda Israɛlla tɛɛn few-few. Hali vanaa co bɛɛ laasian pilɛ kon Molɛk kɔɔli maa ndu-a, i faŋanin nda Israɛlla tɛɛn few-few.

Misee 2:11

Vanaa caa còòlan bɛɛndiaa, má va lan keiyo saŋɔɔ o hoeiye nin-nda cɛn pɛ a dimul nda aa: ‹La co hunɔɔ mɔiyan sɔla, mɔima nɛyaa-nɛyan pɛɛn.› Vanaa-tɛɛngaa-diom Hala-a vaa lende a bɛnda le vannda ha ni.»

Habakuk 2:19

Dangaa co le niaa! Niaa co yɔm nda sɛl-lo dimullo aa: «Cɔn»-nda, mì la va vɛlɛ pow nɔla isɔɔ loo dimullo aa: «Cɔn». O kɛ́-kɛ̀ kindi vana kɔl te, vana yikpa bɛɛ nda a sianion te kon te a volion, sanga fondoo fúú.

Kundalan 15:39

O kon, te la vanin pɛ kɛila lan cɔu, la loonun a tɔŋnda Mɛlɛka lan, la kela lecoo. Te ken tosan pɛ, la laasian ndɛnin o yiyannda kɔlta niaalan nin mì hɔlta niaalan la luei niaa o dɛnɛ nɔɔlɛiyo nin te.

Tɔŋ miingua 31:16

Mí Mɛlɛka dimul Moise aa: «Má cè nɔm hunɔɔ fuɲaa nɔmnda diomɔɔ ciee-piɔ́m! Te nɔm vi pɛ, vannda co lakɔ laasian ma soolu halaa fondoa o lɛŋnde nda co lakɔ luɛyɔɔ nin-nden nin. A faŋannin ya kɔɔli mà tɛɛmbuu kpema ya yii a nda-o.

Masaa kialaa n'yamaa 18:5

O kon má dimul ndu aa: «Ɲunal-lɔ naa Hala, le sinaa te kela naa ho yelelalnin naa.»