Osee 4:1 - BII BILA

¹ «Niaa Israɛlla sei! La yaŋ nilan o sɔɛi Mɛlɛka-e he. Mɛlɛka co kɔɔsɔɔ a vanaa co o lɛŋnden nden nin-nda. Kani vannda co lɛ lo o lediom coo le. Vanakɛndɛyɛi co lɛ le, vana co lɛ Hala sina maa Hala o lɛŋnden nden nin te.

Osee 4:1 Iomraidhean Croise

1Masaa 22:19

Mí Misee dimi vɛlɛ aa: «Tuei-yɔ niko diom Mɛlɛka dimi-o. A toɲa, i ce Mɛlɛka icali o kpɛŋɛ ndɔ lemasaa nin o halataala, vanaa ndɔa baalaa va isisi ndu ikɛi, a va a balaa sɔ́ o ba kɛndɔɔ coo a o ba mɛllo coo.

Condii lisai 81:9

Niaa vanaa nia, la yaŋnun-ndɔ mì dimul niaa ɲɛ yɔŋnunnin-ndo. Àá niaa Israɛlla, te niáà tuei ya pɛ diom!

Esai 1:10

Niaa vanaa bɛndua Sodɔm, la yaŋ nilan o sɔɛi Mɛlɛka-e! Niaa vanaa co Komɔr-a, la yaŋ nilan o tɔŋ Hala naa!

Esai 1:18

Mɛlɛka dimi aa: «La hun mì n soonun latulu! Te hakila niaalan la va pɛ lasiaŋa vaŋ, la co muungu lahumbu maa fengbɔ, te la va pɛ lasiaŋa maa kola siaŋa sɔɔtɔtɔ, la co muungu maa kola keese humbu.

Esai 28:14

Lelan, niaa vanaa mamaa n'vannda, la yaŋ nilan o sɔɛi Mɛlɛka-e, niaa vanaa co haa Yerusalɛmnda masalen tosaa coo-a!

Esai 34:1

Niaa vanaa-mangalaa-isɔɔa, la sɔɔnguu macɛlu mì la tuei! Niaa vannda súúla yɛ́-yɛ́lan, la yaŋ nilan! Lɛŋnden a ɲɛ-ɲɛ pɛ lecoo, ceendo a ɲɛm co vulɔɔ lecoo-on kpow bɛnda ma yaŋ nilan!

Esai 34:8

Kani paale mingiaa màálen le co len le Mɛlɛka ni, vɔsi tɛinanndo co kon ni le màá Siɔn-ndo mingio.

Esai 5:3

Lelan sisa, niaa Yerusalɛmnda a niaa vanpiaandua co icali o tàndá Yuda-o nin-nda, la va vanaa kialaa n'yamaa ya a nakɔ n'rɛsɛn nuu tɛɛn!

Esai 59:4

Vana-vana co sei biyɔɔ o isandu coo le, vana-vana co kɔsa o toɲa coo le, nda kpow sɔɔn fondon nda tiindan ni, ma va sɔɔn lacòòvan nɔ kɔlɔ loon solinndo o lasondo, a co foli dɛnɛ vɔɔndo cuaa, ma va dɛnɛ sandaa lepɛŋndo violɔɔ.

Esai 59:8

A sina nɛi kɔlɲuloo le, dɛnɛ sandaa co o nɛila ndalan coo le, pemama tuunduɛiyan nda co bulio ni, vana-vana kɔɛ pɛ lecoo o sɔla kɔlɲulu le.

Esai 66:5

Niaa co sɔɛi Mɛlɛka-e biyɔɔ a bɛɛlen-nda, la yaŋ nilan o diom Mɛlɛka-o. La tuei-yɔ mɛɛ puapilɛa niaa nɔ nɛyɔn niaa, mà va niaa kɛɔ le diola nilan-nda dimi yɛ aa: ‹Mbɔ̀ Mɛlɛka cɔm-ndɔ biilu ndɔɔ mì naa n ce vɔ kɔl niaa kɛndɔɔ!› Kɛ nda siɛmbulan la biinin ni mɔ́ɔ̀yɔ̀ɔ̀.

Yeremi 11:7

Kani kabi ya soli fuɲaa niaa mamaa Esipte háá hau, nuaa koni ya va nda baŋnɔnndo kɔɔli a sɔɛi ni, i va sɔɛi o nda lo mí va sɔɔn mun mingio dimio aa: La yaŋnun diom nuu!

Yeremi 19:3

Mà dimi aa: La yaŋnun diom Mɛlɛka-o, niaa masaa Yuda a niaa Yerusalɛmnda! Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹I co dɛnɛ palaa tuisi o fondaa hoo coo, vana-vana tuei Pɛ sɔɛi ken, kɔndɔfili bɛndoo biinin ndu.

Yeremi 2:4

Yungu Yakɔb-o, la yaŋ nilan o diom Mɛlɛka dimi-o. Niaa yungula fula o cɛi Israɛl-lo nin-ndan, la yaŋnun.›

Yeremi 2:9

Lelan i co vɛlɛ niaa kɔɔsal. Ya Mɛlɛka co sɔɛi nuaa ni. I co vɛlɛ cuavaa niaa imamaa kɔɔsal.

Yeremi 25:31

Vana lo lɛŋnde mɛɛlu mà tuei ndu diom. Mɛlɛka co kɔɔsɔɔ nda vanaa-mangalaa-isɔɔa. O veelu vanndacieea kpow o cɛi ndɔ kɔɔsɔɔ nin, o tosanin mì vanaa vɔɔnda kpede a vi o mɔɛi cɔwve bɛngu.› Sɔɛi fula Mɛlɛka o sondo-e co ken ni.»

Yeremi 34:4

Kɛ nduyɛ nɔm Sedekia masaa Yuda, taa yaŋnun pɛ sɔɛi ya co nɔm dimul-le, mɛɛ a vinin o mɔɛi cɔw bɛngu le, ya Mɛlɛka dimi lende ni.

Yeremi 4:22

«Diɔmnda vanaa nia co lekɛ́ndɛi ni, a sina ya le, cuavaa kindu kɔl te-a nda co ni. Ɲɛ-pɔmbɔ bɛɛ a nɔ kɔlkalu le, le dɛnɛ vɔɔndo tosaa daama nda kendu kɔl ni, kɛ a sina dɛnɛ kɛndɔɔ tosaa le.»

Yeremi 4:28

Lelan le co o mɔnɛi nin ni, mì halataala coocoo piimiaa, kani i cii dimi, lende ya kelu le tosaa ni, mɔnɛi biinin ya le kon tosaa le, i mangalanin diom kon te.»

Yeremi 5:4

I va yiyanndo maa: «O co vanaa sɔvɛ le vannda ha co le, a tosa sɔɔn kɔlkalu le, kani a sina nɛi Mɛlɛka-o le, tɔŋ Hala ndaa pɛɛn.

Yeremi 51:5

Kani lɛŋnde ndalen le pɛ a tɛɛmbuula nda tɛɛmbuu a Hala diandaa Israɛlla lan. Kɛ a kon kpede Mɛlɛka mel Israɛlla a Yudaa le, Mɛlɛka-Nɔ-Kpaayaa-Kpow-vo pɛɛn.

Yeremi 6:13

Kani kandɔɔ a cuaambɔ hiow dɔɔnanndo nda tɛɛn-ndo, kɔ bii a kaasonɔ hiow nda faw-vo, nda kpow, vana-vana nɔ hɔlten tɔnɔ ndɔ ndu pila-o kɔɔli. Kandɔɔ a vanaa-tɛɛngaa-diom Hala-a, kɔ bii a vana-solia-lasálàá, nda kpow vanaa lakafaa kposon.

Yeremi 7:28

o kon a dimul nda aa: «Vanaa yeŋnun diom Mɛlɛka Hala ndaa le-a niaa co ni, vanaa yeema mi vana sila nda le-a pɛɛn. Dɛnɛ sandaa ɲum mò fula niaa o lasondo few-few.»

Yeremi 9:20

«Kani piɔ́mndo hel o diola naala pɔmbɔlan, mó luɛi o cɛila naala sɔvɛlan nin. O co cuaambɔa biwvo o nɛilan coo, a felengia co o bɛ́ɛ̀lan-nda.»

Yeremi 9:3

Vana-vana bɛnda mò mandan a puapilɛ ndɔɔ, vana-vana co caan ndɔ toɲa dimul te, kani vana-vana co kafalan tosaa a vanndo pilɔɔ, vana-vana dimi sɔɛi kɛndɛ a caan ndɔ le.

Yeremi 9:7

Maa lebɛlɛn diɛɛmule ndalen le co le diyɔɔ ni, còòlan kínɛí la co nda o lasondo ni, sondo yeelɛiyo nda nɔ a caanda ni, kɛ o kɔlta ndalan nin, a co nda yaŋɔɔla nɛyɔnndan hendullo.

Esekiɛl 16:35

Lelan nɔm Yerusalɛn suundɛiyo ho se! Yaŋ nilan o sɔɛi Mɛlɛka-e!

Osee 12:2

Cuavaa-imamaa Efraim-nda co kiltan hoeiye kɔɔli, a co hoeyii fula a ba paalen le can-ndo-e kɔlan kɔɔli. Lepalaa-lepala a co còòlan a delɔɔcoo vangalaa. A yii kpemaa a lɛŋnde Asiri len, a co cuɛiyan pisio Esiptea o ba.

Osee 12:3

Mɛlɛka co hunɔɔ kɔɔsɔ a polale Yuda len, o soaŋnin cuavaa Yakɔb-a le kela nda vɔɔndo. O tosalnin nda mɛɛ dɛnnda ndalan la co yɛ.

Osee 5:1

«Niaa vanaa-solia-lasálàá, la yaŋ nilan o sɔɛi he. Niaa simlacia Israɛlla, la tuei-yɔ. Niaa co o cɛi lemasaa nin-nda bɛɛ, la yaŋnun-ndɔ. Niáà bɛnda le vannda pɛɛkoo le dɛnɛ sandaa tosaa ni. Kɛ mí la yɔŋnun yaŋɔɔlen le yungu ni co Mispa-o, mí la yɔŋnun yala toandaa o pembei Tabɔr coo.

Osee 5:4

Dɛnnda nda co tosaa lan la nɔla lɛ mì la mingi nda Hala o ibuŋ te. Kani hoeyii suunda soolaa n'piɔmnde co hɔŋndo nda coo le tùú nda sina Mɛlɛka le-o.

Yɔɛl 1:2

«Niaa kaasoŋaa kɔlkalua, la yaŋ nilan o sɔɛi he. Niaa co icali o lɛŋnden nden nin-nda, la tuei-yɔ! Vɛ̀ɛ̀ dɛnɛ vaa nuaa tosan nin o paale niaalen, te kon te o palɛi fuɲaa niaa?

Amɔs 3:1

«Niaa cuavaa Israɛlla, la yaŋ nilan ɲɛkɛndɛi o sɔɛi he, sɔɛi Mɛlɛka dimi hee niaa coo-e, ì ó dimi hee yungula o soli Esipte lan kpede coo-e. Nuaa o dimi ni aa:

Amɔs 7:16

Lelan, yaŋ niko nilan o sɔɛi Mɛlɛka dimi-e, nɔm co ya hoo kuunaa aa ya tɛɛnguu sɔɔn Mɛlɛka-on a Israɛlla o kɔɔ loo. Nɔm, a kuuna ya aa ya tombola a cuavaa-imamaa Isaak-a o sondo le.

Misee 6:2

Pembon sei, la yaŋ nilan o yamɛi Mɛlɛka-e! Niaa fondala lɛŋnden le kɛsi tumndo coo lan sei, yamɛi hin kiolu Mɛlɛka nda yungu ndɔɔ tɛɛn! Mɛlɛka luɛi kɔɔsɔɔ a Israɛlla.

Nsaŋ 8:55

Kɛ la sina ndu le. Ya yɛ, i sina ndu. Te i dimi pɛ maa i sina ndu le, i siŋnun ɲɛ pilɔɔ naa niaa, vana lacòòvaa pɛɛn. Kɛ i sina ndu, i co sɔɛi ndɔɛi biyɔɔ.

Rɔmnda 1:28

Le tùú nda kɛɛ le Hala sinaa-o, mó mal nda a kɔlkalu nda laasi-laasio, má luɛi dɛnnda vana bɛnda le tosa le lan tosaa.

1Korɛntea 15:34

La tosa dɛnɛ sandaa, la tosa lahaki le, kani a pum a sínà Hala le, i ya co hee dimio-e co dɛnɛ lasiɛmbu le niaa.

Dɛnnda cɔɔmuanndan 2:11

Vana nɔ pɛ nilan, mɛɛ ndú tuéi ɲɛ mɛlɛkanɔɔ co vanaa laalannda dimullo-o. Piɔ́m diinndɔɔ pilannin vana nɔlanin-ndo le.›»

Dɛnnda cɔɔmuanndan 2:29

Vana nɔ pɛ nilan, mɛɛ ndú tuéi ɲɛ Kɔl-Diandaa co kundala vanaa laalannda dimullo-o.›»