Osee 3:5 - BII BILA

⁵ O kon kɔɔli, a muungunin mà nuwviaa Mɛlɛka, o co Hala ndaa-o, mà nuwviaa vɛlɛ David masa ndaa. A sɔɔnguunin Mɛlɛka a dɛnɛ ndɔ kɛndɔɔ ikɛi a ɲiiyaa.»

Osee 3:5 Iomraidhean Croise

1Masaa 12:16

Mɛɛ Israɛlla kpow a ce maa masaa ve nda lani yaŋɔɔ le, má mulul ndu aa: «Yɛɛ co yɛ naa tɛɛn naa David-aa? N nɔ kɛ́ latulu naa po Yisai-yo-aa le! Sei! Naa Israɛlla, n muungun o la naa lo cɛinin. Nɔm po David-o ho, a ce cɛi nɔmndo, koma tosa mɛɛ n yeema yɛ.» O kon, mí Israɛlla muungun o la nda lo.

Esai 17:7

O palɛi ken nin, vanacieo mulinin hɔlla o vana toosiaa ndu-o lo, o tofanin O-Diandaa Israɛlla.

Esai 2:2

Ɲɔɔ yɔŋnunnin o palɛi co hunɔɔ siɔdii laci-e nin, mì pembii Cɛi-Mɛlɛka-o co coo-e sim o pembun bɛndon kpow bollen, mì i bandu háá mì i hiow pembun pɔmbɔn. O kon, vanaa-mangalaa-isɔɔa kɔanin ndon sɛ́lɛ́ bɛndoo taw.

Esai 2:3

Vannda súúlan taw a kɔanin ndon taw-taw mà dimi aa: «La hun mì n helnun o pembii Mɛlɛka-e coo! N helnun o Cɛi-Hala Yakɔb-o nin haliko mo pɛɛku naa nɛila ndɔlan, mì n kela o nɛila o cɔmnin naa lan coo. Kani Siɔn tɔŋndo fulanin ni, Yerusalɛm sɔɛi Mɛlɛka-e fulanin ni.

Esai 60:5

A canin ɲɛ ma naŋ kɔl taw, kɔl nɔmndo ɲiiyanin mì ɲɔɔ hɛnan nɔm taw-taw. Kani bolofaa mɛmma ihɛllo hunnin sumialii nɔm, ɲɛ-sɔlaa vanaa-mangalaa-isɔɔa hunnin nɔm o ba,

Esai 9:13

Lelan, Mɛlɛka faŋanin bollen a puilen, siɔ̀ɔ́la vawlan a kpɛ̀ndɛ̀len o lɛŋnde Israɛl-ten nin o paalen ten pilɛ nin.

Yeremi 23:5

Mɛlɛka dimi aa: «Paale co hunɔɔ, mì tosa mì hɔ́ɔ́ velun o polale David len nin, masa kɛndɛ kɔlkaloo o vanin ni. O tosanin masalen o lɛŋnden nin o sakpoyɛi a o sandei nin.

Yeremi 30:24

Kɔltuw bɛndu Mɛlɛka-o muungu le, mɛɛ mò tosa ɲɛ o bɛnda le tosaa-o kpede, ɲɛ va ndu o kɔl-lo pɛɛn. Paale vanin mì la bii ken bila.»

Yeremi 30:9

Ya Mɛlɛka Hala ndaa, a David masa ya kenin nda-o nda tosalnin baalaa ni.

Yeremi 33:17

Diom Mɛlɛka dimi-o co hoo ni aa: «David folanin vana o polale ndɔlen nin lɔ́ɔ́-lɔ́ɔ̀ le calle o kpɛŋɛ lemasa nin le masalen tosaa Israɛlla coo le.

Yeremi 33:9

O kon ɲɔɔ hɛnannin ya le diola Yerusalɛm-ndan veeloo, biiloo a bɛɛlen le vanin le ya vanaa-mangalaa-isɔaa co o lɛŋnden coo kpow-va tɛɛn. Telen nda tuɛinin dɛnɛ kɛndɛ ya tosalnin nda-o-o, siòònde a misimisio biinin nda le naŋɔɔ a le dɛnɛ kɛndɛ ya tosalnin nda kon kpow-vo.»

Esekiɛl 16:63

Kon tosanin haliko ma yiyan a ɲɛ tosan paandu-o, mì siɛmbulan la bii nɔm, bako bɛɛ a suu lɛnin te. Kɛ ya, i malnin nɔm haki le dɛnnda vɔɔnnda n tosa lan kpow. Ya Maalii, ya co Mɛlɛka-o soo nuaa ni.»

Esekiɛl 38:16

A heelunin mà kuel, vanaa nia, Israɛlla maa yumbuyumbu co kɔlan lɛŋnden kumbɔɔ mɔku-mɔku-o. O telenndan mɛɛlulan ken tosannin ni. I yaanin nɔm le kɔlan lɛŋnde nilen delɔɔ coo, haliko mi vanaa-mangalaa-isɔɔa sina ya, lɔ́ɔ́ ya cɔmnin nda diondɔɔ nuu a nɔm o kɔɔ-o, nɔm Kɔk pɛɛn!›

Esekiɛl 38:8

O vɔsila bɔɔ-bɔɔ kɔɔli, i viamnin nɔm mà kuel lɛŋnde Israɛl-ten. O kon, vanáà hɛlun má ɲaanun cɔwvo o lɛŋii yɛ́-yɛ́i nin-nda muungunin mà kɔ cuungian Israɛl, o co nin lɔ́ɔ́ levil taw, vana hel-lɛ o pembun mun coo le. A faŋannin vanaa celen tɛɛn, mà va nila ɲulu.

Daniɛl 10:14

I hin nihau le nɔm ɲɛ hun yɔŋnunin yungu nɔmndo o siɔdii lacio nin-ndo dimullo, kani vundulen le co vɛlɛ le telen kon.›

Daniɛl 2:28

Kɛ Hala pilɛ co o halataala, o cɔɔmuu sɔɔn kɔndɔfillon-ndo. Ndu cɔmnin nɔm masaa Nebukanɛsar ɲɛ yɔŋnunnin siɔdii laci-o ni. Lɔma n sɔl-lan a vunduma n ce o kpele nɔmndo coo-an ma yɔŋnun man ni:

Osee 11:10

Vannda kɔanin Mɛlɛka kɔɔli. O vanin pɛɛliaa maa yàlà. O lonin pɛɛliaa kon mì poaa ndɔa cɛn a ba paalen le del-lo, mà hin a kiltan a á ɲiiyaa.

Osee 5:15

«I co lakɔ mì muungun o calta nilan háá mà sina maa a cua hakio, mà nuwviaa ya le muungoo ya o ibuŋ. Taa va pɛ o kuɛi nin, a co cɔnɔn ya nuwviaa.»

Osee 5:6

A cuanin saa ndaa a navaa ndaa mà kɔɛ Mɛlɛka nuwviaa a nda. Kɛ a seelunnin ndu le, kani o kɔɛ nda levil.

Osee 6:1

«La hun mì n muungun Mɛlɛka o ibuŋ! Kani ndu lɔɔ naa ni, kɛ o co naa cɛw. Ndu booluu naa ni, kɛ o co pavii nɛi holiholi.

Amɔs 9:11

O paale len nin, i minginin cɛi David co o tambɛiyo-o toosiaa, i minginin tɛɛngun buuluu-on baŋul, mì mingi ndu kpɛlɛkia ɲɛkɛndɛi. I minginin ndu tangul mɛɛ o va paandu yɛ,

Misee 4:1

«Palɛi pum co hunɔɔ tiiya, mì pembii Cɛi-Mɛlɛka-o co coo-e i hiow pembun bɛndon bandei, mì i hiow pembun pɔmbɔn kpow helɔɔ. Lon vannda súúlan kpow a vanin kɔlan ifili-filiei ni.

Kundalan 24:14

Lelan sisa, i co hunɔɔ muungu yungu nuu o ibuŋ. Kɛ telen pá ya kɔa, hun mì dimul nɔm ɲɛ vannda ha tosalnin vanaa nɔmnda siɔdii laci-o.»

Rɔmnda 11:25

Puapilɛa nia, i yeema mì la pɔw dɛnɛ kɔndɔfillo ho le, yɔŋii niaa pila cɔnnun vanaa kɔlkalu. Israɛlla pum a lonin nila kalulan tosaa háá mì vanaa sina Hala le-a kpow a muungu Hala o ibuŋ.

Rɔmnda 2:4

Te kon te vɛ̀ɛ̀ a co vanakɛndɛyɛi bɛndui Hala-e, biuvɔn ndɔɔ a dɛnɛ kɛndɛ ndɔɔ yii luɛyɔɔ le? A co sínà le maa le mangalan nɔmndo Hala co kon kpow tosaa ni?

Tɔŋ miingua 4:30

Te sangala lan kpow la kei pɛ niaa coo mì la ŋɔɔcian, o kon kɔɔli la muungu o Mɛlɛka Hala niaa lo, la bii diom ndɔɔ.