Osee 3:4 - BII BILA

⁴ Kani cuavaa Israɛlla viawnin tei, a nɔnin masa le, a nɔnin simlacinɔ le, a solinin lasálà le, a nɔnin powta sálà le, a nɔnin ɲɛ vana tosa le hɛnan Hala-o sinaa le, a nɔnin piɔmaa tongonin te.

Osee 3:4 Iomraidhean Croise

O Kandɔɔ 31:19

Telen kon, Laban ndu ndóò kɔɛ saa ndɔa yiinde kilio. Mɛɛ nda cɛn kɔnndan, mí Rasɛl ciimbuu piɔmaa tongoniŋaa fuɲa ndɔa.

O Kandɔɔ 31:34

Nduyɛ, mɛɛ Rasɛl cua piɔmaa kan, mó vian nda o ɲɛ-calaa nda kɛsi ɲɔɔmɛɔ o kɔɔ le calle-o bɛngu, mó cal lecoo. Mí Laban nuwviaa o cɛi-kola-toandaa Rasɛl-lo nin kpow, kɛ o ci ɲɛ-ɲɛ le.

O Kandɔɔ 49:10

Tinda lemasaa feŋannin Yuda o ba le. Tinda kon lonin o polale ndɔlen coo háá mì vana nɔ tinda kon kpeekpei-yo hin. Vana vanaa-mangalaa-isɔɔa kpow vanin bɛɛlen keo-vo pɛɛn.

2Samiɛl 6:14

O kon, mó tundun yolan Mɛlɛka o hɔl a yoomuma ndɔan kpow. Doma ifalen solia lasálàá toosian a kola keesoo-o daama va ndu lekɔɔ ni.

2Masaa 23:24

Handɔɔ o sɔɔn mún kpow coo, mí masaa Yosia cii vanaa soaa a vanvílɛ́iya-a, vanaa viamaa yavaa, piɔmaa tongoninnda, piɔmaa soolaa a ɲɛ-ɲɛ nɔɔlɛi vanáà ca o tàndá Yuda-o nin a o kobio Yerusalɛm nin kpow. O tosa kon le sɔɔn va n'sɛvaa o sɛbɛ tɔŋndo nin-ndon, sɛbɛ Hilkiya vana-solia-lasálàá ndóò saalun kon o Cɛi-Mɛlɛka-o nin-ndo pɛɛn.

2Dɛnnda lemasalan 15:2

mó kɔa o Asa lo, mó dimul ndu aa: «La yaŋ ya nilan, nɔm Asa, Yudaa a vanaa fula o polale Bɛnyamɛn-nden nin-nda! Te la co vɔ pɛ Mɛlɛka o ibuŋ, mɛɛ ndu bɛɛ vanin a niaa. Te la nuwviaa pɛ ndu, o cɔmnunnin niaa, kɛ te la mulul pɛ ndu kɔɔ, ndu bɛɛ mululnin niaa kɔɔ.

Fulaa 28:4

Volɔɔla nda bɛnda mà sɔndu lan la co lan ni: doma-lapow-iyamaa, doma ifalenndo, doma bɛndoo, doma lebɛngu sɔɔlaa, mɔsillo a yáwlen. Mì vanaa kan a toosiaa volɔɔla diandaala solia lasálàlan ndan le Aarɔn bɛ nɔm nda poaa ndɔa, haliko ma siŋnun vanaa-solia-lasálàá le ya Mɛlɛka.

Fulaa 28:6

«Mì vanaa kan lɔ doma ifalenndo a kɛila n'sianilan, a kɛila nda yin a kaan-ndan, a kɛila siaŋala sɔɔtɔtɔlan, a kɛila siaŋala vólotótolan a á kola keese nda lɔ a kɛila kpeendaalan-ndo. Mì vanaa caa baala kon taw-va toosiaa lan.

Cɛɛŋɔnnda Yeremi lan 2:9

Mí koŋnda kobi kalaa la deli, mí la luɛi lɛŋ. Mí Mɛlɛka tɛɛmbuu sɔkɔma ndan. Masa ndɔɔ a simlacia ndɔa kpow a co a biyaa vanaa-mangalaa-isɔɔa o ba. Vana-vana co lɛ le vannda tɔŋndo pɛɛkoo le. Hali vanaa-tɛɛngaa-diom Hala-a, a co lɛ levundu cɔ fulaa Mɛlɛka o ba le.

Esekiɛl 19:14

Yinnden le fula o lɛvun ndɔn nin mí le loam lɛɛndon a kɔmnde ndɔlen, o nɔ lɛ lɛvii kàlà-kálà nɔla mì i va tinda lemasaa-e le. Condii imɔnɛi co hee ni, i vanin solinndo le mɔnɛi biyɔɔ-e.»

Esekiɛl 20:32

Ɲɛ niaa co tuuvo le tosaa-o tosannin te few. Kani la co dimio aa: ‹N yeema mi naa bɛɛ n va maa vanaa-mangalaa-isɔaa celennda, maa yungula co o lɛŋii celennde nin-ndan. N yeema mi n sooluu yɔmnde a powtan.›

Esekiɛl 21:21

Nɔm mɔɛi cɔwve, lɔva o ba kɛndɔɔ coo, mà lɔva o ba mɛllo coo! Lɔva nɛɛ-nɛɛ ka.

Esekiɛl 21:31

Lelan tuei-yɔ mɛɛ Maalii soo yɛ, Mɛlɛka pɛɛn: ‹Tɔɔmasele lemasaa faŋannin nɔm coo, mɔsil lemasaa sungunnin nɔm o lebol. Ɲɛ-ɲɛ mangalanin! Ɲɛ co o tuisianndo-o heelunnin, mì ɲɛ co o heelanndo-o tuisin.

Daniɛl 11:31

O viamnin vanaa cɔwva mà hun nɔɔliaa cɛi-diandaa a kobi nda kunga a kpakio-o. A kuunanin sálà nda solul Mɛlɛka lepalaa-lepala-o, mà hun kɛsi mààla tɛɛmbualan ndon.

Daniɛl 12:11

Kandɔɔ o telen nda kuuna sálàla nda solul Mɛlɛka lepalaa-lepala-o lan-ndo kɔlan biyɔɔ háá a telen nda kɛsi ɲɛ lamàà tɛɛmbua o cɛi-diandaa nin-ndo, palɛi vanin vàá pilɛ kɛmɛ lediin a belaŋɔmahiɔɔlu.

Daniɛl 9:27

O lɔ́ɔ́ pilɛ bɛngu, o yiinin kpema kàlà-kálàá a vannda taw. O tɛɛmbuunin sálàla n'cɔlulan a sálàla ɲɛm-vaalan o lɔ́ɔ́ táláá bɛngu. O telen kon bɛngu, o tosanin sɔɔn vɔɔŋun bɛndon háá telen kelun le mɛɛlula ndɔlan-ndo.›»

Osee 13:10

Ɔ́ɔ̀ niko masa niaa? Mɛɛ o baŋa niko niaa o kobila niaalan kpow nin! Kuɛɛ simlacia niaa co yɛ? A niaa va dimio a nda o kɔɔ aa ya ke niaa masaa a simlacia-a pɛɛn.

Osee 13:11

I ke niaa masaa o kɔl ni tuwvo nin, i puunin ndu niaa o ba o kɔl ni fulaa nin.

Osee 2:11

Lelan, i co malun nun poonda o telen koavaa, mì puu mɔima nian o telen mamɔiyo. I co vɛlɛ kola ni toosian a yiiŋii saa-o a kola keese ni va ndu siɛmbulan kumbɔɔ-o yuunda.

Tɔŋ lasálàá 8:7

Mó vow Aarɔn doma lebɛngoo, mó yii ndu yáwlen, mó vow ndu doma bɛndoo, mó vow ndu doma ifalenndo lecoo, mó yii yáwve o doma ifalen kon coo,

Sakari 10:2

Kani piɔmaa tongoniŋaa niaa co piɛiyo-a co niaa mulullo a sɔɔn lacòòvan. Mandea co vannda vunduma lacòòvan dimullo, à co lɔma sɔlaama lacòòvan dimio, à co vannda ɲɔɔloo a kpaavɛi. Lelan vannda ha kɔɛnnun a laasianndo ni maa n'cɔlu, a co o mɔnɛi nin maa saa nɔ vana mandaa le-a.

Sakari 13:2

«Mɛlɛka-Nɔ-Kpaayaa-Kpow-vo soo aa: ‹O palɛi ken nin, i ɲuminin diola piɔmnda kpow o lɛŋnden nden nin. O kon vana loonun ndɛnin a nda o kɔɔ le. I faŋanin vɛlɛ vanaa siingun nda pila vanaa-tɛɛngaa-diom Hala-a a kɔl dɛnɛ nɔɔlɛiyo o lɛŋnden nden nin.

Luke 21:24

A diwnin nda a mɔɛi cɔwve, a kɔanin a vanaa tɔ̀a, mà mal nda o kaasolan o lɛŋii vanaa-mangalaa-isɔɔa nin. Yerusalɛm delnin vanaa sina Hala le-a o ba, mà nɛw ndu, háá mì telen kelun le nda-o cuu.»

Nsaŋ 19:15

Kɛ má deŋi o lepilɔɔ aa: «Faŋa naa ndu o hɔl! Faŋa naa ndu o hɔl! Kɔ baŋ ndu o yɔm singafilaa coo.» Mí Pilate ɲuna nda aa: «Vɛ̀ɛ̀ mì baŋ masa niaa o yɔm singafilaa coo?» Mí bolii vanaa-solia-lasálàá muli aa: «Naa n nɔ masa celen o Sesar kɔɔli le.»

Hebreea 10:26

Kani te n va pɛ hiovɔɔ laci a nila kalulan tosaa o hakilan nin, nduyɛ n sina nin toɲaa, mɛɛ sálà faŋa hakila vaa lende-o co le,

Masaa kialaa n'yamaa 17:5

Mika kon yɛ, ndóò nɔ cɛi máándo. Mó toosiaa doma ifalen solia lasálàá, mó toosiaa vɛlɛ piɔmaa tongoninnda, mó kɛsi po ndɔɔ pilɛ lon le sálàla ndɔlan solio.

Masaa kialaa n'yamaa 18:14

Mí vanaa ŋuɛɛnua ndáà kɔɛ kan lɛŋnde Lais len mɛɛndianndo-a dimul caaŋaa ndaa aa: «La co pá sina maa doma ifalen solia lasálàá, piɔmaa tongoninnda, piɔm tuulaa a piɔm nda cɔw a ciliŋun teengian-ndo co o cɛilan ndan o pilɛ nin? Niaa pila yiyan niko ɲɛ niaa bɛnda mì la tosa-o.»

Masaa kialaa n'yamaa 8:27

Mí Sedeɔn cɔaw piɔmndo a sianin mun, mó kɛsi ndu Ofra o ndu lo ciee. Mí Israɛlla kpow a laasian o ndu sooloo nin. Mí dɛnɛ kon siŋnun yaŋɔɔlen le Sedeɔn a yungu ndɔɔ.

1Samiɛl 14:3

Vana-solia-lasálàá va lon, po Ahitub puapilɛ I-Kabɔd-o. I-Kabɔd kon yɛ, Pineas po Helii-o velu ndu ni. Doma ifalen solia lasálàá va ndu lekɔɔ, ndu va vana-solia-lasálà Mɛlɛka-o Silo ni. Vanaa cɔwva ve sina maa Yonatan ndóò kɔɛnnun te.

1Samiɛl 15:23

Kani mɛɛ yavaa vomɔɔ co dɛnɛ vɔɔndo yɛ, lende koni nila kalulan la co dɛnɛ vɔɔndo ni. Mɛɛ piɔmaa tongoninnda sooloo co dɛnɛ nɔɔlɛiyo yɛ, lende koni sɔɛi biyaa lepɛŋnde co dɛnɛ nɔɔlɛiyo ni. Lelan, mɛɛ n kɛɛ le diom Mɛlɛka-o biyɔɔ yɛ, Mɛlɛka bɛɛ kɛɛ nɔm. A co lɛ masa le.»

1Samiɛl 2:18

Kɛ Samiɛl ndu, o lo o pɔmbɔ, mó va baala ndɔɔ tosaa Mɛlɛka o hɔl, doma ifalen solia lasálà nda toosiaa a kola keesoo-o va ndu lekɔɔ.

1Samiɛl 21:9

Mí David ɲuna Ahimelɛk aa: «Vɛ̀ɛ̀ a nɔ bál, te kon te mɔɛi cɔw o ba le? I cue mɔɛi cɔvii nii le, i cue vɛlɛ volɔɔla nila cɔwlan te, kani fɔ mì yáà kɔɛ vomɔɔ masaa cɔ́-cɔ́.»

1Samiɛl 22:18

Le hee, mí masaa dimul Doɛk Edɔmnɔ aa: «Poo sei, cɔn mà diw vanaa-solia-lasálàá ha!» Doɛk cɛn nin ni, mó diw nda. N'van belaŋɔmaa a vanaa ŋuɛɛnu o dii ɲinkon ni, domala ifalennda solia lasálàlan la va nda kpow lekɔɔ.

1Samiɛl 23:6

Lɔ́ɔ́ Abiatar, po Ahimelɛk-o hin vionnɔnndo o David lo Keila-o, mó hun a doma ifalen solia lasálàá o ba.

1Samiɛl 23:9

David sinaa maa Saul va bɛɛndianndo le ndu dɛnɛ vɔɔndo tosallo, mó dimul Abiatar vana-solia-lasálà aa: «Hun a doma ifalen solia lasálàá.»

1Samiɛl 30:7

Mí David dimul vana-solia-lasálàá Abiatar, po Ahimelɛk-o aa: «Cuu ya doma ifalen solia lasálàá.» Mí Abiatar yoo ndu doma ifalen solia lasálàá.