Osee 3:1 - BII BILA

¹ Mí Mɛlɛka dimul-la aa: «Kɔ kaola vɛlɛ vanalanɔ nɔ sámáá mò va suundaa-o, mà kaola ndu mɛɛ ya Mɛlɛka kaola Israɛlla yɛ. Hali a co bɛɛ kɔlan halaa celen sooloo mà va dɛɛla toosian a rɛsɛnndon-ndan yeemaa nuaa.

Osee 3:1 Iomraidhean Croise

2Samiɛl 6:19

O kon kɔɔli, mó piɔw vannda kpow ɲɛdiaa, Israɛlaa piaandua a à laandua va lon sɛ́lɛ́ bɛndoo-a pɛɛn, mí vana-vana sɔla buloo o pilɛ, dɛɛ n'tamaro toaŋaa o pilɛ a dɛɛ n'rɛsɛn toaŋaa o pilɛ. O kon, mí nda kpow, vana-vana muungu o ndu lo.

2Masaa 13:23

Kɛ mí Mɛlɛka tosal Israɛlla kɛndɛi, mó tuinun nda iɲíí, mó mulul nda hɔlla le kpema ndóò yiilu Abraham, Isaak a Yakɔb-o. O cɛl le nda tɛɛmbuuo le, nduyɛ háá paalen nden, o kɛɛ nda mò faŋal nda hɔlla le.

1Dɛnnda lemasalan 16:3

O kon kɔɔli mó piɔw Israɛlla ɲɛm dian: vanapɔnɔ, vanalanɔ, mí vana-vana sɔla buloo, dɛɛ nda toŋ a tamaro-o a dɛɛ nda toŋ rɛsɛnndon-ndo.

Nehemi 9:31

Kɛ hali a kon, a kaola nɔm nɔ lamɛɛlu loo, a cii nda le, a kɛɛ nda le, kani Hala iɲííyo a Hala nɔ kɛndɛi-yo n co ni.

Condii lisai 123:2

Mɛɛ buɛyaa piaandua tofa vana nɔ nda baa coo-o nuaa yɛ, mɛɛ a laandua tofa vanalanɔ nɔ nda baa coo-o nuaa tuŋ yɛ, lende koni, n co Mɛlɛka Hala naa tofaa ni háá, mò tuinun naa iɲíí, mò mala naa.

Fulaa 32:6

Le hee, diimandɔɔ idiiyo púŋ, mí vannda solul piɔm kon sálàla loamaalan a sálàla kɔlɲululan. Mɛɛ nda cii, má cal le ɲɛdiaa dioo a le kolɔɔ, o kon kɔɔli, má can pisulta bɛɛ tambɛilan.

Condii kɛndɛ-kɛndɛi 2:5

La míngí ya yoomuan o n'dial a fùlúfùlù rɛsɛŋun toaŋaa. La lueí ya yoomuan a pɔmii koamɛi. Kani i co a nàà kaolaa.

Esai 45:22

Lelan la mulin mì la hin ya o ibuŋ, o kon la sɔlanin cindaa, niaa co o lɛŋnden mɛɛlulan-nda kpow! Kani ya co Hala ni, Hala celen co o ya kɔɔli le.

Yeremi 3:20

Kɛ niaa Israɛlla, mí la hui ya mɛɛ vanalanɔɔ kɛɛ lou o lediom coo a pɔnɔ ndɔ yɛ. Ya Mɛlɛka co sɔɛi nuaa ni.

Yeremi 31:20

Efraim co po ni kaolaa ni, po ya handu kɔllo coo-o. Telen oo telen ya va pɛ ndu dɛnɛ palaa tuisio coo, kɔllo faŋan ya o ndu lo le. Yiyanndo tuŋ ya yiyan ndu coo ni. Kani kaolaa pila ya kaola ndu ni, ɲííye pila ya nɔ a ndu ni.» Sɔɛi fula Mɛlɛka o sondo-e co ken ni.

Osee 11:8

Vɛ̀ɛ̀ ya nɔla yɛnin niaa kɛɛ, niaa cuavaa-imamaa Efraim-nda? Éé niaa Israɛlla, vɛ̀ɛ̀ ya tiw yɛnin ba mì yii niaa dúmbú? Vɛ̀ɛ̀ ya nɔla yɛnin mì tosal niaa maa kobio Adma, te kon te mì siinguu niaa maa kobio Seboyim? Kɔllo hiilun ya nin, ɲííye bii ya taw-taw.

Osee 2:5

yɔŋii ya yunga ndu, mì mɛi ndu fondo fúú, mɛɛ o va o paale nda velu ndu len coo yɛ. I minginin lɛŋnde ndɔlen lɛŋnde veselɛilen, mì mingi len lɛŋnde mɛmma sɔlan nin te len. O kon mò vi a bolola vesɛilan.

Osee 4:11

Suunda a mɔiyan ma co vanaa nia bolle hiŋndo.

Osee 7:5

O paale kafole masa naa coo, vanaa bɛndua kol pɛ mɔiyan tei, a yɔŋnun maa vanaa nàà. O kon, masaa siɛndul vanaa mam vannda-a baa.

Amɔs 2:8

A co keiyo hinilan o máánndan ikɛi o volɔɔla nda bii o landei nin-ndan coo. A co mɔima vanaa nda luei bɔnɔɔ-an kolɔɔ o cɛila biilaala hala ndaa nin.

Amɔs 6:6

La co mɔiyan kolɔɔ a taalala humanndan. La co cuɛima kɛndɛ-kɛndɛan suunɔnndo, kɛ la co buulan le dɛnɛ palaa co polale Yosɛf len mɛngɛlaa-o le.

Misee 7:7

«Kɛ ya, o Mɛlɛka lo kínɛí ya nɔ hɔlla ni, Hala nɔ cinda nuu o ba-o ya tiindan ni, ndu Hala nuu tuɛinin ya diom mò mulul-la.

Sakari 1:16

Lelan, Mɛlɛka dimi aa: I muungu Yerusalɛm a ɲíí nii bɛnduei, cɛi biilaa nuu muungunin vɛlɛ tangulɔn ndon, a tuunin Yerusalɛm a yoolen le ndu tangullo. Sɔɛi fula Mɛlɛka-Nɔ-Kpaayaa-Kpow-vo o sondo-e co hee ni.›

Matie 26:50

Mí Yeesu dimul ndu aa: «Caan nuu, tosa ɲɛ n hin tosa-o.» O kon mí vanaa tɔ̀a sɔɔnguu, má bii Yeesu.

1Korɛntea 10:21

La nɔla mì la va kolɔɔ o taala kólaa Maalii-o nin a o taala kólaa ɲinaa vɔɔnda nin te. La nɔ́là vɛlɛ mì la va ɲɛdiaa Maalii-o dioo mì la va vɛlɛ ɲɛdiaa ɲinaa vɔɔnda dioo le.

1Korɛntea 10:7

La siŋnun vanaa soolaa n'piɔmnda maa a pum o nda tɛɛn te, maa mɛɛ sɛbɛ Hala-o dimi yɛ aa: «Vannda cal le dioo a kolɔɔ, o kon kɔɔli má can pisulta bɛɛ tambɛilan.»

1Piɛr 4:3

Kani dɛnnda kɛ́-kɛ̀ niaa tosa o paandoo nin, o hɛnan vanaa sina Hala le-a nin niaa yɔŋ kon ni, kela laasi-laasio, yeemɛi n'faluei, bahiuvaa le mɔiyan kolɔɔ a dɛnndan nin, bɔŋiannda kolaa mamɔilan, a mààla biilaa n'piɔmndan.

Masaa kialaa n'yamaa 10:16

Mí Israɛlla faŋan piɔmaa nda va sooloo-a kɔɔli, má muungu vɛlɛ Mɛlɛka biiloo. Le hee, mí Mɛlɛka yiyan nda coo le sangala bɛndula nda va lan-ndan.

Masaa kialaa n'yamaa 9:27

Má kɔa o ciɛɔn n'rɛsɛŋun ndan nin, má kiandu rɛsɛnndon, má toosiaa mɔiyan a mun, má tuisi kafoo, má kɔa o cɛi máán hala ndaa nin, má dia dió kafoo, o kon má mɛna Abimelɛk.