Osee 2:8 - BII BILA

⁸ Lelan, ya Mɛlɛka, i co ndu nɛiyo kinda laci a yɔɔn, i co ndu kpakio cɔvɔɔ laci. O ci lɛnin nɛi o vanin kɔlan coo-o le.

Osee 2:8 Iomraidhean Croise

1Dɛnnda lemasalan 29:16

Mɛlɛka Hala naa, nɔm o ba ɲɛm naa n cuungiaa mun le nɔm Cɛiyo tengullo-on kpow n fula ni. Biiloo co le diola nɔmnda diandaalan, bau nɔm nɔ ɲɔɔn kpow ni.

SƐBƐ YƆB-O 19:8

Hala kindal-la nɛiyo le ya kuunaa hiovɔɔ, O mal-la nɛilan nuwviaa o ɲumndan nin.

Esai 1:3

Nawvo sinà vana nɔ ndu-o, sofɛlɔɔ sinà hèé vana ndɔ bɛndoo. Kɛ Israɛlla nda sinà ɲɛ-ɲɛ le, yungu nuu bii ɲɛ-ɲɛ bila le.

Esai 46:6

Vannda pum co sianion solio o bɔlɔla ndala pɔmbɔlan nin, a co volion tuuvo o ɲɛ tuvaa coo, a co vana teengiaa n'volio salaa, le nda piɔmnda cowvo a ɲɛm mun. O cɔw pɛ, a baŋ vulan piɔm kon o labɛngunin, a sooluu ndu.

Yeremi 7:18

Poaa ndaa tingu pɛ yɔmnde, fuɲaa ndaa mɛndul yinnden, laandaa ndaa linda dɛɔ le toŋɔɔ le masa-laandu co o halataala-o, a le halaa celen sálàla mamɔilan solullo haliko ma tɛɛmbuu ya kɔllo.

Esekiɛl 23:41

má cal o kpele kɛndɛ-kɛndɔɔ coo, tabalio va o kɛsiaa o kpele kon hɔl-ndɔ, má handu lasikɔlɔ nuu a ansan nuu lecoo.

Daniɛl 3:1

Mí masaa Nebukanɛsar cɔaw piɔmndo a sianion bandei dunndo belaŋɔmpum, buo dunndo leŋɔmpum. Mó simi ndu o dɛɛlaa Dura nin, o tàndá Babilɔn-ndo nin.

Daniɛl 5:23

Má simul Maalii co o halataala-o, má cua ɲɛm diandan va o cɛi ndɔɔ nin-ndon, má kol mɔiyan lenin niaa vanaa bɛndua nɔmnda, laandaa nɔmnda a sámáá nɔmnda. Mí la lisa piɔmaa cɔwnun a sianion, a volin humbon, a daɲan, a cilinndon, a yɔmnde a á powtan-nda. Piɔmaa niaa kan yɛ, a ci le, a tui le, a bii ɲɛ-ɲɛ bila le. Kɛ, má sooluu nda, má kɛɛ Hala nɔ yoomu nɔmndo a siɔdii nɔmndo o ba-o biiloo.

Osee 10:1

«Israɛlla va maa nakɔ n'rɛsɛn koam taw-vo, a va kuiyo taw-taw. Kɛ mɛɛ nda va kɔlan a kuiyo faw, lende koni nda va fondala-loamaa-lasálàlan vangalaa ni. Mɛɛ lɛŋnde ndalen le va naŋɔɔ yɛ, lende koni nda va powta sálàlan baŋɔɔ ni.

Osee 13:1

«Te cuavaa-imamaa Efraim-nda ndáà va pɛ sɔɛi, siòònde ndíì bii vannda kpow. Langbaa kɛsun kálàá nda va Israɛl ni. Kɛ má del kasi le sooluu nda sooluu piɔmndo Baal-lo, má sɔla piɔ́mndo.

Osee 13:2

Háá sisa, a co hiovɔɔ laci a hakilan tosaa, a co volin ndan teengiaa mà va piɔmnda cownɔnndo a mun. Piɔmaa nda pila co cɔvɔɔ-a kpow, vanaa caa cɔwva-a co nda cɔvɔɔ ni. Vannda co dimio a nda o kɔɔ aa: ‹Vanaa co sálàlan solio a vanndacieea-a nɔla ma kɔman piɔmaa co maa navaa téndé-a, mà sɔsa nda sondolan le nda sooloo.›

Osee 2:5

yɔŋii ya yunga ndu, mì mɛi ndu fondo fúú, mɛɛ o va o paale nda velu ndu len coo yɛ. I minginin lɛŋnde ndɔlen lɛŋnde veselɛilen, mì mingi len lɛŋnde mɛmma sɔlan nin te len. O kon mò vi a bolola vesɛilan.

Osee 4:11

Suunda a mɔiyan ma co vanaa nia bolle hiŋndo.

Osee 8:4

À kennun masaa, à ɲuna ya le, má hɛli simlacia, i ve o sina nin te. Má cɔaw piɔmnda a volin ndan a á sianin ndan, Ken nda tosa ni le laasianndo.

Habakuk 1:16

Le hee, nda co yalala ndalan sálàlan solullo, mà va ansan lomɔɔ le kayala ndala lan ni, kani lan la co nda baloo yɔngoo, mà va ɲɛdiaa sɔvɛɔ dioo ni.

Luke 15:13

Palɛi bingi o kon kɔɔli, mí o pɔmbɔɔ kon mɔɔsiaa ɲɛm ndɔn kpow, mó kɔannun o lɛŋnden nin, mó kɔ tɛɛmbuu bolofaa ndɔɔ o laasianndo nin.

Rɔmnda 1:28

Le tùú nda kɛɛ le Hala sinaa-o, mó mal nda a kɔlkalu nda laasi-laasio, má luɛi dɛnnda vana bɛnda le tosa le lan tosaa.

Tɔŋ miingua 8:18

La bɛnda mì la loonun maa Mɛlɛka Hala niaa co niaa yoomuan yɔngoo le ɲɔɔn sɔlaa ni. O co kon tosaa hau le kpema o cuel fuɲaa niaa mamaa-o peeloo le niaa, ciɛ́ɔn o cuel nda mó mɛnan, mó yiilu nda kpemaa-on pɛɛn.

Masaa kialaa n'yamaa 9:27

Má kɔa o ciɛɔn n'rɛsɛŋun ndan nin, má kiandu rɛsɛnndon, má toosiaa mɔiyan a mun, má tuisi kafoo, má kɔa o cɛi máán hala ndaa nin, má dia dió kafoo, o kon má mɛna Abimelɛk.