Osee 2:7 - BII BILA

⁷ Kala nda luɛi suundaa. Kala solin nda o ipulu-o tuisin siɛmbulan. O dimi aa: ‹I co lakɔ sámáá nia kɔɔli, nda co ya ɲɛdiaa nuu, mɛmma nian, kola ni toosian a yiiŋii saa-o, kola keese nuu, cuɛima nian a ɲɛm ya kol-lon yɔngoo ni.›

Osee 2:7 Iomraidhean Croise

2Dɛnnda lemasalan 28:23

Mó solul halaa va Damas-a sálàlan, nduyɛ le halaa kan sangaa tol ndu coo ni. Kani o va dimio aa: «Mɛɛ halaa masaa Aram a mala nda masaa kan nuaa yɛ, ya bɛɛ i solul-lɔ nda sálàlan mà mala ya.» Kɛ mí halaa kan yɔŋnun pow boŋaa le ndu a le Israɛlla kpow.

Condii lisai 116:7

Kɔl nuu sɔla vɛlɛ pɛngio, kani Mɛlɛka tosal-la dɛnɛ kɛndɔɔ.

Esai 30:16

La dimi aa: «Ɛ-ɛ, n ɲaanunnin o soa naa coo!» Lelan kpeekpei niaa co ɲaanɔn lekɛ́ndɛi o soa coo ni. La dimi vɛlɛ aa: «N helnunnin o soa keleŋa taw-va coo!» Lelan, soa vanin niaa tovɔɔ-a bɛɛ keleŋanin taw.

Yeremi 14:22

O halaa co vanaa-mangalaa-isɔɔa o ba-a kpow tɛɛn, hala kuɛɛ nɛ nɔla yɛ piɔɔ tuisio? Vɛ̀ɛ̀ halataalaa pila tuisi piɔɔ ni, o co nɔm te co Mɛlɛka Hala naa le? Hala naa, nɔm naa n kɛsi kɔllo coo ni, kani nɔm tosa dɛnnda lan kpow ni.»

Yeremi 2:2

«Kɔ, mà kɔ yonda Yerusalɛmnda o lani, mà dimul nda maa o Mɛlɛka dimi-o co hoo ni aa: ‹I loonun a mɛɛ nɔm óò lo o lediom coo lɔ́ɔ́ n va felengi-o yɛ, mɛɛ nɔm óò kaola ya lɔ́ɔ́ naa n va o nɔ̀u nin-ndo yɛ. A va ya kɔlan kɔɔli o lɛŋnde veselɛilen nin, o lɛŋnde niŋ tɔlɔɔ le len nin.

Yeremi 2:28

Kɛ ya bɛɛ, i mululnin nda aa: ‹Kuɛɛ nɛ halaa niaa niaa toosiaa-a co yɛ? Taa nɔla pɛ, mɛɛ a cɔn niko mà faŋa niaa dɛnɛ palaa coo. Mɛɛ niaa nɔ kobilan yɛ koni niaa nɔ halaa ni, Éé niaa Yudaa!›

Yeremi 2:36

Le yɛɛ nɛ niaa co yɛ keleŋa bɛndoo ho le kela niaa mangalaa? Siɛmbulan la biinin niaa a Esipte maa mɛɛ la bii niaa a Asiri yɛ.

Yeremi 3:1

Mí Mɛlɛka dimi aa: «Te vanapɔnɔɔ kɛɛ pɛ laa ndɔ, mì laa ndɔ kalaa faŋan ndu, mò kɔ cal vanapɔnɔ celen o ba, vɛ̀ɛ̀ o kɔa lɛ vɛlɛ lanɔ kon kɔɔli? Vɛ̀ɛ̀ lɛŋnde len le nɔɔlian a kela vaa lende le? Nɔm Israɛl-lɛ, a nɔɔlian a vanaa sɛ́lɛ́ bɛndua co suundaa a nɔm-nda. Nduyɛ, a yeema vɛlɛ le muungoo o ya lo! Ya Mɛlɛka co sɔɛi nuaa ni.

Yeremi 31:18

I tuei cɛɛŋɔnnda vannda Efraim co lan ɲɛkɛndɛi, a co dimio aa: ‹A lɔɔ naa bɔɔ a hɔlta kalalan le naa mingio o nɛi, maa mɛɛ nda sila naw tova nila kaloo yɛ. Kɛ mingin naa o ibuŋ mì n muungu lekɛ́ndɛi. Kani nɔm Mɛlɛka co Hala naa ni.

Yeremi 31:32

O venin maa kpema ya yii a fuɲaa ndaa telen ya bii nda baa, le nda solio o lɛŋnde Esipte len nin-ndo le. Kpema kon ndu, má tɛɛmbuu ndu. Nduyɛ, ya va vana nda bɛndoo ni. Sɔɛi fula Mɛlɛka o sondo-e co ken ni.

Yeremi 44:17

Ɲɛ naa n dimi-o naa n co peelu ni. N vanin Astartee hala laandu co o halataala-o sálàla cuɛima cun kɛndɛlan lumndo a ndu sálàla mamɔilan solullo, mɛɛ naa n dema tosa háá hau yɛ. Lende koni vanaa naa, masaa naa a simlacia naa dema tosa o kobilan Yuda nin a o nɛilan Yerusalɛm coo ni. Mí baloo kui naa o ba, mí ɲɛ-ɲɛ va naa kɔlan o ba o kɛndɛ, dɛnɛ palaa ve naa kɔɔli le.

Esekiɛl 16:18

Má cua volɔɔla nɔmnda sɔɔlaalan, má kuumbuu nda a lan, má solul nda sálàlan a cuɛima nian a á lasikɔlɔ cun kɛndɛ nuu.

Esekiɛl 16:8

Mɛɛ ya kei nɔm ikɛi, mí tofa nɔm, mí ca maa telen nɔmndo ndóò tiiya nin, maa nɔm óò sul nin tuu hiavaa vanapɔnɔ kɔɔli. Le hee, mí kuumbuu nɔm bɔɔle doma ni bɛndoo, mí vian nɔm sɔwve, mí mɛnalan nɔm mɛnalan kpemaa, má cal sumialii ni. Maalii, o co Mɛlɛka-o soo nuaa ni.

Esekiɛl 20:32

Ɲɛ niaa co tuuvo le tosaa-o tosannin te few. Kani la co dimio aa: ‹N yeema mi naa bɛɛ n va maa vanaa-mangalaa-isɔaa celennda, maa yungula co o lɛŋii celennde nin-ndan. N yeema mi n sooluu yɔmnde a powtan.›

Esekiɛl 23:12

Mí ndu bɛɛ yom yomndo pila le poaa Asiri-a, masaa n'bungaa a vanaa bɛndua, vanaa nda calnan macɛlu-a, a va a doviannda a ɲɛ cuɛinan tɔ́ɔ́ bɛndoo-a, vanaa ɲaanun o soa coo-a, nda kpow felengia piaandua naŋ hɔlla-a nda va ni.

Esekiɛl 23:22

Lelan, Maalii, o co Mɛlɛka-o dimi ni aa: «I cuanin sámáá nɔmnda mà cɔlɔba nɔm, sámáá nɔmaa fula nɔm iyeema-a pɛɛn. I cuunin nda nanu fulaa ba-ba fee le nɔm cɔlɔbaa.

Esekiɛl 23:4

Diola cua tasoo aa Ohola, diola pɔmbɔ ndɔlan aa Oholiba. Nda ŋiɔn kpede, le ya Mɛlɛka ndáà va ni, má vialu poaa a cuavaa laandua. Le diola ndalan yɛ, Ohola ndu co Samari ni, Oholiba ndu co Yerusalɛm ni.

Daniɛl 4:17

Yɔm bɛndu-bɛndu n ce hoo mó nɔ kpaayaa taw, mó tiiya bandei háá o halataala-o, o vanáà sim kon nɛɛ-nɛɛ ka o ceendo coo ma ce ndu-o,

Daniɛl 4:25

Mí sɔɔn mun kpow n peelun masaa Nebukanɛsar coo.

Daniɛl 4:32

Vanndacieea o ceendo coo kpow a co a bɔɔ ndu o hɔl te, mɛɛ hɛnan ndɔɔ co yɛ o tosa a mɛlɛkaa cɔwva o halataala a á vanndacieea o ceendo coo ni. Vana-vana nɔla baala ndɔɔ kuuna le, o co vɔ bɛɛ le ndu ɲunaale aa: «Vɛ tosaa nuaa?»

Daniɛl 5:21

Má toaw ndu mó faŋan vanndacieea tɛɛn. Mí yiyan ivisiyaa luɛi ndu nin. Mó kɔ cal yondoo nin nda sofɛlɛa yondoa latulu. Mó dɔawnun balo a billo maa naw. Mí kɔɔle ndɔlen le lindan o kɛmndan nin háá mó sina maa Hala-Hiow-Ɲɔɔn-Kpow-vo nɔ masalen o ceendo coo o labɛngunin ni. O siinguu vana o yeema-o masaa.

Osee 1:2

Nuaa Mɛlɛka kei a Osee ni mó kandu sɔɛi o vana ndɔa lo. Mí ndu Mɛlɛka dimul Osee aa: «Kɔ yil vanalanɔ suundɛiyo o nɔ̀u nin, cuavaa niaa vialunin niaa ndu-a, cuavaa vanalanɔ suundɛiya nda vanin ni. Kani vannda ha o lɛŋnden nden nin, a luɛi o suunda soolaa n'piɔmndo, má mulul ya Mɛlɛka kɔɔ.»

Osee 13:6

Mɛɛ niaa tiiya o yondo puiyaa nin, mí la dia, mí lapum cá. Mɛɛ niaa pim, mí kɔlta yongalan la luɛi niaa nin, mí la pɔɛɛnun ya.

Osee 14:1

«Samaria sɔlanin sangaa le tɛɛmbuula ndalan, kani a simul Hala ndaa. Vanaa co icali lon-nda sɔlanin piɔ́mndo o mɔɛi cɔwve bɛngu. Cɛlɛkpɛa ndaa pesipesinnin. À tɛɛndiaanin vanlaandua lafolia ndaa dembelan.»

Osee 2:16

I co vɛlɛ ndu hiɔlɔɔ mì kɔɛ a ndu o lɛŋnde veselɛilen nin, mì soo o ndu lo.

Osee 5:13

Cuavaa-imamaa Efraim-nda sina nàà ndaa, mí Yudaa ca pavii ndɛi. O kon mí cuavaa-imamaa Efraim-nda kɔa Asiri, má viam vannda o masa bɛndoo lo le nda malaa. Kɛ masa kon nɔla niaa singi le, o nɔla vɛlɛ pavii niɛi cɛwvo le.

Osee 5:15

«I co lakɔ mì muungun o calta nilan háá mà sina maa a cua hakio, mà nuwviaa ya le muungoo ya o ibuŋ. Taa va pɛ o kuɛi nin, a co cɔnɔn ya nuwviaa.»