Osee 2:4 - BII BILA

⁴ «La kilu kala niaa yamɛi, Israɛl pɛɛn. La kilul ndu yamɛi, kani o co lɛ laa ni le, ya bɛɛ i co lɛ pɔnɔ ndɔ le. O bɛnda mò vɔɔsun pondale suunda ndɔɔ ndu o hɔl. Mò faŋan tɔɔmasele suunda ndɔɔ ndu o mɛɛyan tɛɛn,

Osee 2:4 Iomraidhean Croise

2Masaa 9:22

Fɔ́ɔ́fɔ̀, lɔ́ɔ́ Yoram ce Yehu-o, mó ɲuna ndu aa: «Yehu, vɛ̀ɛ̀ la co kɛndɛ nɛ?» Mí Yehu mulul ndu aa: «Kɛndɛ yɛɛ nɛ? Yesabɛl kala nɔm co vɔ piɔmaa fondoa sooloo, o nɔ vɛlɛ balan o mangala lekueiyo nin háá hau!»

Esai 27:11

Lɛɛndun mun vesa pɛ, vannda yimi ɲaandan mun, vanlaandua hin le mun lomɔɔ. Kani vanaa nɔ kɔlkalu le-a nda co ni, lelan, vana toosiaa nda-o nɔnin iɲíí a nda le, vana cɔw nda-o tosal-lɛnin nda ikɛndɛ le.

Esai 50:1

Mɛlɛka soo mó ɲuna aa: «Ɔ́ɔ̀ sɛbɛ lesei ya ke kala niaa le cɔmndo maa i kɛɛ ndu o nɔ̀u nin-ndo? Te kon te, o vanaa ya nɔ kueela ndalan-nda tɛɛn, ɔ́ɔ̀ vanaa ya pisi niaa ndu o ba-o? La tuei-yɔ, le yɔŋnda vɔɔnnda niaalan niaa pisin ni. Le hakila niaalan ya kɛɛ kala niaa ni.

Esai 57:3

Kɛ niaa, la sɔɔnguu nanu, niaa cuavaa kueiya, niaa vanaa suundɛiyaa co suunda leyulaa-a pɛɛn.

Yeremi 13:14

Mì tosa mì nda pila kuindian, kala-ncuawva nda cuavaa ndaa. Sɔɛi fula ya Mɛlɛka o sondo-e co ken ni. I hɛlinin vana-vana le. Ɲíí kɛ́-kɛ̀ biinin ya, mì i kuuna ya nda cii tɛɛmbuu le.›»

Yeremi 16:5

O Mɛlɛka dimul-la vɛlɛ-o co hoo ni aa: «Luɛi o cɛi biisio nin te, kɔa o biisi le, toolu vana-vana le biisi le, kani i cii canyɛi, kɛndɛi a kaola va naa tɛɛn naa vannda ha-o tɛɛmbuu.

Esekiɛl 23:25

I toalnin nɔm kɔɔli cili a paŋala nuu. Lelan, vanaa kan a tosalnin nɔm dɛnndan a kɔltuwvo, a sungunin nɔm milinndo ma kili nɔm nilan. Vanaa nɔmaa tɔ̀a lonin yoomu-a delinin o mɔɛi cɔwve bɛngu, yaamɔɔa cuanin poaa nɔmnda a cuavaa nɔmaa laandua. Vanaa nɔmaa tɔ̀a lonin-nda ŋɔanin o yinnden nin.

Esekiɛl 8:18

Lelan ya bɛɛ, i co nda dɛnndan tosal a kɔltuwvo. I tofanin nda mì ɲíí bii ya le, i keinin nda baa coo le. Hali a yondanin bɛɛ coocoo ya o lani, i yeŋnin nda lani le few.

Esekiɛl 9:10

Lelan ya bɛɛ, i tosanin iɲíí a nda le. I mɛinin vana-vana le, i tuisinin sangala dɛnnda nda tosa lan nda pila coo.»

Osee 1:2

Nuaa Mɛlɛka kei a Osee ni mó kandu sɔɛi o vana ndɔa lo. Mí ndu Mɛlɛka dimul Osee aa: «Kɔ yil vanalanɔ suundɛiyo o nɔ̀u nin, cuavaa niaa vialunin niaa ndu-a, cuavaa vanalanɔ suundɛiya nda vanin ni. Kani vannda ha o lɛŋnden nden nin, a luɛi o suunda soolaa n'piɔmndo, má mulul ya Mɛlɛka kɔɔ.»

Osee 1:6

Mí Komɛr cua vɛlɛ folio, mó vialu hɔ́ɔ́ laandoo. Mí Mɛlɛka dimul Osee aa: «Ke ndu diolan aa Lo-Ruhama (kon co dimio ni aa «Kaolan te»). Kani i lonin cuavaa Israɛlla koalaa tuŋ te, i ve lɛnin nda hakio malɔɔ tuŋ te!

Osee 5:7

A yɔŋnun vanaa lo o lediom coo a Mɛlɛka le, kani a velu cuavaa sámáá. Nanu a paangii pilɛ, a hun cuunin latulu a ɲɛm ndan kpede.»

Sakari 1:12

Mí mɛlɛkanɔ Hala-o cua sɔɛi, mó dimi aa: ‹Éé Mɛlɛka-Nɔ-Kpaayaa-Kpow-vo! O co nihau vɔsilan belaŋɔmmɛw a co o kɔltuwvo nin a Yerusalɛm a á kobila co o tàndá Yuda-o nin-ndan. Mà lo kɛɔ le nda ɲííye tuinɔnndo háá lɔ́ɔ́ kuɛɛ nɛ?›

Nsaŋ 8:41

Dɛnnda fuɲa nia lan niaa co tosaa ni.» Má dimul ndu aa: «N co cuavaa sámá le. Fuɲa ndu pilɛ kpé naa n nɔ ni, Hala pɛɛn.»

Rɔmnda 11:22

Lelan tofa vɔ vanakɛndɛyɛi Hala-e a dɛnɛ ndɔ kindiaa: o kindi dɛnɔɔ le vanaa del-la, nduyɛ vanakɛndɛyɛi ndɔɛi co le nɔm, taa lo pɛ o vana kɛndɛi nin, te kon te, nɔm bɛɛ a sɔlanin kiolɔɔ.

Rɔmnda 9:18

Lelan, vana o yeema pɛ le ɲííye tuinɔnndo, o tuinun ndu iɲíí, vana o yeema pɛ vɛlɛ le nilan kindio, o kindi ndu nilan.

Nsaki 2:13

Kani ɲíí venin o yamɛi kiolɔɔ le vanaa tuinun caanda iɲíí le-a le. Ɲííye hiow yamɛi kialɛi polon.