Osee 2:21 - BII BILA

²¹ Nɔm Israɛl, i fula nɔm kɔɔli le nɔm cuaa o nɔ̀u nin le fɛɛn a fɛɛn. I fula nɔm kɔɔli le nɔm cuaa o nɔ̀u nin, mì dɔw nɔm fulu a sandei, a lou o lediom coo, a kaolaa a á ɲííye.

Osee 2:21 Iomraidhean Croise

Esai 55:10

Piɔɔ a mɛmma n'kpungban ma cɛn pɛ coocoo mi ma tol, ma muungu fúú le fɔ mi ma pɔɔliaa lɛŋnden, mi ma yɔwviaa len, mi ma tosa mi tɔlɔɔlan la vil lecoo. Fɔ mi ma yɔngu vana saŋaa kɔmnde ɲɛ o saŋ-ndo, mi ma yɔngu vana co dioo-o ɲɛdiaa.

Esai 62:4

Vana ke lɛnin nɔm ladio aa: «Vana malnanndo» le. Vana veelu lɛnin lɛŋnde nɔmnden aa: «Lɛŋnde siɔŋɛilen» te. Kɛ a veelunin nɔm aa: «Kɔl Mɛlɛka-o», a veelunin lɛŋnde nɔmnden aa: «Vana co o nɔu-vo», kani Mɛlɛka naŋnin kɔl a nɔm, lɛŋnde nɔmnden le calnin o nɔu.

Esai 62:5

Mɛɛ poombɔ piaandoo cua cuaambɔ laandoo o nɔ̀u nin yɛ, lende koni vanaa minginin nɔm tangul-la siŋnunnin piaandua nɔmnda ni. Mɛɛ vanalanɔ co calle o nɔu-vo nɛŋi vanapɔnɔ fula ndu kɔɔli le ndu cuaa-o kɔl-lɛ, lende koni nɔm bɛɛ nɛŋinin Hala nɔmndo kɔl ni.

Esai 65:24

O kon, telen pá mì nda piɛi ya, mì ya sina pɔɔ piɛile len.

Esekiɛl 36:29

I baŋanin niaa mì soli niaa o dɛnnda nɔɔlɛila niaalan kpow nin. I co maalon dimul mì n luɛi kúlú, mì vangala mun taw. I tuisi lɛnin yima fofolan niaa coo le.

Osee 14:7

Lɛvun ndan puinin taw, à sɔlanin naŋɔɔ maa yɔmii oliviee, cun ndaa vanin maa lasikɔlɔ cun kɛndɔɔ Liban.

Yɔɛl 2:19

O mulul nda mó dimi aa: ‹I co niaa maalon, mɔiyan a cuɛima ɲuluan yɔngu taw. La dianin mì la pim ca. I tuisi lɛnin niaa lasiɛmbu vanaa súúla celennda o hɔl te.

Sakari 13:9

I lueinin kunda yàándɔ lonin kon-ndo o yinnden nin, mì dindi ndu mɛɛ vana dindi volii humbuei yɛ. I dindinin ndu mɛɛ vana dindi sianiei yɛ. Vanaa kan a pialnin diola nilan o piɛilen nin, mì mulul nda. I diminin aa: ‹Vanaa nia co haa ni.› O kon nda bɛɛ diminin aa: ‹Mɛlɛka co Hala naa ni.›»

Sakari 8:12

I saŋnin kɔlɲuloo o lɛŋnden coo. Nakɔla n'rɛsɛnndan la koamnin, lɛŋnden le nɛŋinin tɔlɔɔlan, halataalaa tuisinin piɔɔ. I yɔngunin vanaa tɔ̀a lo-a ɲɛm kɛndɛn mun kpede.

Sakari 8:8

I co nda faŋa lon mì mingi nda nanu, mà hun cal Yerusalɛm ciee. A vanin vanaa nia, mì ya i va Hala ndaa o toɲaa a o sandei nin.

Malasi 3:10

La hun a o-tɔ́ndɔla niaalan kpow o cɛi mandaa bolofaa nin, haliko mi baloo va o ya lo cɛinin. La tɔɔndan-ndɔ hau ya lende, mì la tofa, te i kumbilnin niaa diola pɔmbɔla co o halataala lan, mì tuisi niaa duaa bɛndu-bɛndu hiow ɲɔɔn kpow-vo coo le. Ya Mɛlɛka-Nɔ-Kpaayaa-Kpow-vo dimi lende ni.

Malasi 3:11

I ciilunin niaa sóónɔa tɛɛmbuu tɔlɔɔlan-nda. À tɛɛmbuu lɛnin nakɔla niaalan te, rɛsɛŋun niaan pɛngi lɛnin komɔɔ le. Ya Mɛlɛka-Nɔ-Kpaayaa-Kpow-vo dimi lende ni.

Matie 6:33

La nuwviaa vɔ fɔlɔn masale Hala len a dɛnɛ sandaa ndɔɔ. O kon, ɲɛm mun kpow n hendulun niaa lecoo.

Rɔmnda 8:32

Ndu kuunan Po ndɔ ndu pila-o coo loo, kɛ mó faŋa ndu baa coo le naa kpow, baa mò kɛɛ naa ɲɔɔn kpow ke naa Po ndɔ kon-ngaa latulu?