Osee 2:16 - BII BILA

¹⁶ I co vɛlɛ ndu hiɔlɔɔ mì kɔɛ a ndu o lɛŋnde veselɛilen nin, mì soo o ndu lo.

Osee 2:16 Iomraidhean Croise

O Kandɔɔ 34:3

Mó holnun niko Dina, cua Yakɔb kon. Mó yeema ndu taw. Mó kindin le cuaambɔɔ kɔllo nanɔɔ o ndu lo a sondo yeelaa.

Esai 40:2

La soo Yerusalɛmnda o kɔl, mì la yonda nda o lani, mì la dimul nda aa cɛle ndalen le cuu, a sɔla baŋaa a haki ndaa, o sɔla sala hakila ndɔlan kpede Mɛlɛka o ba!

Esai 54:5

Kani vana cɔw nɔmndo ndu co pɔnɔ nɔm ni, diola ndɔlan aa Mɛlɛka-Nɔ-Kpaayaa-Kpow-vo. Vana nɔm baŋaa ndu co O-Diandaa Israɛlla ni. A veelu ndu aa Hala co lɛŋnden kpow bollen-ndo.

Yeremi 3:14

Niaa cuavaa nila kalua, la muungu nanu. Ya Mɛlɛka co sɔɛi nuaa ni, kani ya co vana niaa pɛɛkaa ni. I cuanin niaa, vana pilɛ o kobio pum nin, vanaa ŋiɔn o yungoo pum nin. O kon, mì mingi niaa Siɔn.

Esekiɛl 20:35

I yaanin niaa o lɛŋnde veselɛilen nin vanaa súúla celennda levil polon. Lon ya calnin niaa o hɔl sanaa ni mì kelu yamɛi niɛi.

Osee 2:7

Kala nda luɛi suundaa. Kala solin nda o ipulu-o tuisin siɛmbulan. O dimi aa: ‹I co lakɔ sámáá nia kɔɔli, nda co ya ɲɛdiaa nuu, mɛmma nian, kola ni toosian a yiiŋii saa-o, kola keese nuu, cuɛima nian a ɲɛm ya kol-lon yɔngoo ni.›

Nsaŋ 3:29

Vana co lanɔɔ cuaa sɛnɛi-yo, le ndu lanɔ sɛnɛi kon co ni. Kɛ te caaŋoo vana co lanɔɔ cuaa sɛnɛi-yo tuei pɛ ndu vana co kon lanɔɔ cuaa-o sɔɛi, ɲɔɔ hɛnan ndu taw. Lende koni ɲaale bɛndoo co ya o kɔl ni.

2Korɛntea 11:2

I kaola niaa mì va paŋalaa le niaa, Hala o ba kon co fulaa ni. Kani i dɔw niaa fulu le vanapɔnɔɔ ndu pilɛ kpé, Krista pɛɛn, haliko mi la kɔ fula ndu o hɔl maa felengi sina vɔ dɛnɛ vanapɔnɔ loo, o dendu Mɛlɛka o hɔl-lo pɛɛn.

Dɛnnda cɔɔmuanndan 19:7

N dɔwnun ɲaale mì n vannun a kɔlkɛndɔɔ, mì n kennun ndu biiloo, kani kafo yiyaa nɔu tiiya le Saa téndóó, laa ndɔ kalaa cii bɛɛndian.

Masaa kialaa n'yamaa 19:3

Mí pɔnɔ ndɔ kɔa ndu kɔɔli, ndóò yeema le ndu dɛɛniaa le muungoo. Mó kɔa a buɛi ndɔɔ a á sofɛlɛa nda ŋiɔn. Mí cua kon kɔa a pɔnɔ ndɔ o yiya o fuɲa ndɔ lo cɛinin. Fuɲa ndɔ cɔu ndu dɔ́ɔ́, mó bii ndu a kɔlkɛndɔɔ.

Ruti 2:13

Mí Ruti dimi aa: «Nuvali vana ni bɛndoo, a ce ya bɔɔ ɲia, a ɲɔɔlu ya kɔllo nin, nduyɛ i sulan bɛɛ a buɛyaa nɔmaa laandua ha o pilɛ le.»