Osee 2:15 - BII BILA

¹⁵ I co ndu sangaa tuisi coo le palɛi o tɛɛmbuu o Baalla sálàlan solullo a o nda ansan lumndo nin-nde. O palɛi ken nin, o va kelan suun ndɔn a yɔlɔn ndɔn labolon vownɔnndo, mó va kɔlan o sámáá ndɔa lo, ya ya mó pɔɛɛnun ya. Ya Mɛlɛka soo nuaa ni.

Osee 2:15 Iomraidhean Croise

1Masaa 16:31

O hini kɔl le hakila o tosa mó vial Yeroboam, po Nebat-o lan te, kɛ mó mulin, mó kɔ yil Yesabɛl, cua Ɛtbaal va masa Sidɔnnda-o o nɔ̀u nin. O va vɛlɛ piɔmndo Baal sooloo.

Condii lisai 106:12

O kon, má laalan sɔɔn Hala ndóò dimi-on, má sangala ndu a condon.

Condii lisai 129:1

Condii vannda keì solio nɛi-tɛɛn o kɔlan-nde. Kabi o felengiyɛi nii nin, vannda co ya dɛnnda vɔɔnndan tosallo taw. Israɛlla la mingi sondo aa:

Esai 65:10

Dɛɛlaa Saron vanin nɛɛ cɔlua pɔmbɔa vanin kɔlan billo dioo-a ni. Bóllo Akɔr vanin bɛ̀mɛ́lta cɔlua bɛndua ni, le vanaa niaa nuwviaanin ya-a.

Esai 65:21

A tangulnin cɛilan mà luɛi lenin, a tɔalnin rɛsɛnndon mà de kɔmnde ndɔlen.

Yeremi 2:1

Mí diom Mɛlɛka-o dimulun vɛlɛ ya aa:

Yeremi 2:2

«Kɔ, mà kɔ yonda Yerusalɛmnda o lani, mà dimul nda maa o Mɛlɛka dimi-o co hoo ni aa: ‹I loonun a mɛɛ nɔm óò lo o lediom coo lɔ́ɔ́ n va felengi-o yɛ, mɛɛ nɔm óò kaola ya lɔ́ɔ́ naa n va o nɔ̀u nin-ndo yɛ. A va ya kɔlan kɔɔli o lɛŋnde veselɛilen nin, o lɛŋnde niŋ tɔlɔɔ le len nin.

Yeremi 29:11

Sɔɛi fula Mɛlɛka o sondo-e co hee ni aa: «Ya i sina tuula ya nɔ le niaa lan, tuula dɛnɛ kɛndɛ lan, o co tuula dɛnɛ vɔɔn te. Kani i yeema siɔdii niaa kɛndɔɔ, mì la nɔ kɔlkɛsiaa.

Yeremi 3:4

Sisa n mulin nin sɔɛi o ya lo ni aa: ‹Fuɲa nuu, caan ni naa n tosa cuaambɔyɛi-yo.

Yeremi 32:15

Kani diom Mɛlɛka-Nɔ-Kpaayaa-Kpow-vo, o co Hala Israɛlla-o dimi-o co hoo ni maa vannda piandu vɔnin cɛilan, yondolan, a nakɔla n'rɛsɛnndan o lɛŋnden nden nin.»

Cɛɛŋɔnnda Yeremi lan 3:21

Ɲɛ ya co mandanndo o kɔl kínɛí-yo co ho ni: I nɔ tiindanndo maa.

Esekiɛl 16:22

Telen n va dɛnnda nɔɔlɛila lan kpow tosaa-o, a yiyan a felengiyɛi nɔmnde o kɔɔ le. Má pɔɛɛnun telen n vannun tum fondo o kooma nɔmndan nin-ndo.

Esekiɛl 16:60

Kɛ ya ya, i loonunnin a kpema ni ya yii a nɔm o felengiyɛi nɔmnde nin-ndo. I yiinin kpema fɛɛn-fɛɛndo a nɔm.

Esekiɛl 16:8

Mɛɛ ya kei nɔm ikɛi, mí tofa nɔm, mí ca maa telen nɔmndo ndóò tiiya nin, maa nɔm óò sul nin tuu hiavaa vanapɔnɔ kɔɔli. Le hee, mí kuumbuu nɔm bɔɔle doma ni bɛndoo, mí vian nɔm sɔwve, mí mɛnalan nɔm mɛnalan kpemaa, má cal sumialii ni. Maalii, o co Mɛlɛka-o soo nuaa ni.

Esekiɛl 28:25

Tuei-yɔ diom Maalii Hala dimi-o aa: «Lɔ́ɔ́ ya solinin cuavaa Israɛlla nɛɛ nda co a sɛŋiannda vanaa súúla celennda tɛɛn, mì mɔɔsiaa nda nɛɛ pilɛ-o, i cɔmnin diondɔɔ nuu vanaa-mangalaa-isɔɔa o hɔl a nda o kɔɔ. O kon, a calnin o lɛŋnde ndalen nin, lɛŋnde ya yɔngu sindɛ vana baalaa nuu len, Yakɔb pɛɛn.

Esekiɛl 28:26

A calnunnin ndon nila ɲulu, a tangulnin cɛilan mà soli nakɔla n'rɛsɛnndan. Telen ya kialunin yaman vanaa balu nda, mà va nda pɛɛsaa kpow-va o, a calnin nila ɲulu o lɛŋnden nden nin. O kon a sinanin maa ya co Mɛlɛka ni, Hala ndaa pɛɛn.»

Osee 11:1

«Tuma Israɛl va maa poombɔ pɔmbɔ-o, mí kaola ndu, mí veelu ndu, ndu po nuu, le faŋanndo Esipte.

Osee 12:13

Mí Yakɔb ndóò ɲaanun lɔ́ɔ́ kon, mí ndóò kɔannun Aram, mí Israɛl tosa baalaa le lanɔɔ sɔlaa, mó manda cɔlua le lanɔɔ sɔlaa.

Osee 12:9

Mí niaa niaa dimi aa: ‹N siŋnun vanaa bolofaa, n sɔla ɲɛm kɛndɛn latɔ́ɔ́-tɔ́ɔ́-on taw. Bolofaa kon kpow, lalle naa n kelu le ndu sɔlaa ni. N tosa lakafa le, n tosa haki o ndu nuwviaa nin te.›

Osee 13:4

Ya yɛ, kabi kandɔɔ o lɛŋnde Esipte len nin, ya co Mɛlɛka Hala niaa ni. La sina Hala celen o ya kɔɔli le, vana ciindiaa celen co o ya kɔɔli le.

Osee 2:12

A toɲa, i ciinin ndu bɛ̀ɛ̀lan mì siɛmbulan la tol ndu sámáá ndɔa o hɔl kpendekele. Vana-vana kuunanin ya ken tosa le.

Amɔs 9:14

I minginin vanaa nia vanin o biyɔɔ nin-nda o nda lo, cuavaa Israɛlla pɛɛn. À minginin kobila piɔl tan tangul, mà cal lenin. À tɔalnin rɛsɛnndon, mà kol mɔima ndɔan. À tɔalnin nakɔlan, mà de kɔmnde nakɔla lan.

Sakari 9:12

Lelan, niaa vanaa kaasoaa nɔ tiindanndo-a, la muungu o kobi niaa kungan a kpakio-o nin. Hau vɛlɛ i co ndi dimi, i vangalanin dɛnɛ kɛndɛ niaa bɛmbɛ lediin le sanga niaa sɔla-o.

Kundalan 21:17

O kon, mí Israɛlla soli condei he aa: «Nɔm soon kólaa, soli mɛnndan a kponyoo ma lisa ndu.

Nsaŋ 10:9

Ya, dioo ya co ni, te vanndo kei pɛ o ya nin, mò luɛi, ndu sɔla cindaa. O luɛinin, mò fula, mò saalun nɛɛ diaa kɛndɛa.

Dɛnnda kiilaa 14:27

Mɛɛ nda tiiya Antiɔs, má bɔɔŋiaa vanaa Krista-aa, má downun nda kona a ɲɛ-ɲɛ Hala tosal nda, a mɛɛ o kumbil vanaa ve N'Yuifi le-a dioo, mí nda bɛɛ a laalan yɛ.

Yosue 7:26

Má cuungiaa powtan bémboo Akan coo, powta lan la co vɔ lon háá paalen nden. O kon mí Mɛlɛka ɲuulul kɔl, mó mangala kɔltuw ndɔɔ. Lelan nda ke fonda kon diolan ni aa bóllo Akɔr (kon co dimio ni aa «Ból dɛnɛ palaa»), diola lan o nɔ háá paalen nden ni.

Masaa kialaa n'yamaa 8:34

Má pɔɛɛnun Mɛlɛka Hala ndaa, o baŋa nda yaamɔaa ndáà balu nda kpow-va o ba-o pɛɛn.