Osee 2:14 - BII BILA

¹⁴ I tɛɛmbuunin nakɔla n'rɛsɛnnda ndɔlan a nakɔla n'voosula ndɔla o va dimio aa: ‹Sámáá nia ke ya lan ni› lan. I co lan siinguu bundɔɔ mì visia yondoa de lan.

Osee 2:14 Iomraidhean Croise

O Kandɔɔ 34:3

Mó holnun niko Dina, cua Yakɔb kon. Mó yeema ndu taw. Mó kindin le cuaambɔɔ kɔllo nanɔɔ o ndu lo a sondo yeelaa.

SƐBƐ YƆB-O 36:16

Nɔm bɛɛ, o soli nɔm o pɛŋnden nin, mó kuilu nɔm ɲɛ-ɲɛ co ɲɛ kɛndɔɔ. Ɲɔɔn taw n va nɔm o ba, ɲɛm dian kɛndɛ-kɛndɔn kposon va o nɔm ndo ni.

Condii kɛndɛ-kɛndɛi 1:4

Nan ya nɔm kɔɔli mì n ɲaanun. Masa nuu, luei ya o cɛi nɔm lɔlaa nin, mì n kɔ mì n dɔwnun ɲaale naa ŋiɔn. N lisanin piilianndaan hiovɔɔ mɔiyan coo. A toɲa, cuavaa laandua kaola nɔmnda nɔ dí le nɔm kaolaa.

Esai 30:18

O va bɛɛ lende, Mɛlɛka co telenndo cumndo le niaa kɛndɛi tosallo, o cannin mò tuinun niaa iɲíí, kani Mɛlɛka ndu, Hala sandaa o co ni. Dɛnɛ kɛndɔɔ co le vanaa nɔ kɔlkɛsiaa o ndu nin-nda kpede!

Esai 5:5

I co niaa niko dimul mɛɛ ya co hunɔɔ tosa a nakɔ ni n'rɛsɛn kalaa yɛ. I co kpalion suingi mì visia luɛi, mà de ndu. I co kunga ndɔɔ puusiaa, mò nɛwnun a labɛngu!

Yeremi 16:14

Lelan, mí Mɛlɛka dimi aa: «Paale co hunɔɔ, vannda mɛnan ndɛnin aa: ‹Le Mɛlɛka yoomaa, o soli Israɛlla Esipte-o› le.

Yeremi 2:2

«Kɔ, mà kɔ yonda Yerusalɛmnda o lani, mà dimul nda maa o Mɛlɛka dimi-o co hoo ni aa: ‹I loonun a mɛɛ nɔm óò lo o lediom coo lɔ́ɔ́ n va felengi-o yɛ, mɛɛ nɔm óò kaola ya lɔ́ɔ́ naa n va o nɔ̀u nin-ndo yɛ. A va ya kɔlan kɔɔli o lɛŋnde veselɛilen nin, o lɛŋnde niŋ tɔlɔɔ le len nin.

Yeremi 45:4

Lelan diom Mɛlɛka dimul-la le nɔm-ndo co hoo ni aa: ‹I co ɲɛ ya tangul-lo komba, mì sungu ɲɛ yáà tɔl o lɛŋnden kpow nin-ndo.

Esekiɛl 20:10

Lelan, mí faŋa nda Esipte, mí yaa nda o lɛŋnde vesɛilen nin.

Esekiɛl 20:33

Le yoomu nuu, i tosanin niaa masalen coo, mì tuisi niaa ba ni mayoomoo a congú ni kpaayaa coo, mì cuiŋi kɔltuw nuu niaa coo. Sɔɛi fula Maalii, o co Mɛlɛka-o o sondo-e co ken ni.

Osee 2:3

Lelan, la veelu puapilɛa niaa aa Ammi (kon co dimio ni aa «Yungu nuu»), mì la veelu yemaa niaa aa Ruhama (kon co dimio ni aa «Kaolaa»).»

Misee 1:7

Piɔmaa ndɔa kpow a piɔsinin, mì ɲɛm nda ke ndu-on kpow n ŋɔɛ o yin. I pesinin piɔmaa ndɔa nda sɛl kan-nda, kani a sala suunda ndɔɔ o cuungiaa nda ni. Le sala suunda pilɛ kon koni nda vanin vɛlɛ ni.›»

Misee 4:10

La somisomin a ɲɛ nɛyaa, mì la ŋɔnga maa vanalanɔ nda sɔɔnguu lekɔɔ le volɔɔ. Kani la bɛnda mi la mal kobio sisa, mì la kɔ kila calta niaalan yondoo nin, mì la kɔɛ bɛɛ háá Babilɔn. Lon niaa co lakɔ baŋaa sɔla ni, lon Mɛlɛka hialunin niaa yaamɔaa niaa o ba ni.

Nsaŋ 12:32

Ya yɛ, telen ya sɔlanin heeloo faŋanndo o lɛŋnden coo-o, i tosanin mì vanndacieea kpow a muli hɔlla o ya lo.»

Nsaŋ 6:44

Vana-vana nɔla hunɔɔ o ya lo le, fɔ mì Pua sim vana kon laci, i tindinin ndu fulaa vanvílɛ́iya tɛɛn o paale mɛɛlaa len.

Dɛnnda cɔɔmuanndan 12:14

Kɛ mí kumbannda kovɛ bɛndoo tan tiɔn la kennun vanalanɔ kon, haliko mo cɛn coocoo, mo kɔɛ o lɛŋnde veselɛilen nin, o fonda toosian le ndu-o. O kon mò kɔ va baloo sɔlaa lon o vɔsilan tan yáá a tala bɛngu, mò kɔ va tambálakáà levil polon.

Dɛnnda cɔɔmuanndan 12:6

Mí vanalanɔ kalaa ɲaanun o lɛŋnde veselɛilen nin, nɛɛ Hala ndóò toosial ndu fondaa, haliko mi ndóò kɔ va baloo sɔlaa lon o palɛi vàá pilɛ kɛmɛ lediin a belaŋɔmpum (1 260) bɛngu-a.

Masaa kialaa n'yamaa 19:3

Mí pɔnɔ ndɔ kɔa ndu kɔɔli, ndóò yeema le ndu dɛɛniaa le muungoo. Mó kɔa a buɛi ndɔɔ a á sofɛlɛa nda ŋiɔn. Mí cua kon kɔa a pɔnɔ ndɔ o yiya o fuɲa ndɔ lo cɛinin. Fuɲa ndɔ cɔu ndu dɔ́ɔ́, mó bii ndu a kɔlkɛndɔɔ.