Osee 2:13 - BII BILA

¹³ I tɛɛmbuunin kɔlkɛndɛ ndɔɔ, mì kuuna kafola ndɔlan, kɔlkɛndɛ ndɔ paangun sɛnɛiyo, kafola ndɔla paale pɛngiaalan a cuungiannda ndɔla kɔlkɛndɛlan kpow.

Osee 2:13 Iomraidhean Croise

2Masaa 1:2

Paale pum, mí masaa Ahasia hialun o dio-pɔmbɔɔ nɛɛ o va coocoo o cɛi ndɔ lemasaa nin Samari-a, mó del lɛŋ, mó yɔŋulun taw. O kon, mó viam vannda le kɔlan yavaa vomɔɔ o Baal-Sebub lo, hala va o kobio Ekrɔn nin-ndo, le ndu ɲunaa te ndóò siangunin a yɔŋulɔn kon.

2Masaa 10:28

Nuaa Yehu tɛɛmbuu sooluula Baal-tan o lɛŋnde Israɛl-ten nin ni.

2Masaa 21:3

Mó mingi tombun Esekia fuɲa ndɔ ndóò puusiaa-on tangul, mó cɔaw fondala-loamaa-lasálàlan le Baal, mó cɔaw yɔm soolaa mɛɛ Akab masaa Israɛl ndóò tosa paandu yɛ, mó baŋ vulan ɲɛm pangelen co o halataala-on kpow o labɛngunin, mó sooluu mun.

SƐBƐ YƆB-O 8:13

Lende dɛnɛ vanaa pɔɛɛnun Hala-a co ni, lende kɔlkɛsiaa vana vo Hala loo laasian ni.

Condii lisai 106:13

Kɛ tamala bɛɛ, má pɔɛɛnun ɲɛ o tosal nda-o, a cum ndɛ tuu ndɔɔ le.

Condii lisai 106:21

Má pɔɛɛnun Hala, vana ciindiaa nda-o, o tosa dɛnndan taw o lɛŋnde Esipte len nin-ndo,

Condii lisai 78:11

Má pɔɛɛnun dɛnnda bɛndula ndɔlan, a dɛnnda kɛndɛla o cɔm nda lan.

Fulaa 32:34

Lelan, tol ma kɔɛ a vannda ha o fonda ya dimul nɔm le kɔlan a nda-o. Mɛlɛkanɔ nuu vanin kɔlan nɔm laci. Kɛ paale pum, i kɔɔsanin a nda, mì soŋ nda le haki nda tosa-o.»

Esai 17:10

Kani la pɔɛɛnun Hala nɔ cinda niaa o ba-o, la loonun a Pow kpova co nɛɛ niaa viannannda-o le, lelan niaa co nakɔla kɛndɛlan tɔlɔɔ le halaa niaa ni, lelan niaa co kulun súú celenndon saŋɔɔ ni.

Esai 65:7

dɛnɛ biondɔnnda ndalan pɛɛn. Lende Mɛlɛka dimi ni. I tofanin vɛlɛ dɛnɛ biondɔnnda fuɲaa niaa lenin, fuɲa niaa lom lasikɔlɔ ansan o pembei coo-a, a tɛɛmbuu ya bɛ̀ɛ̀lan o pembun pɔmbɔn coo-a. I tuunin sala ndaa kpafii mɛɛ dɛnnda ndalan la yɔŋnun paandu yɛ.

Yeremi 11:13

Kani Yudaa nda, mɛɛ nda nɔ kobilan yɛ koni nda nɔ halaa ni! Mɛɛ Yerusalɛmnda nɔ nɛilan sɛ́lɛ́ taw yɛ koni nda tangul máánndan le piɔmaa ndaa Baal sálàlan solullo ni.›

Yeremi 18:15

Kɛ nduyɛ vanaa nia pɔɛɛnun ya, má muungu piɔmaa co n'hala le-a sálàlan solullo, má va faŋanndo o nɛi nda paandoo coo, le sɔɔndianndo nɛɛ nɛi co le-a.

Yeremi 2:32

Vɛ̀ɛ̀ cua laandoo pɔɛɛnun pá ɲɛm ndɔn kɛɛmianndon? Vɛ̀ɛ̀ vanalanɔ nda fula kɔɔli le nɔu-vo pɔɛɛnun pá kolacoole ndɔlen? Nduyɛ, o co nin hau lɔ́ɔ́ levil mí vanaa nia pɔɛɛnun ya.»

Yeremi 23:2

Lelan sɔɛi fula Mɛlɛka Hala Israɛlla o sondo le simlacia kan-nde co hee ni aa: «La mal cɔlua nia ma laasian ba-ba fee, la hendu nda hɔlten coo le. Ya bɛɛ, i co niaa mululɔn le dɛnnda niaala vɔɔnndan.

Yeremi 7:34

I kuunanin kɔlkɛndɔɔ a ɲaaloo o kobila Yuda lan nin a o nɛilan Yerusalɛm coo, mì kuuna condun cuaa laandua soli le vanaa nda yeema-a-on a n poaa piaandua bɛɛ soli le a nda yeema-a-on, kani lɛŋnden le muungunin bémbélan kposon.»

Yeremi 7:9

La co vuilen, vannda diwvo, suundaa, la co mɛɛniannda fondolan, la co Baal sálàlan solullo, la co kɔlan halaa celen kɔɔli, a niaa sina le-a!

Cɛɛŋɔnnda Yeremi lan 1:4

Dɛnɛ palaa tol nɛila kɔɛ Siɔn-ndan coo. Kani vana co lɛ hunɔɔ lon o kafolan te. Koŋnda Siɔn-ndan kpow la Siɔŋ. Vanaa-solia-lasálàà ndɔa co cɛɛŋɔnndo. Cuaambɔa lemboa ndɔa co a kɔl tambɛi bɛndoo. Mɔnɛi ndɔɛi co ibɔɔ dɛ!

Cɛɛŋɔnnda Yeremi lan 5:14

Kaasoŋaa kɔlkalua co lɛ lakɔ o fonda dimia nsɔɔ le, felengia piaandua bɛɛ co lɛ n'condu soli le.

Esekiɛl 16:12

Mí vow kelɛi nɔm o milin, mí vow kelan nɔm o lani, mí vow mɔsil kɛndɛ-kɛndɔɔ nɔm o lebol.

Esekiɛl 16:17

Má cua kelan nɔm kɛndɛn toosian a sianin nun a á volin nin humbun yáà yɔngu nɔm-ndon-ndon, má cɔaw piɔmaa piaandua a mun, má muungu suunda bilaa n'piɔmndo a nda.

Esekiɛl 22:12

Vannda co luɛyɔɔninndo biyɔɔ le vannda diwvo nanu. Nɔm pila co vannda ɲɔɔn dɔndaa le nɔm mingullo a tɔnɔɔ bɛndoo, a co vannda ɲɔɔn poondiaa o laba a kafalan, a co vana niaa co-o ɲɔɔn poondiaa o ba a paa-kala, ya Mɛlɛka, má pɔɛɛnun ya. Ya Maalii, ya co Mɛlɛka-o soo nuaa ni.

Esekiɛl 23:35

Nuaa Maalii, o co Mɛlɛka-o dimi ni aa: «Le tùú n pɔɛɛnun ya-o, le tùú n kɛɛ ya ma mulul-la kɔɔ-o, mɛɛ nɔm bɛɛ sɔla niko sangaa le suunda nɔmndo a le nɔɔlian nɔmndo.»

Osee 11:2

Kɛ mɛɛ ya va Israɛlla veeloo faw, lende nda va kɔnndan ya levil. A va Baal sálàlan solullo, a va ansan lomɔɔ le halaa fondoa.

Osee 13:1

«Te cuavaa-imamaa Efraim-nda ndáà va pɛ sɔɛi, siòònde ndíì bii vannda kpow. Langbaa kɛsun kálàá nda va Israɛl ni. Kɛ má del kasi le sooluu nda sooluu piɔmndo Baal-lo, má sɔla piɔ́mndo.

Osee 13:6

Mɛɛ niaa tiiya o yondo puiyaa nin, mí la dia, mí lapum cá. Mɛɛ niaa pim, mí kɔlta yongalan la luɛi niaa nin, mí la pɔɛɛnun ya.

Osee 2:5

yɔŋii ya yunga ndu, mì mɛi ndu fondo fúú, mɛɛ o va o paale nda velu ndu len coo yɛ. I minginin lɛŋnde ndɔlen lɛŋnde veselɛilen, mì mingi len lɛŋnde mɛmma sɔlan nin te len. O kon mò vi a bolola vesɛilan.

Osee 2:7

Kala nda luɛi suundaa. Kala solin nda o ipulu-o tuisin siɛmbulan. O dimi aa: ‹I co lakɔ sámáá nia kɔɔli, nda co ya ɲɛdiaa nuu, mɛmma nian, kola ni toosian a yiiŋii saa-o, kola keese nuu, cuɛima nian a ɲɛm ya kol-lon yɔngoo ni.›

Osee 4:13

A co sálàlan solio o pembon tullo, a co ansan lomɔɔ o pembun pɔmbɔn coo, o yálánnde bɛngu, o yɔmii pepliee a o yɔmii terebɛntii puiyɛi bɛngu, ì vunduma ndɔan ma naŋ taw-ve. Le kɔlɔ kon cuavaa ndaa laandua co suundaa ni, mì laandaa poaa ndaa bɛɛ a va suundaa.

Osee 4:6

Vanaa nia dɔwnun yɛɛvɛ le sina lepɛŋndo. Le tùú niaa kɛɛ le ya sinaa-o, ya bɛɛ i co niaa ɲindɔɔ ikɛi, la ve lɛnin o vali solia lasálà nuu nin te. Mɛɛ niaa pɔɛɛnun tɔŋ Hala niaa yɛ, ya bɛɛ i co cuavaa niaa pɔɛɛnɔn lende.

Osee 8:14

Cuavaa Israɛlla pɔɛɛnun vana cɔw nda-o mà tengulun cɛila lemasalan. Yudaa tengulun kobila mayoomulan taw. Kɛ i co hunɔɔ kobila ndala lan malɔɔ yin, mì yinnden le lom cɛila lemasala lan.»

Osee 9:7

Palɛi Mɛlɛka co sangaa tuisi-e tiiya, palɛi konalan la dɔawnunnin-nde pɛɛn. A toɲa, palɛi ken keinin Israɛlla coo. La co dimio aa: ‹Vana-tɛɛngaa-diom Hala-o seema. Vana sɔla Kɔllo-o hiŋnun bollen.› Lende ni, kɛ kon tosan le dɛnɛ vɔɔn niaa bɛndoo a le nɛyɔn bɛndu niaa nɔ-o.

Amɔs 8:10

I mangalanin kafola niaalan dɛnnda palaalan, mì mangala condun niaan caŋndan. I tosanin mì vannda kpow a yiwnun volɔɔla biisilan o caŋ, mì vannda kpow a sendin tembeltan. I tuisin lɛŋnden dɛnɛ palaa coo mì ɲɔɔ siŋnun maa biisi pole pilɛ. Kon kpow mɛɛlunnin maa paale sanga bɛndu.

Tɔŋ miingua 32:18

‹A toɲa, Israɛlla, la kɛɛ Pow Kpova velu niaa-o, la pɔɛɛnun Hala yɔngu niaa yoomoo-o.›

Tɔŋ miingua 6:12

la caa dɛ! Yɔŋii niaa pɔɛɛnun Mɛlɛka soli niaa o lɛŋnde Esipte len nin-ndo, nɛɛ niaa va o cɛlen nin-nda pɛɛn.

Masaa kialaa n'yamaa 10:6

Mí Israɛlla tosa vɛlɛ ɲɛ hɛnan Mɛlɛka loo. Má sooluu Baalla a Astarteea, piɔmaa Aramiia, piɔmaa Sidɔnnda, piɔmaa Moabua, piɔmaa Amɔnnda a piɔmaa Filistia. Má mulul Mɛlɛka kɔɔ, a ve lɛ ndu biilu le few.

Masaa kialaa n'yamaa 3:7

Mí Israɛlla tosa ɲɛ hɛnan Mɛlɛka Hala ndaa loo, má pɔɛɛnun ndu, ma mulin Baal a Asera sooloo.

1Samiɛl 12:9

Kɛ mí fuɲaa niaa mamaa pɔɛɛnun Mɛlɛka Hala ndaa. Le ken o pisi nda Sisera va kuubanɔ cɔwvo Hatsɔr-o, Filistia, a masa Moabua o ba ni. Má del nda coo a cɔwvo, má nɔla nda.