Osee 2:12 - BII BILA

¹² A toɲa, i ciinin ndu bɛ̀ɛ̀lan mì siɛmbulan la tol ndu sámáá ndɔa o hɔl kpendekele. Vana-vana kuunanin ya ken tosa le.

Osee 2:12 Iomraidhean Croise

Condii lisai 80:12

Mí lɛɛndun ndɔn kɔa háá o mɛmma ihɛllan coo, mí tɛyun ndɔn tiiya háá Efrate o peelo.

Esai 29:17

O lo ɲɛ-pɔmbɔ mì lɛŋnde Liban-nden le siŋnun yondo yɔmii koamɛi tɔlnun coo-o, mì yɔmii koamɛi ken siŋnun maa bundɛ.

Esai 5:5

I co niaa niko dimul mɛɛ ya co hunɔɔ tosa a nakɔ ni n'rɛsɛn kalaa yɛ. I co kpalion suingi mì visia luɛi, mà de ndu. I co kunga ndɔɔ puusiaa, mò nɛwnun a labɛngu!

Esai 7:23

O palɛi ken nin, fonda oo fonda rɛsɛnndon va pɛ n tɔalaa coo tumndan vàá pilɛ, mì vɔngu fonda kon bɛnda volin latámán vàá pilɛ, fonda kon malnunnin mì hɛɛnndon a siɛmbulle vil lon.

Yeremi 13:26

Lelan ya bɛɛ, i co nɔm domaa heelu háá o lebol, mì vannda ce nɔm tum fondo kpendekele.

Yeremi 26:18

«O telen Esekia va masalen tosaa Yuda-o, vana-tɛɛngaa-diom Hala-o pum va, diolan Misee, fulaa Moresɛt. Mí ndóò dimul vannda Yuda kpow aa: O Mɛlɛka-Nɔ-Kpaayaa-Kpow-vo dimi-o co hoo ni aa: ‹Siɔn vaanunnin maa iciɛɛ, Yerusalɛm siŋnunnin bémbélan kposon, mì bɔɔla n'yɔɔlan la vil o pembii Cɛi-Hala-o co coo-e coo.›

Yeremi 5:17

Vanaa kan tɛɛmbuunin calta niaalan a ɲɛdiaa niaa. A diwnin poaa a cuavaa laandua niaa, a diwnin cɔlua niaa pɔmbɔa a á bɛndua. A tɛɛmbuunin nakɔla n'rɛsɛnnda niaalan a la n'voosulan. A pesinin kobila mayoomula niaala niaa tiindan ndan a cɔwvo.

Yeremi 8:13

Mí Mɛlɛka dimi aa: «I yeema mi cii a nda, rɛsɛŋun ve lɛnin o rɛsɛn tumndo coo le, buumbun ve lɛnin o vosu tumndo coo le, pei simbulunnin, ɲɛ yáà ke nda-o hialunnin nda.»

Osee 13:8

I kpuvanin niaa maa kɔ́lɔ́vúlu nda cuel cuavaa ndɔa-o, mì sɛɛsiaa yala kɔlta niaalan la co nin-ndo. I sɔamnin niaa maa yàlà laandu, mì visia yondoa siow niaa sɛɛsiaa.

Osee 2:5

yɔŋii ya yunga ndu, mì mɛi ndu fondo fúú, mɛɛ o va o paale nda velu ndu len coo yɛ. I minginin lɛŋnde ndɔlen lɛŋnde veselɛilen, mì mingi len lɛŋnde mɛmma sɔlan nin te len. O kon mò vi a bolola vesɛilan.

Osee 5:14

Kani yàlà kana ya co le polale Efraim-nden ni, maa yàlà téndé ya co le cɛi Yuda-o ni. Ya ya, i bii pɛ, i sɛɛsiaa, i kɔɛnnun. Ɲɛ-ɲɛ ya bii pɛ, i kɔɛnnun a ndu, vana-vana nɔla ndu hiɔlɔɔ ya o ba le.»

Osee 9:1

«Israɛlla la dɔawnun ɲaale mì la pɛ a kɔlkɛndɔɔ maa vanaa súúla celennda le. Kani la luɛi suunda soolaa n'piɔmndo, mí la kɔa Hala niaa levil. O kpelela lɔaa n'malta niaalan kpow coo, tɔnɔ dɛnɛ nɔɔlɛiyo niaa yeema ni.

Misee 3:12

Le dɛnnda niaala lan, Siɔn vaanunnin maa iciɛɛ, Yerusalɛm siŋnunnin bémbélan kposon, mì pembii Cɛi-Hala-o i siŋnun yondoo.»