Osee 2:11 - BII BILA

¹¹ Lelan, i co malun nun poonda o telen koavaa, mì puu mɔima nian o telen mamɔiyo. I co vɛlɛ kola ni toosian a yiiŋii saa-o a kola keese ni va ndu siɛmbulan kumbɔɔ-o yuunda.

Osee 2:11 Iomraidhean Croise

1Masaa 12:32

Mó handu kafoo o paale tɔ́ a leŋuɛɛnundɔlen coo, o paangii ŋɔmaandɔɛi nin. Mí kafo kon tosan mɛɛ kafo va tosanndo Yuda-o va yɛ. Mí ndu pila soli sálàlan o fonda-loamaa-lasálàá coo. Nuaa o tosa Betɛl ni, mó solul navaa ndóò cɔw-va sálàlan, mó kɛsi vanaa-solia-lasálàá ndóò hɛli-a a pum Betɛl lon le cɛila máánnda ndóò tangul lon-ndan.

Yeremi 16:9

Kani o ya Mɛlɛka-Nɔ-Kpaayaa-Kpow-vo, Hala Israɛl-lo dimi-o co hoo ni aa: ‹I co vɔkɔ-vɔkɔ lakafo ndaa ɲumi, mì ɲumi yoondiaala ɲaalela ndalan a condun felengia co nɔlan kila sɛnɛiyo-a. La va vɔnin icali mì la ce ken ciŋ.›»

Yeremi 25:10

I co vɔkɔ-vɔkɔ lakafo niaa, yoondiaala kɔlkɛndɛla niaalan a condun felengia co nɔlan kilaa sɛnɛi-ya cii, mì ɲumi diom lasunndo o cieon nin a ɲɛ-tengaa fitinaa.

Yeremi 7:34

I kuunanin kɔlkɛndɔɔ a ɲaaloo o kobila Yuda lan nin a o nɛilan Yerusalɛm coo, mì kuuna condun cuaa laandua soli le vanaa nda yeema-a-on a n poaa piaandua bɛɛ soli le a nda yeema-a-on, kani lɛŋnden le muungunin bémbélan kposon.»

Esekiɛl 26:13

I kpaanin vɔkɔ-vɔkɔ n'condu nɔmndo, vana tui lɛnin bangala nɔmndan diom te.

Osee 3:4

Kani cuavaa Israɛlla viawnin tei, a nɔnin masa le, a nɔnin simlacinɔ le, a solinin lasálà le, a nɔnin powta sálà le, a nɔnin ɲɛ vana tosa le hɛnan Hala-o sinaa le, a nɔnin piɔmaa tongonin te.

Osee 5:7

A yɔŋnun vanaa lo o lediom coo a Mɛlɛka le, kani a velu cuavaa sámáá. Nanu a paangii pilɛ, a hun cuunin latulu a ɲɛm ndan kpede.»

Tɔŋ lasálàá 26:20

Yoomuma niaan ma cuunin o fondo fúúo coo. Lɛŋnde niaalen le nɛŋinin ɲɛm saŋnunnin lecoo-on te, tɔlɔɔla iyɔmndan bɛɛ la kumnin te.

Amɔs 5:21

«I hini lɛ kɔl a kafola niaalan te, la fula ya iyeema po-po! I yeema lɛ bɛɛ mì tuei cuungiannda niaalan tɔ́ɔ́ le few.

Amɔs 8:3

Paale len, caŋndan la vanin condon o cɛi lemasaa nin ni. Lende ya Maalii, ya co Mɛlɛka-o dimi ni. A vanin vanvílɛ́iya taw-taw viovɔɔ nɛɛ-nɛɛ ka o mei bɛndoo nin kpili-kpili.»

Amɔs 8:5

La co dimio aa: «Lɔ́ɔ́ kuɛɛ kafo paangii sɛnɛiyo co yɛ cuvɔɔ, haliko mi n kɔ muungu malun naan pisio? Lɔ́ɔ́ kuɛɛ nɛ kafo paale pɛngiaa ho co yɛ nin cuvɔɔ, haliko mi n kɔ kumbi kondala naalan le malun naan muungoo pisio? N co panilan bɔɔfiàà mì la dɔɔnan, mì n cɔɔlu vɛlɛ maalon báà heelu, n co ɲɛla tuvaala n'ɲɛlan mangaliaa le vannda palaa.

Nahum 1:10

Yaamɔaa niaa vueinun bɛɛ maa bɔɔla n'yɔ, mɛ̀ɛ́-mɛ̀ɛ́ nda pum mɔiyan, a co ŋɔ mà cuulu mungén mɛɛ bil vesɛiyo ŋɔa nuaa yɛ.