Osee 2:10 - BII BILA

¹⁰ O ve sina maa ya le va ndu maalon, mɔima sɛnɛiyan a cuɛiyan yɔngoo le. Ya va ndu vɛlɛ volion a sianion yɔngoo ni, kɛ mó tosa baalaa a mun le piɔmndo Baal.

Osee 2:10 Iomraidhean Croise

2Dɛnnda lemasalan 24:7

Kani mí Atali cua kɔlvesɛi kon nda poaa ndɔa a mal Cɛi-Hala-o tambei, má cua ɲɛm diandan va lenin-ndon kpow le piɔmndo Baal.

Condii lisai 50:22

Lelan, niaa vanaa co ya Hala pɔɛɛnɔnndo-a, la bii sɔɛi he bila, yɔŋii ya tɛɛmbuu niaa, vana-vana baŋanin niaa le.

Talelan 11:21

Lekɛ́ndɛi ken co ni, Vana tosaa dɛnɛ vɔɔndo helunnin dɛnɛ palaa le, kɛ vanaa sandaa sɔlanin baŋaa a polama ndan kpow.

Esai 3:17

Ya Mɛlɛka, i co nda tembeltan sendi, mì soli nda tumnda fondo fúú!

Yeremi 13:22

O kon a ɲunannin aa: ‹Ko le yɛɛ nɛ kpeekpei dɛnɔɔ ho tosan yɛ ya?› Taa ce pɛ mì vannda kpeeŋa doma nɔm bɛndoo, taa ce pɛ mà kpuva nɔm, mɛɛ le hakila n tosa sɛ́lɛ́ bɛndoo taw lan ni.

Yeremi 13:26

Lelan ya bɛɛ, i co nɔm domaa heelu háá o lebol, mì vannda ce nɔm tum fondo kpendekele.

Esekiɛl 16:16

Mí nɔm pila cua volɔɔla nɔmnda cuɛinanndan, má ciiŋiaa lan sɔndɔɔ nɛɛ pilɛ, má toosiaa sooluulan a lan, má kɔ suunda lon. Kabi bɛɛ ɲɛ vaa lende tosan-ndɔ le, le fɛɛn bɛɛ o tosan ndɛnin vɛlɛ le.

Esekiɛl 16:19

Le nda hɛnanndo, má yɔngu ɲɛm kɛndɛn yáà ke nɔm-ndon, kpeyan yukuyukoo, cuɛiyan a lɛma ya va nɔm yɔngoo le baloo dɔwnɔnndo-an, ma yɔngu piɔmaa nɔmnda ɲɛm mun maa sálà cun kɛndɛ. Dɛnɛ n tosa-o yɔŋnun kon ni. Ya Maalii, ya co Mɛlɛka-o soo nuaa ni.

Esekiɛl 23:29

A tosalnin nɔm sɔɔn a nɛyɔnndo, a poondiaanin tɔnɔ fula o sanga nɔmndo nin-ndo nɔm o ba, mà yunga nɔm, mà mɛi nɔm fondo fúú. O kon, vannda canin bɛɛtambɛi suunda nɔmndo, bɛɛtambɛi nɔɔlian nɔmndo a bɛɛtambɛi laasian nɔmndo.

Osee 10:1

«Israɛlla va maa nakɔ n'rɛsɛn koam taw-vo, a va kuiyo taw-taw. Kɛ mɛɛ nda va kɔlan a kuiyo faw, lende koni nda va fondala-loamaa-lasálàlan vangalaa ni. Mɛɛ lɛŋnde ndalen le va naŋɔɔ yɛ, lende koni nda va powta sálàlan baŋɔɔ ni.

Osee 13:1

«Te cuavaa-imamaa Efraim-nda ndáà va pɛ sɔɛi, siòònde ndíì bii vannda kpow. Langbaa kɛsun kálàá nda va Israɛl ni. Kɛ má del kasi le sooluu nda sooluu piɔmndo Baal-lo, má sɔla piɔ́mndo.

Osee 2:3

Lelan, la veelu puapilɛa niaa aa Ammi (kon co dimio ni aa «Yungu nuu»), mì la veelu yemaa niaa aa Ruhama (kon co dimio ni aa «Kaolaa»).»

Osee 6:9

Mɛɛ vanaa del vannda coo-a yììnùn kundaa le vannda cumullo nuaa yɛ, lende vanaa-solia-lasálàá Kalaad a co vannda diwvo o nɛi Sikɛm-ndo ni. A co dɛnnda kɔlvesɛilan tosaa a labɛɛla.

Misee 5:8

Màá ba nɔmndo hel léngbén le yaamɔaa nɔmnda fukpaa! Màá cii nda mɛɛ nda co kpede!»

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.