Osee 2:1 - BII BILA

¹ «Kɛ paale vanin, mì Israɛlla kui taw. À vanin sɛ́lɛ́ maa sióónndon o mɛmma ihɛllan kɔngɔ. Vana nɔlanin nda cɔmndo le. Fonda ndáà va nda paandu dimullo-o aa: ‹La co yungu ni le›, a dimulnin nda o fonda kon aa: ‹Cuavaa Hala yoomaa niaa co ni.›

Osee 2:1 Iomraidhean Croise

O Kandɔɔ 22:17

i co nɔm duaa dɔvɔɔ taw-taw. I kuinin cuavaa nɔmaa imamaa, mà va kunda maa loeon o halataala a sióónndon o mɛmma ihɛllan kɔngɔ. Cuavaa nɔmaa imamaa kɛsinnin yaamɔaa ndaa o labɛngunin.

Yeremi 31:33

Mɛlɛka dimi aa: ‹Kpema va naa tɛɛn naa Israɛlla-o va hoo ni maa te palɛi ken hiow pɛ, i vownin tɔŋnda nilan nda nin mì sɛva vɛlɛ lan nda o lakɔl. I vanin Hala ndaa mì nda va vanaa nia.

Yeremi 32:38

A muungunin mà siŋnun vanaa nia, mì ya i va Hala ndaa.

Yeremi 51:5

Kani lɛŋnde ndalen le pɛ a tɛɛmbuula nda tɛɛmbuu a Hala diandaa Israɛlla lan. Kɛ a kon kpede Mɛlɛka mel Israɛlla a Yudaa le, Mɛlɛka-Nɔ-Kpaayaa-Kpow-vo pɛɛn.

Esekiɛl 11:20

haliko mi la kela o silala nilan coo, mì la bii tɔŋnda nilan, mì la kela lecoo. O kon la vanin vanaa nia, mì ya i va Hala niaa.

Esekiɛl 36:11

I vangalanin vanndacieea a cɔlua niaa coo. A naŋnin ipulu taw mà kui kuiyo pila. I peinin niaa mɛɛ niáà pɛ paandu yɛ. I tosalnin niaa dɛnɛ kɛndɔɔ o laan mò hiow mɛɛ yáà tosal niaa ndu paandu yɛ. O kon, la sinanin maa ya co Mɛlɛka ni.

Esekiɛl 36:28

La calnin o lɛŋnde ya yɔngu (sindɛ) fuɲaa niaa mamaa len nin. La vanin vanaa nia, mì ya i va Hala niaa.

Esekiɛl 37:27

Calta nilan la vanin nda tɛɛn, i vanin Hala ndaa mì nda va vanaa nia.

Osee 2:2

O kon, Yudaa a Israɛlla cuungiannin, mà cua simlacinɔɔ ndu pilɛ, mà fula o lɛŋnden nin. Kani paale bɛndulen paale Yisreɛl-ten le vanin ni.

Osee 2:23

Mɛlɛka dimi nuaa ni aa: «Paale len, i mulinin piɛilen. I mululnin halataala piɛilen, mì halataala mulul lɛŋnden piɛilen,

Sakari 13:9

I lueinin kunda yàándɔ lonin kon-ndo o yinnden nin, mì dindi ndu mɛɛ vana dindi volii humbuei yɛ. I dindinin ndu mɛɛ vana dindi sianiei yɛ. Vanaa kan a pialnin diola nilan o piɛilen nin, mì mulul nda. I diminin aa: ‹Vanaa nia co haa ni.› O kon nda bɛɛ diminin aa: ‹Mɛlɛka co Hala naa ni.›»

2Korɛntea 4:1

Lelan, le tùú Mɛlɛka tuinun naa iɲíí, mó ke naa vallo ho le tosaa-o, n vunnun n'dial te.

1Timote 1:13

Ya va paandu sɔɔn tanan dimio a ndu o kɔɔ-o, ya va ndu yɛlen tollo mí i va ndu yeowlan-ndo pɛɛn. Kɛ Hala tuinun ya iɲíí, kani o sínà lepɛŋndo nin a o laalan lepɛŋndo nin ya va kon tosaa ni.

1Piɛr 2:10

Niaa ve paandu vanaa ndɔ le, kɛ hau nin, la siŋnun yungu Hala-o, ɲíí ve paandu le niaa le, kɛ hau nin la sɔla ɲííye tuinɔnndo.