Osee 14:7 - BII BILA

⁷ Lɛvun ndan puinin taw, à sɔlanin naŋɔɔ maa yɔmii oliviee, cun ndaa vanin maa lasikɔlɔ cun kɛndɔɔ Liban.

Osee 14:7 Iomraidhean Croise

Condii lisai 138:7

Te i va pɛ kelaa o mɔnɛi nin, nɔm Mɛlɛka co ya yoomoo yɔngoo. Yaamɔaa nia va bɛɛ ya simullo a kɔlta fulaa lan nuaa, nɔm Mɛlɛka kandanin yoomu nuu. A solinin ba kpaaya nɔmndo, mà ciindiaa ya.

Condii lisai 85:6

Vɛ̀ɛ̀ le fɛɛn a fɛɛn n tambu kɔl a naa nuaa ni? Vɛ̀ɛ̀ le lambilan a lambilan n fula kɔllo nuaa ni?

Condii lisai 91:1

Vana kila pɛ caltan o vunduma Ó-Hiow-Ɲɔɔn-Kpow-vo-an bɛngu, mɛɛ ndu sɔlanin pɛngio o vunduma Vana-Kpaayaa-Kpow bɛngu.

Condii kɛndɛ-kɛndɛi 2:3

«Mɛɛ yɔm pomiee co yɔmnde tɛɛn o bundɔɔ nin yɛ, lende koni vana ya kaola hoo-o co felengia piaandua tɛɛn ni. Ɲɔɔ hɛnan ya le calle o vundule ndɔlen bɛngu, kɔmnde ndɔlen le yeela ya o sondo taw.

Condii kɛndɛ-kɛndɛi 4:11

Òó nɔm vanalanɔ ya co cuaa o nɔu nin-ndo! Cɔcɔn nɔmndon, lɛan ma fula lon ni. Lɛan a nɔnɔan ma co o diɛɛmule nɔmnden coo ni. Vana tuɛi ko volɔɔla nɔmnda cuɛinanndan cunndo aa lasikɔlɔ cun kɛndɛ yɔmnde Liban ni.

Condii kɛndɛ-kɛndɛi 6:11

I co tolɔɔ o nakɔ yɔmii koamaa nin le peengela kɛndɛla co o bóllo nin-ndan tofaa, le tofaa te rɛsɛnndon co vulɔɔ, te krenadiee co yandɔɔ.

Esai 61:11

Kani mɛɛ lɛŋnden le soli ɲɛ vul lecoo-o yɛ, mɛɛ nakɔɔ soli ɲɛ tɔlnun lecoo-o mò vil nuaa yɛ, lende koni Maalii Hala tosanin ni, mì dɛnɛ sandaa a lisaa vil vanaa-mangalaa-isɔɔa kpow o hɔl.

Esekiɛl 17:23

I tɔalnin ndi o pembii bɛndu-bɛnduei coo o lɛŋnde Israɛl-ten nin. I dɔawnunnin fuma, mì i kom taw-taw, o kon kɔɔli, i siŋnunnin yɔm sɛɛdre kɛndɛ-kɛndɔɔ. Yowva súúlan kpow a vanin kɔlan pɛngio lecoo, a calnin o vunduma lɛvun ndɔn bɛngu.

Osee 14:5

I singinin Israɛlla le kɛɛ nda kɛɛ lou o lediom coo-o. I kaolanin nda a kɔl nuu kpow, kani i co lɛ a kɔltuw nda le.

Osee 2:21

Nɔm Israɛl, i fula nɔm kɔɔli le nɔm cuaa o nɔ̀u nin le fɛɛn a fɛɛn. I fula nɔm kɔɔli le nɔm cuaa o nɔ̀u nin, mì dɔw nɔm fulu a sandei, a lou o lediom coo, a kaolaa a á ɲííye.

Osee 2:22

I sɔlanin nɔm o nɔ̀u nin a lou o lediom coo. O kon, a sinanin maa ya co Mɛlɛka ni.»

Osee 6:2

O minginin naa yoomoo o n'dial o palɛi ndii ŋiin bɛngu. O paale yàándɔlen coo, o minginin naa a kiyɛi, mì n muungu yoomu ndu o hɔl.

Sakari 8:12

I saŋnin kɔlɲuloo o lɛŋnden coo. Nakɔla n'rɛsɛnndan la koamnin, lɛŋnden le nɛŋinin tɔlɔɔlan, halataalaa tuisinin piɔɔ. I yɔngunin vanaa tɔ̀a lo-a ɲɛm kɛndɛn mun kpede.

Nsaŋ 11:25

Mí Yeesu dimul ndu aa: «Ya co tendul vanvílɛ́iya a yoomoo ni. Vana laalan ya pɛ, o vanin yoomu, hali o vu bɛɛ.

Nsaŋ 12:24

I co niaa toɲaa dimul, te kulii n'malle del lɛŋ mì i vi le, i lo ndi pilɛ. Kɛ te i vi pɛ, i kom kullon taw.