Osee 14:4 - BII BILA

⁴ O co Asiri le nɔlanin naa ciindiaa le, n hel-lɛnin o soa cɔw coo le, n veelu lɛnin ɲɛ naa n cɔw a laba-o aa hala naa le. Kani nɔm tuinun vííyo iɲíí ni.›

Osee 14:4 Iomraidhean Croise

Condii lisai 10:14

Nɔm pila tofa vɔ sangaa a dɛnɛ palaa co vanaa bala fondoa coo-o. Cua sɔɛi ndɛi balan tan tiɔn. Nɔm o ba vana dɛnɛ palaa sɔɔnun ni, nɔm malà vííyo ni.

Condii lisai 20:8

Vanaa pum tiindan ɲɛla ɲaanannda soa nan-ndan, a pum yɛ soa ndaa nda tiindan ni. Kɛ naa naa, tiindan naa, ndu co diola Mɛlɛka Hala naa lan piɔlɔɔ ni.

Condii lisai 78:38

Kɛ ndu Hala, le tùú o nɔ ɲííye taw-vo, mó va nda hakilan malɔɔ, mó kɛɛ le nda ciiyo diwvo. Lɔ́ɔ́ lepum, o ɲulul kɔl, o ve kɔl ndɔ tuwvo tindi le.

Fulaa 15:26

Mí Mɛlɛka dimul nda aa: «Te la bii pɛ diom nuu, ya Mɛlɛka, ya co Hala niaa-o, te la kela pɛ kela sandaa ya o hɔl, te la yaŋ pɛ nilan o silala nilan mì la bii lan kpow, i tuisinin niaa nààla ya tuisi Esiptea coo lan coo le, hali naa vaa lende o pilɛ o tulnin niaa coo le. Kani ya co Mɛlɛka ni, ya nɔ siongɔɔ niaa o ba ni.»

Esai 12:1

«La diminin paale len aa: ‹Éé Mɛlɛka! I co nɔm lisaa. Kani nɔm óò tuulu kɔl a ya, kɛ kɔl nɔm tuwvo ɲulul, má ɲɔɔlu ya.

Esai 55:1

Sei, niaa vanaa kolɔɔ bii-a kpow, la hun nɛɛ mɛnndan ma co-a, hali mi vana nɔ ivoli o ba le! La hun, la piɔndi mì la de! La hun, la piondu mɔiyan a nɔnɔan, o co a n'voli le niaa co piondɔɔ le, la co hunɔɔ bɔnɔ luɛyɔɔ le!

Esai 57:18

I ce nɛila nda co kelaa coo lan, kɛ i singinin nda, i simnin nda laci mì ɲɔɔlu nda mà ɲulul kɔltan, nda a vanaa nda co o dɛnɛ palaa pilɛ kon nin-nda.

Yeremi 14:7

«A toɲa, hakila naalan la co naa seilen solullo, kɛ Mɛlɛka, tosa ɲɛ pum le diola nɔmndan, kani n hui nin nɔm bɔɔ, naa n vɔw a nɔm ni.

Yeremi 17:14

Mɛlɛka, singi ya mì sengu, ciindiaa ya mì cinda, kani biilu nɔmndo co ya o sondo lɔ́ɔ́-lɔ́ɔ̀.

Yeremi 3:22

La muungu ya o ibuŋ, niaa cuavaa nila kalua ha, mì mal niaa haki le sɔɛi biyɛi lepɛŋii niɛi.› «Nuaa naa, n hin nɔm o ibuŋ, kani nɔm co Mɛlɛka Hala naa ni.

Yeremi 31:20

Efraim co po ni kaolaa ni, po ya handu kɔllo coo-o. Telen oo telen ya va pɛ ndu dɛnɛ palaa tuisio coo, kɔllo faŋan ya o ndu lo le. Yiyanndo tuŋ ya yiyan ndu coo ni. Kani kaolaa pila ya kaola ndu ni, ɲííye pila ya nɔ a ndu ni.» Sɔɛi fula Mɛlɛka o sondo-e co ken ni.

Yeremi 33:6

Kɛ i dɔawnin nda danda mà muungu maa paandu. Mì singi cɛila ndalan, mà sɔla kɔlɲuloo, mà va nila ɲulu.

Yeremi 5:6

Lelan yàlá fula o bundɔɔ nin-ndo co nda diwvo ni, mì tun yondo fula o lɛŋnde veselɛilen nin-ndo va nda sɛɛsiaa. Tambillo co mɛngɛlaa o kobila ndalan sondoo, vana-vana fula dɔ́ɔ́ pɛ, o sɛɛsiaa ndu, kani nila kalula ndalan la co nin bɔɔ sɛ́lɛ́, dɛnɛ sandaa lepɛŋ ndaa vangalan nin bɔɔ.»

Yeremi 8:22

Vɛ̀ɛ̀ kooma cɛvaa ma co Kalaad le? Vɛ̀ɛ̀ vana dɔavaa ladanda co lɛ lon te? Le yɛɛ nɛ vanaa nia co niko siongɔ̀ɔ̀ sɔla le?

Esekiɛl 33:14

Te i dimul pɛ vana kɔlvesɛiyo maa o co vu, te vana kɔlvesɛi kon mal pɛ haki o va coo-o, mò kela kela sandaa o sakpoyɛi nin, mɛɛ o baŋa yoomu ndɔɔ.

Esekiɛl 36:36

Vanaa-mangalaa-isɔɔa lonin niaa a balaa pindo-a sinanin maa ya Mɛlɛka, i mingi ɲɛ va o kombɛiyo-o tangul, mí mingi ɲɛ va o tambɛiyo-o tɔlɔɔ. Ya Mɛlɛka dimi lende ni, nduyɛ i peelunin diom ya dimi-o.»

Osee 11:7

Vanaa nia yeema le lo o lediom coo a ya Mɛlɛka le. A co nda veeloo fulaa coocoo, kɛ vana pilɛ bɛɛ co cɔnɔn te.

Osee 2:19

I faŋanin ndu diola Baalla o sondo, vana ve lɛnin nda ladio piɔlɔɔ le.

Osee 6:1

«La hun mì n muungun Mɛlɛka o ibuŋ! Kani ndu lɔɔ naa ni, kɛ o co naa cɛw. Ndu booluu naa ni, kɛ o co pavii nɛi holiholi.

Sofoni 3:17

Kani Mɛlɛka, Hala niaa co niaa tɛɛn. Kuubanɔ co niaa baŋaa-o o co ni. O co a kɔlkɛndɔɔ taw le niaa, o mingi kaola ndɔɔ o sɛnɛi le niaa. A toɲa, o yonda a kɔlkɛndɔɔ mó dɔawnun ɲaale le niaa

Kundalan 25:11

«Pineas, po Eleasar-o, po imamaa Aarɔn-ndo faŋa kɔl ni tuwvo Israɛlla coo, kani o tosa paŋalaa le ya o nda tɛɛn. Kon tosa ni, i cii Israɛlla diw a kɔltuwvo le paŋalaa le.

Kundalan 25:4

Mó dimul Moise aa: «Cua vanaa co bolii lapangɛi-ya kpow, ma landu nda o paalen ya o hɔl, haliko mi kɔl ni tuw bɛndoo ɲulul, mò kpakpala Israɛlla.»

Rɔmnda 3:24

Kɛ mí Hala tosal nda kɛndɛi, má sɔla baŋanndo o Yeesu Krista nin, o co a vɔngu le.

Efɛsea 1:6

Lelan, n melnun Hala balika le kɛndɛi ndɔɛi bɛnduei, i o tosal naa a Po ndɔ o kaola taw-vo o kɔɔ-e.

2Timote 1:9

Ndu Hala ciindiaa naa ni, mó veelu naa veelu diandaa, haliko mi n va vanaa ndɔa, o co le dɛnnda naala kɛndɛlan te, kɛ le tùú ndu pila tuu, mó tosal naa kɛndɛi o Yeesu Krista nin kabi o tasendɔ-o.

Tite 3:4

Kɛ lɔ́ɔ́ Hala Vana naa Ciindiaa cɔm kɛndɛi ndɔɛi a kaola ndɔɔ le vanndacieea-o,