Osee 13:7 - BII BILA

⁷ Kɛ i siŋnunnin le niaa maa yàlà kana, mí mɛngɛla niaa o nɛilan coo maa tambili.

Osee 13:7 Iomraidhean Croise

SƐBƐ YƆB-O 10:16

Te i cɛn dɔ́ɔ́ pɛ, a hinul-la maa tambili, a kpuva ya a yoomuma nɔmndan kpow.

Esai 42:13

Mɛlɛka co fulaa maa kuubanɔ cɔw, o co diallon fulaa maa vana cɔw, o co deŋio kpélén, o co sɔɛi coo a kɔltuwvo, o cɔm yoomuma ndɔan yaamɔaa ndɔa coo.

Yeremi 25:38

Lɛŋnde ndalen le piow calta ndɔlan mɛɛ yàlàá piaw bɔɔ ndɔɔ nuaa yɛ, kani le siŋnun lɛŋnde dɛnɛ palaalen a mɔnɛ cɔwvo soli a len-ndo a á kɔltuw bɛndu Mɛlɛka-o.

Yeremi 5:6

Lelan yàlá fula o bundɔɔ nin-ndo co nda diwvo ni, mì tun yondo fula o lɛŋnde veselɛilen nin-ndo va nda sɛɛsiaa. Tambillo co mɛngɛlaa o kobila ndalan sondoo, vana-vana fula dɔ́ɔ́ pɛ, o sɛɛsiaa ndu, kani nila kalula ndalan la co nin bɔɔ sɛ́lɛ́, dɛnɛ sandaa lepɛŋ ndaa vangalan nin bɔɔ.»

Cɛɛŋɔnnda Yeremi lan 3:10

O yɔŋnun le ya maa kɔ́lɔ́vúlu cal mɛngɛla-o, maa yàlá co o kungulanndo o bungɛi nin-ndo.

Osee 5:14

Kani yàlà kana ya co le polale Efraim-nden ni, maa yàlà téndé ya co le cɛi Yuda-o ni. Ya ya, i bii pɛ, i sɛɛsiaa, i kɔɛnnun. Ɲɛ-ɲɛ ya bii pɛ, i kɔɛnnun a ndu, vana-vana nɔla ndu hiɔlɔɔ ya o ba le.»

Amɔs 1:2

Mi Amɔs dimi aa: «Mɛlɛka co kuuliaa Siɔn. O co yoondiaa Yerusalɛm a labɛɛla kpeekpei! Bil puiyaa vanaa mandaa n'cɔlua vesan, yondo puiyaa vesan o pembei Karmɛl tullo!»

Amɔs 3:4

Vɛ̀ɛ̀ yàlàá nɔla pá mo pɛɛliaa o bundɔɔ nin te o ci ɲɛ o co mɛngɛlaa-o le? Vɛ̀ɛ̀ yàlà téndóó nɔla pá mo kuuliaa o bɛ̀mɛ́lta ndɔlan nin te o bii ɲɛ le?

Amɔs 3:8

Yàlàá co pɛɛliaa, nɛ̀ɛ́-nɛ̀ kɛɛ yɛnin siòònde yɔŋ? Maalii Hala co sɔɛi, nɛ̀ɛ́-nɛ̀ kɛɛ yɛnin sɔɛi Hala-e tɛɛnguu?›

Dɛnnda cɔɔmuanndan 13:2

Vanáà ce pɛ visi ya ce kon-ndo aa tambillo ni, pelon va ndu maa pelun kɔ́lɔ́vúlu a sondoo ndu maa sondo yàlà. Mí tambálakáà ke ndu kpaaya ndɔɔ, kpɛŋɛ lemasa ndɔɔ a masale ndɔle bɛndulen.