Osee 13:3 - BII BILA

³ Lelan, a vanin maa mɔ́m idii, maa kɛmma yala vesa cɔ́-cɔ́-an, maa kefun hoeiye kɔandu mí i faŋa mun o kpele lɔaa n'mallo coo-on. A vanin vɛlɛ maa kumii co fulaa o fɛ̀ɛ̀fɛlan-nde.

Osee 13:3 Iomraidhean Croise

SƐBƐ YƆB-O 21:18

Vɛ̀ɛ̀ a sìŋnùn pá maa foeŋii hoeiye kɔandu-e, maa kefun hoeyii felenfelennde sàŋ-ndon?

SƐBƐ YƆB-O 30:15

Dɛnɛ yulan-yulan súú-súù ka ciŋilan ya, vana sɔvɛyɛi nii kɔɛnnun mɛɛ ɲɔɔ kɔannun o hoeiye nin yɛ. Dɛnɛ ni kɛndɔɔ mɔɲa-mɔɲa maa yumbuyumbu.

Condii lisai 1:4

Kɛ ɲɔɔ co lende le vanaa kɔlvesɛiya le. Nda nda, maa foeeŋii hoeiye saŋ fásàn-nde nda co ni.

Condii lisai 68:2

Mɛlɛka co cɔnɔnndo, mí yaamɔaa ndɔa va sɔɔndianndo, vanaa nɔ nɛyɔn ndɔɔ-a co piɔllo ndu laci.

Esai 17:13

Vanaa-mangalaa-isɔɔa a co tombolaa, ivóólun-vóólunnde mɛɛ mɛmma bɛnduan ma soli diomndo nuaa yɛ. Kɛ Mɛlɛka vueinun nda ma ɲaanun polon. A sɛŋin mɛɛ hoeyii fula o pembei coo-e saŋ foeende nuaa yɛ, mɛɛ hoeyii felenfelennde saŋ cundoo nuaa yɛ.

Daniɛl 2:35

O kon, mí cilinnde, puulu loamaa, daɲan, volin humbon a sianion cuinun kpow o lepilɔɔ, mí n siŋnun mɛɛ foeende va o kpele lɔaa n'mallo coo a vɔɔlen nuaa yɛ. Mí hoeiye kɔandu mun selemenden, hali foofoo lo le. Mí pow soŋ kon piɔmndo-o siŋnun pembii bɛnduei, mí i pia lɛŋnden ca.

Osee 6:4

Kɛ mí Mɛlɛka mulul niaa aa: «Yɛɛ ya tosa yɛnin le niaa, niaa polale Efraim-nden? Niaa polale Yuda len yɛ, yɛɛ ya tosa yɛnin le niaa? Kaola niaa nɔ le ya-o, maa mɔ́m idii o co ni, maa makɛm o co ni, o nɛi puusian te.

Sofoni 2:2

lɔ́ɔ́ pá mì sɔɛi fula masa bɛndoo o sondo-e dimin, mì paalen le hiow mɛɛ foeende hiaw o hoeiye nin nuaa yɛ. Là cùm háá mì kɔltuw bɛndu Mɛlɛka-o tol niaa coo le, là cùm mì paale kɔltuwle Mɛlɛka len le komal niaa le.

Sakari 8:12

I saŋnin kɔlɲuloo o lɛŋnden coo. Nakɔla n'rɛsɛnndan la koamnin, lɛŋnden le nɛŋinin tɔlɔɔlan, halataalaa tuisinin piɔɔ. I yɔngunin vanaa tɔ̀a lo-a ɲɛm kɛndɛn mun kpede.