Osee 13:15 - BII BILA

¹⁵ Cuavaa-imamaa Efraim-nda, ndáà pɛlnun ladio puapilɛa ndaa tɛɛn. Kɛ hoeyii cɛn a ba paalen le can-ndo-e co hunɔɔ, hoeyii Mɛlɛka-e co cɔnɔnndo o lɛŋnde veselɛilen nin, mì va heeloo. I veesiaanin peela lebolta cuavaa Efraim-nda, mì soonnda kólaala ndalan la vela. Bolofaa ndaa a ɲɛm vɔngu ndan báà kalan cuannunnin mì n kɔɛnnun.»

Osee 13:15 Iomraidhean Croise

O Kandɔɔ 41:23

O kon kɔɔli, mí ca vɛlɛ yasala n'malta celen tan ŋɔmmɛw o lan kɔɔli, la va lafoofiɛilan. Mí hoeyii fula a ba paalen le can-ndo-e veesiaa lan kékélé.

O Kandɔɔ 41:52

Mó ke po ndɔ diinndɔɔ diolan aa Efraim (kon co dimio ni aa «Vana kuiyàá»), kani mó dimi aa: «Hala nɛŋi ya ipulu o lɛŋnde ya va o mɔnɛi nin-nden nin.»

O Kandɔɔ 41:6

O kon kɔɔli, mí yasala celen la cuulu o lataselan kɔɔli tan ŋɔmmɛw, lan la va lafoofiɛilan. Mí hoeyii tuvii fula a ba paalen le can-ndo-e veesiaa lan kékélé.

O Kandɔɔ 48:19

Kɛ mí fuɲa ndɔ kɛɛ, mó dimi aa: «Po nuu, i sina. I sina válán. Polale Manase len bɛɛ le vanin sɛ́lɛ́ taw, ndu bɛɛ vanin vana tɔ́ɔ́ bɛndoo. Kɛ pɔmbɔ ndɔ hiawnin va vana tɔ́ɔ́ bɛndoo a ndu, vanaa-mangalaa-isɔɔa taw-taw a fulanin o polale pɔmbɔ ndɔlen coo ni.»

O Kandɔɔ 49:22

Yosɛf ndu co maa tɛyii yɔm soli kɔmnden taw-vo, tɛyii yɔm co o tɔalaa o peo kɔngɔ-o. Lɛvun ndɔn hel pɛ sɔlɔbɔlɔɔ, n piasa o kungaa coo.

SƐBƐ YƆB-O 18:16

O vanin maa yɔm co vuo-o, puundon và vesaa lebɛngu, mì pei ndi ɲɔfɔliaa lecoo.

Condii lisai 1:4

Kɛ ɲɔɔ co lende le vanaa kɔlvesɛiya le. Nda nda, maa foeeŋii hoeiye saŋ fásàn-nde nda co ni.

Condii lisai 109:13

Màá polale ndɔlen le cuu, mì diola ndɔlan la ɲum le fɛɛn a fɛɛn!

Esai 14:21

Lelan, la bɛɛndian le cuavaa ndaa bololan kilio, le haki fuɲaa ndaa tosa-o! Màá a can ndɛ ma hɛlu vɛlɛ lɛŋnden te, yɔŋii nda pei kobilan o ceendo nin ca!»

Esai 17:13

Vanaa-mangalaa-isɔɔa a co tombolaa, ivóólun-vóólunnde mɛɛ mɛmma bɛnduan ma soli diomndo nuaa yɛ. Kɛ Mɛlɛka vueinun nda ma ɲaanun polon. A sɛŋin mɛɛ hoeyii fula o pembei coo-e saŋ foeende nuaa yɛ, mɛɛ hoeyii felenfelennde saŋ cundoo nuaa yɛ.

Esai 27:8

Ɛ-ɛ, o yɔŋnun lende le, kɛ tùúlen n bandìla nda ni, má toaw nda ma fula o lɛŋnde ndalen nin, má kɔandu nda o hoeyii fùkù-fùkùi fula a ba paalen le can-ndo-e nin.

Esai 41:16

La hɛinin mun mì hoeiye kɔndu mun, mì hoeyii felenfelennde saŋ mun fásàn. Kɛ niaa, la dɔawnunnin ɲaale o Mɛlɛka nin, la biilu O-Diandaa Israɛlla.

Yeremi 20:5

I tɛɛmbuunin bolofaa co Yerusalɛm-ndo kpow, ɲɛm nda sɔla o baala ndaa nin-ndon, ɲɛm ndan sɔvɛɔn kpow a bolofaa masaa Yuda kpede, mì yɔngu yaamɔaa ndaa ɲɛm mun kpow, mà cuungiaa mun, mà cua mun, mà kɔɛnnun a mun Babilɔn.

Yeremi 4:11

Paale len, Mɛlɛka dimulnin vanaa kan a Yerusalɛmnda aa: «Hoeyii tuwve co hɔŋndo o pembun co o lɛŋnde veselɛilen nin-ndon coo, i bii nɛiyo hunɔɔ o vanaa nia lo, o co hoeyii hɛyaa n'kul le mun dindi le.

Yeremi 4:12

Hoeyii fùkù-fùkùi bɛnduei cɛn ndon, mí tiiya háá o ya lo dí-e pɛɛn. Lelan ya co yamɛi ndɛi kiolɔɔ ni.»

Yeremi 51:1

Diom Mɛlɛka dimi-o co hoo ni aa: «I co hoeyii tɛɛmbuai hɔŋ Babilɔn a vanaa co icali lon-nda coo.

Yeremi 51:36

Lelan diom Mɛlɛka dimi a Yerusalɛm o kɔɔ-o co hoo ni aa: ‹I co isɔɔ le niaa, ya co màá mingi le niaa ni! I co mɛmma pee bɛndoo Babilɔn veeliaa, mì veesiaa soonnda ndala mamɛnndan.

Esekiɛl 17:10

Má cè ndu o tɔalaa! Vɛ̀ɛ̀ o dɔawnunnin pá fuma? Vɛ̀ɛ̀ te hoeiye a ba paalen le can-ndo i hɔŋul pɛ ndu, o vesanin lekɛ́ndɛi le? Mbɔ̀ vesaa o vesanin o fonda o va hindɔɔ coo-o coo ni!›»

Esekiɛl 19:12

Kɛ mí vannda sungu ndu a kɔltuwvo, má ɲindu ndu lɛŋ vuluvulu. Mí hoeyii fula a ba paalen le can-ndo-e i veesiaa kɔmnde ndɔlen, mí lɛvun ndɔn kálà-kálàn bɛɛsiaa, mí n vesan kékélé, mí yinnden le loam mun kpúlúká.

Daniɛl 11:8

O cuanin piɔmnda a halaa co o lɛŋnde len nin-nda, o cuanin vɛlɛ ɲɛm cɔwnun a volin humbon-ndon a ɲɛm cɔwnun a sianion-ndon, mò kɔɛnnun a mun o lɛŋnde Esipte len nin. O tosanin vɔsilan taw, o sɔɔnguunin masaa a ba luaŋ-ndo ikɛi le.

Osee 10:1

«Israɛlla va maa nakɔ n'rɛsɛn koam taw-vo, a va kuiyo taw-taw. Kɛ mɛɛ nda va kɔlan a kuiyo faw, lende koni nda va fondala-loamaa-lasálàlan vangalaa ni. Mɛɛ lɛŋnde ndalen le va naŋɔɔ yɛ, lende koni nda va powta sálàlan baŋɔɔ ni.

Osee 2:3

Lelan, la veelu puapilɛa niaa aa Ammi (kon co dimio ni aa «Yungu nuu»), mì la veelu yemaa niaa aa Ruhama (kon co dimio ni aa «Kaolaa»).»

Osee 4:19

Felen-felenndo co nda kɔndɔɔ mì siɛmbulan la bii nda le sálàla ndalan.»

Osee 9:11

Biilu cuavaa-imamaa Efraim-nda cannin coocoo, mò ɲaanun maa yow. Vana ve lɛnin violɔɔ le, vanalanɔ cue lɛnin foli le, a ciiku lɛnin vanalanɔ a foli le.

Yonas 4:8

Paalen kaloo, mí Hala soli hoeyii vesɛiye a kpengii paalen le can-nde. Mí paalen le tuulu Yonas bollen, mí hɔlla hiŋ ndu, mó yeema piɔ́mndo, mó dimi aa: «Piɔ́mndo co fisa le ya a yoomoo.»

Nahum 2:9

Ninive siŋnun maa fɛngɛ mɛmma ndɔan ma co lullo-o, A co vanaa co ɲaanɔnndo-a yondallo aa: ‹La sim-ndɔ! La sim-ndɔ!› Kɛ vana pilɛ bɛɛ co mulin te.

Tɔŋ miingua 33:17

Ndu yɔŋnun naw tova ndɔ tasoo ni. Màá o sɔla bɛɛlen! Leela ndɔlan maa leela cìí la co ni. A lan o kundunin vanaa-mangalaa-isɔɔa háá nɛɛ lɛŋnden le mɛɛlu-a ni. Lende sɛ́lɛ́ bɛndu-bɛndu fula Efraim o ipulu-o co ni, lende fàngà-kunda fula o Manase nin-ndo co ni.»