Osee 13:14 - BII BILA

¹⁴ I baŋanin nda mì soli nda ciee-piɔ́m, i solinin nda o kpòndò piɔ́mndo bɛngu. Òó piɔ́mndo! Ɔ́ɔ̀ ɲɛm cɔvun n tiindan-ndon? Òó ciee-piɔ́m! Ɔ́ɔ̀ kpaaya nɔm tɛɛmbua? I tofa lɛnin nda mì ɲíí bii ya le.

Osee 13:14 Iomraidhean Croise

SƐBƐ YƆB-O 33:24

mɛlɛkanɔ kon tuinunnin ndu iɲíí, mò dimul Hala aa: ‹Baŋa ndu, mal ndu tolɔɔ ciee-piɔ́m te. I saalun ɲɛ le ndu baŋaa.›

SƐBƐ YƆB-O 41:22

Kuiision a ɲɛm siɛɛmbian co ndu o demboo bɛngu ni, nɛɛ o kei pɛ, tɛɛndiaalan la koma hini o loolio coo maa tɛɛndiaala dɛndɛla nawva koaŋ-ndan.

Condii lisai 16:10

Kani nɔm Mɛlɛka, a melnin ya kɔlan ciee-piɔ́m te, a cɛlnin mì ya vana lo lediom coo a nɔm-ndo tol o sɛiyo nin te.

Condii lisai 30:3

Mɛlɛka Hala nuu, i ɲuna nɔm le ya malaa, má singi ya.

Condii lisai 49:15

A co nda yɔɔ ciee-piɔ́m maa n'saa, mì piɔ́mndo dɔwnun balo a nda. O lo cobe mì vanaa dendu kɔltan-nda nɛw nda a labɛngu, mì naŋɔɔ nda kon tambu, mà kɔɛ cɛila ndala lemasalan levil.

Condii lisai 49:16

Kɛ Hala solinin yoomu nuu ciee-piɔ́m o ba, Lekɛ́ndɛi, o puunin ya piɔ́mndo o ba.

Condii lisai 71:20

A tɔɔndan bɛɛ ya a dɛnnda imɔnɔlan a á dɛnnda palaalan nuaa taw, kɛ a mingin yoomoo ya o milin, a solinin ya o lɛŋnden bɛngu, o sɛiyo nin pɛɛn.

Condii lisai 86:13

kani kaola n kaola ya-o co o bɔɔ, a baŋa ya, má soli ya ciee-piɔ́m.

Esai 25:8

Mɛlɛka tɛɛmbuunin piɔ́mndo le fɛɛn a fɛɛn. Maalii Hala vɔɔsuunin vannda kpow mɛmɛan o lahɔl. O faŋanin siɛmbula bɛɛtambɛila vanaa ndɔa o lɛŋnden kpow coo. Mɛlɛka soo lende ni.

Esai 26:19

Kɛ vanvílɛ́yaa nɔmnda muungunin yoomu, dialun vanaa nɔmaa vi-a n tendulnin! La tendul, la yɛkɛlan a kɔlkɛndɔɔ, niaa co o cundoo nin o lɛŋnden bɛngu-a! Kani mɔ́m mingi yoomoo-o mɔ́m nɔmndo co ni. Lɛŋnden le minginin vanaa vi-a yoomu ma ce paalen.

Yeremi 15:6

Sɔɛi fula Mɛlɛka o sondo-e co hee ni aa: «Nɔm kɛɛ ya ni má mulul-la kɔɔ. Lelan ya cɛn ni mí hol nɔm baa le nɔm tɛɛmbuuo, kani i sanga nin a nɔm ɲííye tuinɔnndo.

Yeremi 20:16

Màá vana kon siŋnun maa kobila Mɛlɛka tɛɛmbuu ɲíí bii ndu le lan! Màá o tuei caŋnda imɔnɔlan idiiyo, mò tuei yondala cɔwlan a paalen o pol!

Yeremi 31:35

Mɛlɛka, o kɛsi paalen o fonda ndɔɔ-o, o co ɲɛ-tengaa yɔngoo ipala-o, o dimul paangei a loeon le vaa ɲɛ-tengaa yɔngoo icɔl-lo, o tosa mí mɛmma ihɛllan ma hel kpungbuulan a ba ndɔ-o, o nɔ diolan aa Mɛlɛka-Nɔ-Kpaayaa-Kpow-vo-o dimi lende ni.

Esekiɛl 37:9

Mó dimul-la aa: «Tɛɛnguu diom Hala-o mà soo o hoeyii yoomuɛi lo aa ‹Nuaa Maalii, o co Mɛlɛka-o dimi ni aa: Nɔm hoeyii yoomuɛi sei, fula o kpengun hiɔɔlun ceendo mà hɔŋ vanvílɛ́iya haa coo, haliko ma muungu yoomu.›»

Osee 6:2

O minginin naa yoomoo o n'dial o palɛi ndii ŋiin bɛngu. O paale yàándɔlen coo, o minginin naa a kiyɛi, mì n muungu yoomu ndu o hɔl.

Osee 7:10

Yonga Israɛlla co nda pila seilen tɛndallo, kɛ a co muungu Mɛlɛka Hala ndaa o ibuŋ te. A kon kpede, a co ya Mɛlɛka nuwviaa le.

Malasi 3:6

«Ya Mɛlɛka, i yɛlɛman te. Niaa niaa, cuavaa Yakɔb-a tuŋ niaa co ni.

Kundalan 23:19

Hala co vanaciee le lacòò dimi le. O co vɛlɛ po vanaciee le diom ndɔɔ mangalaa le. O dímì isɔɔ mò kɛɛ ndi tosa le, O sólìn lediom o sondo mò kɛɛ len peelu le.

Rɔmnda 11:15

Kani te siɛinɔn ndaa tosa pɛ mì ceendo muungu Hala o ibuŋ, mɛɛ yɛɛ tosan yɛnin, taa mingi pɛ hɔlla o Hala lo? Kon co macoaa mɛɛ vanvílɛ́iya-a muungu yoomu nuaa yɛ.

Rɔmnda 11:29

Kani ke Hala-o a veelu ndɔɔ mangalan te.

2Korɛntea 5:4

Kani te n co vɔ pɛ o cɛi-kola-toandaa ceendo ho nin, mɛɛ mì n va sangaa maa mɛɛ vana sanga o volɔɔ lusulaa bɛngu nuaa yɛ. I co toɲa maa n yeema mì n faŋan ndu lekɔɔ le, kɛ n yeema mì n cuɛinun volɔɔ fula o halataala-o, haliko mi yoomoo mangala dialun co hunɔɔ vu-on.

Filipea 3:21

Ndu mangalanin kɔɔle naale dɛnɛ palaalen ni, mò mingi len maa kɔɔle ndɔle biilaa len, a kpaaya bɛndu o nɔ le ɲɛ-ɲɛ fee lueinɔnndo ndu o ba bɛngu-o.

1Tesalonikea 4:14

N laalan maa Yeesu vi mó tendul. Lende koni, n laalan vɛlɛ maa Hala minginin vanaa laalan má vu-a yoomu nda Yeesu-a latulu.

Nsaki 1:17

Ɲɛm-kéan kɛndɔn kpow a ɲɛm-kéan peelunndon kpede, coocoo n co fulaa ni, Pau Hala o ba. Vana cɔw ɲɛ-tengaa kpow-vo. Nduyɛ, o màngàlannin te, hali ɲɛ-pɔmbɔ.

Dɛnnda cɔɔmuanndan 20:13

Mí mɛmma ihɛllan ma soli vanvílɛ́yaa va lenin-nda, mí piɔ́m a ciee-piɔ́m-ndo soli vanvílɛ́yaa va lon-nda, mí yamɛi ndɛi kiolu mɛɛ dɛnnda ndalan la va yɛ.

Dɛnnda cɔɔmuanndan 21:4

O vɔɔsuunin nda mɛmɛan kpow o lahɔl. Piɔ́mndo ve lɛnin te, biisi ve lɛnin te, yeela ve lɛnin te, ɲɛ nɛyaa ve lɛnin te, kani ɲɛm tason hiow.»

Dɛnnda cɔɔmuanndan 6:8

Mí mɛɛndan, mí ca so pupulaao. Vana va lecoo-o diolan aa Piɔ́mndo, ciee-piɔ́m va ndu kɔlan kɔɔli. Mí dio kennun nda le masalen tosaa o bungɛi pilɛ, o bungan hiɔɔlun lelɛŋndon coo le vannda diwvo a mɔɛi cɔwve, a yima fofolan, a nàà halimaa a á visia biyaa co o lɛŋnden coo-a.

1Samiɛl 15:29

Mɛlɛka co biilu Israɛlla-o dimi lacòò le, o mangala diomndo maa vanaciee le.»