Osee 13:1 - BII BILA

¹ «Te cuavaa-imamaa Efraim-nda ndáà va pɛ sɔɛi, siòònde ndíì bii vannda kpow. Langbaa kɛsun kálàá nda va Israɛl ni. Kɛ má del kasi le sooluu nda sooluu piɔmndo Baal-lo, má sɔla piɔ́mndo.

Osee 13:1 Iomraidhean Croise

O Kandɔɔ 2:17

kɛ dia kɔmnde yɔm tosà mì vana sina dɛnɛ kɛndɔɔ a dɛnɛ vɔɔndo-o le. Kani paale n co ndu dio len, piɔ́mndo siŋnun ɲinkon mial nɔm.»

1Masaa 12:25

Mí Yeroboam siinguu kobio Sikɛm kobi mayoomoo o tàndà n'pembu Efraim-ndo nin, mó cal lon. O kon kɔɔli, mó can ndon, mó kɔ tangul vɛlɛ kobio Penuɛl.

SƐBƐ YƆB-O 29:21

Telen kon, te yáà va pɛ sɔɛi, vannda ndáà mei kpili le yiyan nuu sinaa.

SƐBƐ YƆB-O 29:22

Te yáà cii pɛ sɔɛi, vana-vana óò híílùù diom nuu le, sɔɔn nun va delio nda coo maa matoŋtoŋ.

Talelan 18:12

Yongaa pɛ̀ pɛ vanacieo o kɔl, mɛɛ delɔɔ ndɔɔ tiiya. Kɛ tuisinndo hun a heeloo sɔlaa ni.

Esai 66:2

Ɲɛm mun kpow, ba nuu cɔw mun ni, o kon n mun kpow n va mɛɛ n co yɛ, ya Mɛlɛka co sɔɛi nuaa ni. Tofa vɔ, vana ya landunin hɔlla coo-o, ndu co vana ikɔɔ co o mɔnɛi nin-ndo ni, o co ɲiiyaa a siòònde a sɔɛi nii-o.

Esai 7:8

Kani Damas co kobi lebollo le lɛŋnde Aram-nden ni, Resin yɛ, ndu co masa lebollo le kobio Damas ni. Nanu a vɔsilan belaŋɔmpum a laŋuɛɛnu, polale Efraim-nden le co cuvɔɔ kpede, le ve lɛnin yungu le few-few.

Osee 11:2

Kɛ mɛɛ ya va Israɛlla veeloo faw, lende nda va kɔnndan ya levil. A va Baal sálàlan solullo, a va ansan lomɔɔ le halaa fondoa.

Osee 2:10

O ve sina maa ya le va ndu maalon, mɔima sɛnɛiyan a cuɛiyan yɔngoo le. Ya va ndu vɛlɛ volion a sianion yɔngoo ni, kɛ mó tosa baalaa a mun le piɔmndo Baal.

Osee 2:8

Lelan, ya Mɛlɛka, i co ndu nɛiyo kinda laci a yɔɔn, i co ndu kpakio cɔvɔɔ laci. O ci lɛnin nɛi o vanin kɔlan coo-o le.

Osee 8:4

À kennun masaa, à ɲuna ya le, má hɛli simlacia, i ve o sina nin te. Má cɔaw piɔmnda a volin ndan a á sianin ndan, Ken nda tosa ni le laasianndo.

Kundalan 10:22

O nda kɔɔli, mí polale Efraim-nden le bii nɛiyo a kundala va nda kɔɔli lan, lɛfɛ landaa ndaa va nda laci. Kundala va nda kɔɔli lan la va lan ni: kundala polale Efraim-nden-ndan, simlacinɔ ndaa va Elisama, po Amihud-o ni,

Kundalan 13:16

Diola vanaa Moise vem suansuaannden le lɛŋnden mɛɛndianndo-a la co lan ni. Mí Moise ke Hosea, po Nun-ndo diolan aa Yosue.

Kundalan 13:8

le polale Efraim-nden, mó viam Hosea, po Nun-ndo,

Luke 14:11

Kani vana-vana heelun pɛ, ndu sɔlanin tuisio tootoo. Kɛ vana-vana tuisin pɛ, ndu sɔlanin heeloo.»

Rɔmnda 5:12

Lelan, mɛɛ hakio luɛi o ceendo nin le vanacieo ndu pilɛ mí haki kon hun a piɔ́mndo yɛ, lende piɔ́mndo kei vanndacieea kpow coo ni. Kani nda kpede a tosa hakio.

2Korɛntea 5:14

Kani kaola Yeesu-o hiow naa mayoomu, bau n sínà pɛɛngu maa vana pilɛ kpé sɔla piɔ́mndo le vannda kpow ni. Lelan, piɔ́m o sɔla kon-ndo, vannda kpow a vi vu kon lende ni.

Yosue 3:7

Mí Mɛlɛka dimul Yosue aa: «I co hau kandɔɔ nɔm kuundiaa Israɛlla kpow o hɔl, haliko ma sina maa mɛɛ ya va Moise ikɛi yɛ, lende koni ya co nɔm ikɛi ni.

Masaa kialaa n'yamaa 12:1

Vanaa fula o polale Efraim-nden nin-nda cuungianndo, má taŋ peo Yurdɛn, má kɔa Safɔn. Má ɲuna Yɛfte aa: «Le yɛɛ nɛ n kɔ del-lɛ Amɔnnda coo a cɔwvo a veelu naa le nɔm malaa le? N co cɛi nɔmndo lomɔɔ mì nɔm pila ŋɔɛ a ndu latulu.»

Masaa kialaa n'yamaa 8:1

Mí vanaa fula o polale Efraim-nden nin-nda dimul Sedeɔn aa: «Le yɛɛ nɛ n tosal-lɛ naa dɛnɛ súú vaa nuaa? Le yɛɛ nɛ a veelu naa le Madiannda cɔlɔbaa naa niaa latulu le?» Má sɛɛngian a ndu taw.

1Samiɛl 15:17

Mí Samiɛl dimi aa: «Paandu, nɔm pila va cɔnnɔnndo o pɔmbɔ, vɛ̀ɛ̀ o co nɔm kon te siŋnun simlacinɔ polama Israɛlla le? Vɛ̀ɛ̀ o co nɔm kon te Mɛlɛka pɔla ma siŋnun masaa o lɛŋnde Israɛl-ten coo le?