Osee 12:8 - BII BILA

⁸ Ya Mɛlɛka dimi aa: ‹Cuavaa-imamaa Efraim-nda nɔ ɲɛla tuvaala lakafalan o laba maa yulaa Kanaan, a yeema bɔɔ kafalan.›

Osee 12:8 Iomraidhean Croise

Condii lisai 49:6

Le yɛɛ siòònde bii yɛnin ya o palɛi dɛnɛ palɛi, telen vanaa yɔŋ vɔɔnda balunin ya le ya delɔɔ coo-o?

Condii lisai 52:7

Lelan nɔm bɛɛ, Hala co nɔm tɛɛmbuu le fɛɛn a fɛɛn. O koondannin nɔm, mò soli nɔm o cɛi-kola-toandaa nɔmndo nin, mò faŋa nɔm o ceendo vanaa yoomaa ho coo.

Condii lisai 62:10

Ɲaa yoomaa daama vanndacieea co ni, sɔɔn lacòòvan kínɛí n co nda o lasondo ni. Te vana heelu nda pɛ o kiloo coo, nda kpow, lusul ndaa tiiya maa lusul ihoeiyo le.

Talelan 11:1

Ɲɛla tuvaala n'ɲɛla nda yɛlɛmiaa lan la nɛinun bɔɔ Mɛlɛka, kɛ o nàŋ kɔl a ɲɛla tuvaala nda sakpolan.

Talelan 30:12

Vanaa pum a yiyan maa a co a diandaa, nda yɛ a pilun bɛɛ a nɔɔla co nda-o le.

Talelan 30:20

Tofa vɔ ɲɛ vanalanɔ suundɛiyo tosa-o: O cii pɛ dio ndɔ kon, o vɔɔsuu sondoo, o dimi aa: «I tosa sɔɛi vɔɔn kɛ́-kɛ̀ le!»

Yeremi 2:23

Vɛ má dimi aa: ‹I nɔɔlian te, i del Baal kɔɔli le ndu sooluu le?› Tofa vɔ foofola bɛngula nɔmndan o bóllo nin! O bɛnda ma sina dɛnɛ n tosa-o, nɔm ɲɔɔmɛɛ téndé co kelanndo ba-ba ka-o.

Yeremi 2:35

A kon kpow, la co mulio aa: ‹N tɛɛmbuu isɔɔ oo isɔɔ le, kɔltuw Mɛlɛka-o tulnin naa coo le.› Le mɛɛ niaa co dimio aa la tɛɛmbuu isɔɔ le yɛ, i co niaa iyama kiolɔɔ.

Yeremi 5:27

Mɛɛ kesu mandaa n'yowvo và o piaa a yowva yɛ, lende cɛila ndalan la co lapiaa a ɲɛm lakafan ni. Le ken nda siŋnun vanaa kpaayaa a vanaa bolofaa ni.

Esekiɛl 28:5

A vangala bolofaa nɔmndo o yulale n caa taw len nin, le bolofaa nɔm kon, mí kɔl nɔmndo pia a yongaa.

Osee 13:6

Mɛɛ niaa tiiya o yondo puiyaa nin, mí la dia, mí lapum cá. Mɛɛ niaa pim, mí kɔlta yongalan la luɛi niaa nin, mí la pɔɛɛnun ya.

Osee 14:1

«Samaria sɔlanin sangaa le tɛɛmbuula ndalan, kani a simul Hala ndaa. Vanaa co icali lon-nda sɔlanin piɔ́mndo o mɔɛi cɔwve bɛngu. Cɛlɛkpɛa ndaa pesipesinnin. À tɛɛndiaanin vanlaandua lafolia ndaa dembelan.»

Osee 4:8

Vanaa-solia-lasálàá co tɔnɔɔ sɔlaa o yɔŋnda vɔɔnnda vanaa nia nin. Ɲɔɔ ndu pilɛ kpé nda yeema ni: mì vanaa nia va hiovɔɔ laci a hakilan tosaa.

Amɔs 8:5

La co dimio aa: «Lɔ́ɔ́ kuɛɛ kafo paangii sɛnɛiyo co yɛ cuvɔɔ, haliko mi n kɔ muungu malun naan pisio? Lɔ́ɔ́ kuɛɛ nɛ kafo paale pɛngiaa ho co yɛ nin cuvɔɔ, haliko mi n kɔ kumbi kondala naalan le malun naan muungoo pisio? N co panilan bɔɔfiàà mì la dɔɔnan, mì n cɔɔlu vɛlɛ maalon báà heelu, n co ɲɛla tuvaala n'ɲɛlan mangaliaa le vannda palaa.

Habakuk 1:16

Le hee, nda co yalala ndalan sálàlan solullo, mà va ansan lomɔɔ le kayala ndala lan ni, kani lan la co nda baloo yɔngoo, mà va ɲɛdiaa sɔvɛɔ dioo ni.

Sakari 11:5

Vanaa co nda piondɔɔ le diyɔɔ-a co cɔnnɔn maa a tɛɛmbuu isɔɔ le. Vana co nda pisio-o co dimio aa: Biiloo co le Mɛlɛka! Kani i siŋnun vana bolofaa. Vanaa co saa kan mandaa-a nɔ iɲíí a nda le.

Malasi 2:17

«La co Mɛlɛka saangiaa a sɔɔn niaan, mì la va dimio aa: ‹Vɛ̀ɛ̀ naa n co yɛ ndu saangiaa?› Yéé la co pɛ dimio aa: ‹Vana-vana tosa pɛ dɛnɛ vɔɔndo, a vana vaa lende Mɛlɛka naŋ kɔl ni! Vanaa vaa lende kpeekpei o yeema ni›. La co vɛlɛ dimio aa: ‹Kuɛɛ Hala co kon yaman sandan kiolɔɔ-o co yɛ?›»

Malasi 3:13

Mí Mɛlɛka dimi aa: «La co ya sondoo heelɔnndo mì la muungu dimio aa: ‹Vɛ̀ɛ̀ naa n co yɛ nɔm sondoo heelɔnndo?›

Luke 10:29

Kɛ langbanɔ kon ndóò yeema mì ndu pila ndóò kennun di, le hee mó ɲuna Yeesu aa: «Nɛ̀ɛ́ co yɛ caan nuu?»

Luke 12:19

O kon i dimul kɔl nuu aa: A nɔ ɲɔɔn taw n kɛsiaa le vɔsila bɔɔ-bɔɔ. Buulan te, dio mà kol, mà dɔwnun ɲaale.›

Luke 16:13

Buɛi kon co le, o nɔla mo tosal vanaa bɛndua nda ŋiɔn baalaa-o. Kani o pilɛ nɛinunnin ndu, mò kaola o pilɔɔ, te o co kon te, o yiinannin nda o pilɛ, mì o pillo kusin ndu. Lelan, la tiwba mì la tosal Hala a volion baalaa o lepilɔɔ le.»

Luke 16:15

Mí Yeesu dimul nda aa: «La co cɔnɔnndo maa vanaa sandaa niaa co vannda o hɔl ni, kɛ Hala sina kɔlta niaalan. Kani ɲɛ vannda ca o sɔvɛɔ-o, ndu nɛinun Hala ni.

Tɔŋ miingua 8:17

Lelan, la caa, yɔŋii niaa hun dimi aa: ‹A yoomuma naan a á kpaayaa naa naa n sɔla bolofaa ho kpow ni›.

1Timote 6:17

Dimul vanaa nɔ bolofaa sunsun-nda maa nda pila a cannun ɲɛ le, dimul nda maa a kɛsì kɔllo o bolofaa fondoo ho coo le, kɛ a tiindàn Hala, o yɔngù naa ɲɔɔn kpow mì n va taw-vo, haliko mi n de mun tɔnɔ.

1Timote 6:5

a sɛɛngiannda cuu le lan la fula ni, la vanaa yiyannda ndalan la laasian, a sínà lɛ toɲaa le-a pɛɛn. Vanaa kan a co yiyanndo maa Hala laalanndo yɔngù vana ɲɛ-sɔlaa ni.

Dɛnnda cɔɔmuanndan 3:17

Kani a co dimio aa: Vana bolofaa ya co ni, i pɛ a bolofaa taw, i hew lɛ ba a ɲɛ-ɲɛ le. A co sínà maa a cuu dikpilan te? Kuɛi, bala fondolan, sumaa a fɛ́lio tol nɔm coo.