Osee 12:2 - BII BILA

² Cuavaa-imamaa Efraim-nda co kiltan hoeiye kɔɔli, a co hoeyii fula a ba paalen le can-ndo-e kɔlan kɔɔli. Lepalaa-lepala a co còòlan a delɔɔcoo vangalaa. A yii kpemaa a lɛŋnde Asiri len, a co cuɛiyan pisio Esiptea o ba.

Osee 12:2 Iomraidhean Croise

2Masaa 17:4

Kɛ telen pum, mí masaa Asiri ciiku maa Osee yii ndu dúmbú, kani mí Osee yaa kiilaa o So lo, masaa Esipte pɛɛn, mó kɛɛ le muloo malɔɔ Salmanasar, masaa Asiri o ba mɛɛ ndóò dema ndu malɔɔ ndu o ba yɛ. Le hee, mí masaa Asiri bii Osee, mó mal ndu o kaasoo.

SƐBƐ YƆB-O 15:2

«Vana kɔlkaloo muli pá sɔɛi o diɔmnde nin? O dɔawnun pá balo a hoeiye?

Condii lisai 78:36

Kɛ a va ndu huiyo a lasondo, a va ndu sɔɔn lacòòvan dimullo.

Vana Kɔlkaloo 5:15

Dɛnɛ palaa bɛndu-bɛndoo co vɛlɛ kon ni, le muungoo mɛɛ o hin yɛ kpafii. Ɔ́ɔ̀ niko ɲɛ o mei o sanga bɛndu o sanga kon-ndo nin-ndo?

Esai 10:12

Kɛ Maalii dimi aa: ‹Lɔ́ɔ́ ya ciinin baala nuu kpow tosa o pembei Siɔn coo a o kobio Yerusalɛm nin-ndo, i soaŋnin masaa Asiri le yiyan ndɔ kuundianndo a le tofa ndɔ yongaa.

Esai 10:6

I mal ndu le vanaa sina Hala le-a kuello, I yɛɛ ndu le kɔlan vanaa tuulu ya kɔllo-a delɔɔ coo, haliko mo poondiaa nda ɲɔɔn o ba, mò nɛw nda a labɛngu mɛɛ vana nɛw loolio o nɛilan coo yɛ.

Esai 24:21

O palɛi ken nin, Mɛlɛka soaŋnin ɲɛm cɔvun co o halataala-on, mò kposoŋa masaa co o lɛŋnden coo-a.

Esai 3:11

Dɛnɛ palaa co le vana kɔlvesɛiyo! Sangaa co ndu cum! Kani o sɔlanin tɔnɔ vali bala ndɔlan la co tosaa-o.

Esai 30:6

Sɔɛi vueinaŋii dimin a visia co a ba too-a o kɔɔ-e co hee ni: a co keiyo o tàndá imɔnɔɔ a o tàndá sangaa co nin-ndo nin. O tàndá yàlà laandoo a yàlà piaandoo nin, o tàndá hɔ̀ɔ̀lɔ́ɔ̀ a tambálakáà nin. A handu sofɛlɛa ɲɛm sɔlan ndan o lakɔɔ, a dovi bolofaa ndaa o buun ɲɔɔmɛɛa coo, a co vanaa-mangalaa-isɔɔa solulnin nda kpeku oo kpeku le-a ɲɛm mun yoo,

Esai 59:18

O mingulnin vana-vana mɛɛ o tosa dɛnndan yɛ. O mingulnin vanaa simul ndu-a kɔltuwvo, mò yɔngu yaamɔaa ndɔa ɲɛ nda bɛnda le sɔlaa-o. O salanin lɛŋii co o mɛnndan kɔngɔ-e mɛɛ dɛnnda ndalan la yɔŋnun yɛ.

Yeremi 25:31

Vana lo lɛŋnde mɛɛlu mà tuei ndu diom. Mɛlɛka co kɔɔsɔɔ nda vanaa-mangalaa-isɔɔa. O veelu vanndacieea kpow o cɛi ndɔ kɔɔsɔɔ nin, o tosanin mì vanaa vɔɔnda kpede a vi o mɔɛi cɔwve bɛngu.› Sɔɛi fula Mɛlɛka o sondo-e co ken ni.»

Osee 2:13

I tɛɛmbuunin kɔlkɛndɛ ndɔɔ, mì kuuna kafola ndɔlan, kɔlkɛndɛ ndɔ paangun sɛnɛiyo, kafola ndɔla paale pɛngiaalan a cuungiannda ndɔla kɔlkɛndɛlan kpow.

Osee 4:1

«Niaa Israɛlla sei! La yaŋ nilan o sɔɛi Mɛlɛka-e he. Mɛlɛka co kɔɔsɔɔ a vanaa co o lɛŋnden nden nin-nda. Kani vannda co lɛ lo o lediom coo le. Vanakɛndɛyɛi co lɛ le, vana co lɛ Hala sina maa Hala o lɛŋnden nden nin te.

Osee 4:9

Kɛ mɛɛ ya tosanin a vanaa tɔ̀a yɛ, lende koni ya tosanin a vanaa-solia-lasálàá ni. I tosanin mì dɛnnda ndalan la mingulun nda pila.

Osee 7:1

«telen yáà yeema le Israɛlla singio-o, mí kɔlvesɛi cuavaa-imamaa Efraim-nda a dɛnɛ vɔɔn Samaria fula ceen kpendekele. Kani o còòlan nin nda co kelaa ni. Vuiya co luɛyɔɔ cɛilan nin, vanaa del vannda coo-a tiw o nɛilan kpow coo.

Osee 7:11

Maa poonpoon diɔm nɔ kɔl too cuavaa-imamaa Efraim-nda co ni. A co Esiptea veeloo le nda malaa, a co kɔlan Asiri.

Osee 7:2

Nduyɛ, a co yiyanndo maa i co loonɔn a kɔlvesɛi ndaa kpede le. Sisa, dɛnnda nda co tosaa lan la balu nda nɛɛ-nɛɛ ka, i co dɛnnda ndala lan cɔu.

Osee 8:10

À co bɛɛ vanaa-mangalaa-isɔɔa ɲɔɔn keo nuaa, telenndo tiiya le mì cuungiaa nda. O lo ɲɛ-pɔmbɔ mà luɛi o sangaa nin, o kpòndò masa kpaaya bɛndoo bɛngu.

Osee 8:13

O co fúú le nda kaola ya sálàlan solullo le, kani nda pila co visin mun dioo ni. Kɛ ya Mɛlɛka, sálàla lan la bii kɔl te. I pɔɛ́ɛ́nùn yɔŋnda ndala vɔɔnndan te, i soaŋnin nda le hakila ndalan. Haa, fɔ mà muungu Esipte!

Osee 8:9

Kani Asiri nda kɔɛnnun ni. Sofɛlɛ yondo connun o ba ndɔɔ coo, kɛ polale Efraim-nden, bɔnɔɔ nda luɛi le sámáá sɔlaa ni.

Osee 9:15

«Laasian ndaa kpow co cɔmnɔnndo Kilkal, lon dɛnɛ ndaa kuisin ya o kɔl ni. I solinin nda o ya lo cɛinin le dɛnnda ndala kɔlvesɛilan. I kaola lɛnin nda le, kani simlacia ndaa kpow vanaa nila kalua nda co ni.

Osee 9:9

La luɛi bɔɔ o laasianndo mɛɛ ɲɔɔ va tosanndo lɔ́ɔ́ kon Kibea yɛ. Mɛlɛka co dɛnnda niaala vɔɔnndan loonɔnndo, mò tuisi nda sangaa coo le hakila ndalan.»

Amɔs 2:4

Nuaa Mɛlɛka soo ni aa: «Le yɔŋnda vɔɔnnda yàála vannda Yuda tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a pɛɛsa tɔŋ Mɛlɛka-o, má kɛɛ le silala ndɔlan biyɔɔ. À laasian o piɔmaa lacòòvaa sooloo nin, piɔmaa fuɲaa ndaa bɛɛ a sooluu sindɛ-a pɛɛn.

Misee 6:2

Pembon sei, la yaŋ nilan o yamɛi Mɛlɛka-e! Niaa fondala lɛŋnden le kɛsi tumndo coo lan sei, yamɛi hin kiolu Mɛlɛka nda yungu ndɔɔ tɛɛn! Mɛlɛka luɛi kɔɔsɔɔ a Israɛlla.

Matie 16:27

Kani Po vanacieo co hunɔ̀ɔ̀ o biilu Fuɲa ndɔ-o nin a mɛlɛkaa ndɔa, o kon o dɔawnin vana-vana vɔ́ngɔ̀ mɛɛ dɛnnda ndɔlan la co yɛ.

Rɔmnda 2:6

O salanin vana-vana mɛɛ dɛnnda ndɔlan la co yɛ.

Kalatea 6:7

La lúɛì o lapɔw nin te: vana mem Hala le. Ɲɛ vanacieo saŋ-ndo, ndu koni o koaw vɛlɛ ni.