Osee 12:13 - BII BILA

¹³ Mí Yakɔb ndóò ɲaanun lɔ́ɔ́ kon, mí ndóò kɔannun Aram, mí Israɛl tosa baalaa le lanɔɔ sɔlaa, mó manda cɔlua le lanɔɔ sɔlaa.

Osee 12:13 Iomraidhean Croise

O Kandɔɔ 28:2

Bɛɛndian mà kɔɛ Padan-Aram o Betuɛl fuɲa nɔm mama lo, fuɲaa kala nɔm pɛɛn, ma kɔ yil cua Laban bom nɔm-ndo o pilɛ o nɔ̀u.

O Kandɔɔ 29:20

Mí Yakɔb tosa vallo vɔsilan laŋɔmmɛw le Rasɛl kɛsio o nɔ̀u ndu o ba. Kɛ mó ca vɔsila ŋɔmmɛwla lan maa palɛi bingi, kani ndóò kaola bɔɔ Rasɛl.

Condii lisai 77:20

A buli nɛiyo le nɔm pila o mɛmma ihɛllan tɛɛn, má soli pemalen o mɛmma bɛndu-bɛnduan nin, kɛ vana-vana seelun foofola nɔmndan te.

Fulaa 13:3

Mí Moise dimul Israɛlla aa: «La loonun a paalen nden o kɔɔ, la va o cɛlen nin o lɛŋnde Esipte len nin, mí Mɛlɛka soli niaa lon a ba ndɔ kpaayaa. Lelan, la va pɛ kafo kon tosaa, la dia bulu toosian a lɛvɛnndo-o le.

Fulaa 14:19

Mí mɛlɛkanɔ Hala va kɔlan o dɔ́ɔ́ngɔ́ Israɛlla laci-o faŋan laci, mó muungu kɔlan o dɔ́ɔ́ngɔ́ɔ̀ a makɔɔ. Mí tindile ikumnden bɛɛ le faŋan nda laci, mí le muungu nda a makɔɔ.

Osee 11:1

«Tuma Israɛl va maa poombɔ pɔmbɔ-o, mí kaola ndu, mí veelu ndu, ndu po nuu, le faŋanndo Esipte.

Osee 2:15

I co ndu sangaa tuisi coo le palɛi o tɛɛmbuu o Baalla sálàlan solullo a o nda ansan lumndo nin-nde. O palɛi ken nin, o va kelan suun ndɔn a yɔlɔn ndɔn labolon vownɔnndo, mó va kɔlan o sámáá ndɔa lo, ya ya mó pɔɛɛnun ya. Ya Mɛlɛka soo nuaa ni.

Misee 6:4

Kani ya soli niaa o cɛlen nin o lɛŋnde Esipte len nin ni, mí heelu a niaa, Ya vim niaa Moise, Aarɔn a Miriam, le niaa simndan laci ni.

Kundalan 12:8

Kpendekele ya soaa o ndu lo ni, vakpa o ca ya ni. I suu o ndu lo o levundu nin te. Le yɛɛ nɛ mí la vesa hɔlla mí la soaa sɔɔn pɔmbɔn a vana ni baalaa Moise?»

Tɔŋ miingua 26:5

O kon kɔɔli, vana kon cua niko sɔɛi, o dimi Mɛlɛka Hala ndɔɔ o hɔl aa: ‹Aramiinɔ va kelaa-o fuɲa ni mamaa va ni, mí ndóò tuusu sindɛ Esipte a vanndacieea kɔɔli ɲɛ-pɔmbɔ, mó kɔ cal o sumialle lon a nda. Mí vanaa kan kɔ kui lon taw, má sɔla kpaayaa.

1Samiɛl 12:8

Lɔ́ɔ́ Yakɔb kɔɛ Esipte-o, mí fuɲaa niaa mamaa koŋul Mɛlɛka o lani le nda baŋaa. Mí Mɛlɛka vim nda Moise nda Aarɔn le nda solio Esipte, má hun cal o lɛŋnden nden nin.