Osee 11:6 - BII BILA

⁶ Cɔwvo luɛinin o kobila ndalan nin, mì mɔɛi cɔwve kilikili ɲɛm co nda kandaa-on. Cɔwvo mialnin nda kpow. Kon tosannin le pɛl nda pila tɛnda-o.

Osee 11:6 Iomraidhean Croise

Condii lisai 106:39

Mí nda pila nɔɔlian a dɛnnda nda va lan tosaa lan, má luɛi suunda-bilaa-n'piɔmndo.

Condii lisai 106:43

Telennda bɔɔ-bɔɔ, Mɛlɛka va nda baŋaa, kɛ, a va nilan kindio o tuula ndalan nin, ma va hiovɔɔ laci a dɛnnda hakilan tosaa.

Esai 18:5

Telen pá tuma kiandaa n'rɛsɛnndo tiiya, te rɛsɛnndon cuu pɛ yandɔɔ, mí yandɔɔ kon siŋnun rɛsɛŋun kullon, mí n diw, o kon vannda kili lɛvun rɛsɛn tum kon a lɛɛndo. A kili pɛ lende, a faaŋiaa lɛvun kum mun toon o tumndo.

Esai 27:10

Kani kobi mayoomoo lonin fondo fúú, o siŋnunnin fonda vannda piow-vo, o siŋnunnin fonda malnun-ndo maa lɛŋnde veselɛilen. Navaa téndéa vanin billo dioo lon, a vanin hinilan pɛngio lon ma va lɛwvon sɔmndo.

Esai 30:1

Mɛlɛka dimi aa: «Dɛnɛ palaa co le cuavaa nila kalua! A co sɔɔn kiolɔɔ o kɔlta ndalan nin, a co ya ɲuna le, a co kpemalan yiiyo, o co o hɛnan ni nin te, kon kpow le hakilan cɔɔloo diŋaa o hakilan coo!

Esai 9:14

Kasoŋaa kɔlkalua a vanaa bɛndua, nda co bollen ni. Vana-tɛɛngaa-diom Hala co vannda còòlan pɛɛkoo-o, ndu co puilen ni.

Yeremi 5:17

Vanaa kan tɛɛmbuunin calta niaalan a ɲɛdiaa niaa. A diwnin poaa a cuavaa laandua niaa, a diwnin cɔlua niaa pɔmbɔa a á bɛndua. A tɛɛmbuunin nakɔla n'rɛsɛnnda niaalan a la n'voosulan. A pesinin kobila mayoomula niaala niaa tiindan ndan a cɔwvo.

Yeremi 50:35

Sɔɛi fula Mɛlɛka o sondo-e co hee ni aa: «Mɔɛi cɔwve, kuel Babilɔnnda. A kuel vanaa co o kobio Babilɔn nin-nda, má kuel vɛlɛ simlacia ndɔa a vanaa ndɔa dɛnɛ sinaa!

Cɛɛŋɔnnda Yeremi lan 2:9

Mí koŋnda kobi kalaa la deli, mí la luɛi lɛŋ. Mí Mɛlɛka tɛɛmbuu sɔkɔma ndan. Masa ndɔɔ a simlacia ndɔa kpow a co a biyaa vanaa-mangalaa-isɔɔa o ba. Vana-vana co lɛ le vannda tɔŋndo pɛɛkoo le. Hali vanaa-tɛɛngaa-diom Hala-a, a co lɛ levundu cɔ fulaa Mɛlɛka o ba le.

Osee 10:14

Lelan, vɔkɔ-vɔkɔ bɛndu-bɛndoo tosannin vanaa niaa tɛɛn, mì kobila mayoomula niaalan kpow la piɔsipiɔsi mɛɛ Salman pesi Bɛt-Arbɛl o paale cɔwlen coo yɛ. Paale len, mó vɔɔciaa kalaa a cuavaa ndɔa latulu.

Osee 10:6

Kani vannda cuanin ndu mà kɔɛnnun a ndu Asiri, mà kɔ ke masa bɛndoo ndu. Siɛmbulan la biinin polale Efraim-nden, mì Israɛlla kel suei le tuula ndala lan.

Osee 4:16

Israɛlla luɛi seesiɛi mɛɛ naw téndóó kɛɛ le kɔlan nuaa yɛ. Lelan Mɛlɛka tiwba mo bii nda biyɔɔ kɛndɔɔ mɛɛ vana yaa saa téndéa diólan o bil kɛndɛ-kɛndɔɔ nin yɛ le.

Osee 4:17

Polale Efraim-nden le del piɔmnda kɔɔli. La mal nda lon!

Tɔŋ lasálàá 26:25

I tuisinin cɔwvo niaa coo, le niaa màá mingullo le kpema ni niaa tɛɛmbuu-o. Tuma niaa kɔ viannunnin o kobila niaalan nin-ndo, i saŋnin nàà n'kɔnyaa niaa tɛɛn, o kon la delnin yaamɔaa niaa o ba.

Tɔŋ lasálàá 26:31

I siinguunin kobila niaalan bémbélan, mì siinguu sooluula niaalan pɔmndan. Sálàla niaala cun kɛndɛlan la hɛnan ndɛnin ya cun te.

Tɔŋ lasálàá 26:33

I saŋnin niaa vanaa-mangalaa-isɔɔa tɛɛn, lɛŋnde niaalen le lonin fondo, mì kobila niaalan la siŋnun pɔmndan.

Amɔs 6:8

«Maalii, o co Mɛlɛka-o mɛnan a ndu pila, ɲɛ Mɛlɛka, Hala-Nɔ-Kpaayaa-Kpow-vo dimi-o co hoo ni aa: ‹Yonga cuavaa Yakɔb-a tɛɛmbuu ya kɔllo, i yeema lɛ cɛila ndala lemasalan te. Lelan, i co hunɔɔ kobio Samari a ɲɛm co lenin-ndon malɔɔ yaamɔɔa o ba.

Misee 5:11

mì cii dɛnnda lamandela niaalan. Vana viamaa yavaa o pilɛ bɛɛ ve lɛnin o niaalo le.

Tɔŋ miingua 28:52

A tiilanin kobila niaalan, mà lo lon háá ma koombiaa kpakila bɛndula niaa va tiindanndo lan o lɛŋnde niaalen kpow nin. Lende nda tiilanin kobilan kpow o lɛŋnde Mɛlɛka Hala niaa yɔngu niaa len nin ni.

Tɔŋ miingua 32:25

Cɔwvo diwnin cuavaa ndaa o kpakio kɔɔli, nda pila vanin icali a siòònde o kpakio nin. Kandɔɔ a poombɔ piaandoo, kɔ bii a cuaambɔ laandoo, keiyo a cɛlɛkpɛ co vɔɛiyo-o, kɔlan tiiyaa a vana yuuvɛi yulunnde co o lebol-lo, sanga pilɔɔ kpé vanin nda coo ni.›