Osee 11:2 - BII BILA

² Kɛ mɛɛ ya va Israɛlla veeloo faw, lende nda va kɔnndan ya levil. A va Baal sálàlan solullo, a va ansan lomɔɔ le halaa fondoa.

Osee 11:2 Iomraidhean Croise

1Masaa 12:33

O paale tɔ́ a leŋuɛɛnundɔlen coo, o paangii ŋɔmaandɔɛi nin, mí Yeroboam tosa kafoo Betɛl le Israɛlla. Kani lɔ́ɔ́ ndu pila ndóò yem le kafo kon-ndo va kon ni. Kafoo tiiyaa, mí ndu pila soli sálàlan o fonda-loamaa-lasálà ndóò cɔw le ansan lomɔɔ-o coo.

1Masaa 18:19

Viom-ndɔ hau vannda, mà kɔ veelu Israɛlla kpow, mà hun cuungian ya ikɛi o peembei Karmɛl coo nanu, mà veelu vɛlɛ vanaa-tɛɛngaa-diom Baal-la n'van kɛmɛ lehiɔɔlu a beleŋuɛɛnu, a co sɔɔn Baal-lon tɛɛnguuo-a, a n'van kɛmɛ lehiɔɔlua co vanaa-tɛɛngaa-diom piɔmndo Asera-a, a dia ɲɛdiaa latulu nda Yesabɛl-aa-a kpow.»

Nehemi 9:30

A manda nda o vɔsilan taw bɛngu, mí vanaa-tɛɛngaa-diom Hala-a nɔmnda, à kɔl nɔmndo va nin-nda, va nda sɔɔn nɔmndon tɛɛngullo, kɛ a yeŋnun te. O kon nɔm bɛɛ mal nda vanaa súúla celen o ba.

Esai 65:7

dɛnɛ biondɔnnda ndalan pɛɛn. Lende Mɛlɛka dimi ni. I tofanin vɛlɛ dɛnɛ biondɔnnda fuɲaa niaa lenin, fuɲa niaa lom lasikɔlɔ ansan o pembei coo-a, a tɛɛmbuu ya bɛ̀ɛ̀lan o pembun pɔmbɔn coo-a. I tuunin sala ndaa kpafii mɛɛ dɛnnda ndalan la yɔŋnun paandu yɛ.

Yeremi 18:15

Kɛ nduyɛ vanaa nia pɔɛɛnun ya, má muungu piɔmaa co n'hala le-a sálàlan solullo, má va faŋanndo o nɛi nda paandoo coo, le sɔɔndianndo nɛɛ nɛi co le-a.

Yeremi 35:13

«Soo niko o vannda Yuda a o haa Yerusalɛm-ndo, mà dimul nda aa: Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: Vɛ̀ɛ̀ la nɔla sila nuu cɛlɔɔ mì la bii sɔɛi nii le?» Sɔɛi fula Mɛlɛka o sondo-e co ken ni.

Yeremi 44:5

kɛ la yeŋnun te, la luei yii le, la mangala kela vɔɔn niaa va-o le, la mel halaa celennda sálàlan solullo le.

Osee 11:7

Vanaa nia yeema le lo o lediom coo a ya Mɛlɛka le. A co nda veeloo fulaa coocoo, kɛ vana pilɛ bɛɛ co cɔnɔn te.

Osee 2:13

I tɛɛmbuunin kɔlkɛndɛ ndɔɔ, mì kuuna kafola ndɔlan, kɔlkɛndɛ ndɔ paangun sɛnɛiyo, kafola ndɔla paale pɛngiaalan a cuungiannda ndɔla kɔlkɛndɛlan kpow.

Osee 4:13

A co sálàlan solio o pembon tullo, a co ansan lomɔɔ o pembun pɔmbɔn coo, o yálánnde bɛngu, o yɔmii pepliee a o yɔmii terebɛntii puiyɛi bɛngu, ì vunduma ndɔan ma naŋ taw-ve. Le kɔlɔ kon cuavaa ndaa laandua co suundaa ni, mì laandaa poaa ndaa bɛɛ a va suundaa.

Osee 4:17

Polale Efraim-nden le del piɔmnda kɔɔli. La mal nda lon!

Sakari 1:4

La vial fuɲaa niaa mamaa a káà, mì la tosa maa nda le. Kani nda nda, vanaa-tɛɛngaa-diom Hala-a va sindɛ yondaa nda o lani, má va nda dimullo aa Mɛlɛka-Nɔ-Kpaayaa-Kpow-vo dimi aa: La mal kelala niaala vɔɔnndan a dɛnnda niaala vɔɔnndan. Kɛ a yeŋ nilan te, a bii sɔɛi ken te. Sɔɛi fula Mɛlɛka o sondo-e co hee ni.

Sakari 7:11

Kɛ, má kɛɛ le sɔɔn mún biyɔɔ, má tosa nila kalulan, má baŋulu nila ndalan yɔŋii ndáà tuei sɔɔn kalan.

Luke 13:34

Mí Yeesu dimi aa: «Kpòkóó Yerusalɛm! Yerusalɛm, nɔm diw hoo vanaa-tɛɛngaa-diom Hala-a, má vii vanaa nda vim nɔm-nda a powtan-ndo! I kindin o nɛi oo nɛi coo le cuavaa nɔmnda mɔɔsiaa mɛɛ sɔɔ komsaa mɔɔsiaa cuavaa ndɔa o kumbanndan bɛngu nuaa yɛ, kɛ à cɛl te.

Nsaŋ 3:19

Yamɛi ken co yɛ hee ni: Ɲɛ-tengaa hin o ceendo coo, mí vanndacieea kaola ɲumndan hiovɔɔ ɲɛ-tengaa coo, kani dɛnnda ndalan la niŋ te.

Dɛnnda kiilaa 7:51

Mí Etiɛn hiaw laci a sɔɛi, mó dimul nda aa: ‹Niaa vanaa bolii kalaa ha, niaa dii haa toma o kɔlta niaalan nin te-a, la kendu bɔɔ nilan! Fuɲaa niaa niaa vel ni. La co Hala Kɔl-Diandaa simullo lɔ́ɔ́-lɔ́ɔ̀!

Masaa kialaa n'yamaa 10:6

Mí Israɛlla tosa vɛlɛ ɲɛ hɛnan Mɛlɛka loo. Má sooluu Baalla a Astarteea, piɔmaa Aramiia, piɔmaa Sidɔnnda, piɔmaa Moabua, piɔmaa Amɔnnda a piɔmaa Filistia. Má mulul Mɛlɛka kɔɔ, a ve lɛ ndu biilu le few.

Masaa kialaa n'yamaa 2:13

Má mulul Mɛlɛka kɔɔ, má va Baal a Astartee sooloo.

Masaa kialaa n'yamaa 3:7

Mí Israɛlla tosa ɲɛ hɛnan Mɛlɛka Hala ndaa loo, má pɔɛɛnun ndu, ma mulin Baal a Asera sooloo.