Osee 11:11 - BII BILA

¹¹ A cannin Esipte mà hin a ɲiiyaa maa n'yow. A cannin o lɛŋnde Asiri len nin mà hin a kiltan maa n'poonpoon. O kon, i kɛsinin nda mà cal o cɛila ndalan nin. Ya Mɛlɛka soo lende ni.»

Osee 11:11 Iomraidhean Croise

Esai 11:11

O palɛi ken nin, Maalii siɛndinin vɛlɛ ba ndɔɔ o diinndɔɔ le vanaa ndɔa tɔ̀a lonin-nda baŋaa, a co a saŋnannda Asiri, Esipte, Patrɔs, Etiopii, Elam, Sinear, Hamat a o tiŋnda co o mɛmma ihɛllan tɛɛn-ndan nin-nda.

Esai 60:8

Nɛ̀ɛ̀aa co yɛ kelaa coocoo maa yumbuyumbu? Nɛ̀ɛ̀aa co yɛ hiŋnɔnndo coocoo maa poonpooŋaa co kɔlan o fonda nda lɔlaa-a?

Yeremi 31:12

A hunnin a yoondiaala kɔlkɛndɛlan o pembei Siɔn coo, a vanin ifili-filiei o ɲɛm Mɛlɛka yɔngu nda-on coo: maalon, mɔima yɛngian, cuɛima sɛnɛiyan, saa, cuinnda a nawva. A vanin maa nakɔ co o pɔɔliaa ɲɛkɛndɛi-yo, dɛnɛ palaa ve lɛnin nda kɔɔli le.

Esekiɛl 34:27

Yɔmii co yondoo nin-nde koamnin, lɛŋnden le lueinin ɲɛm vaanun lecoo-on kúlú taw. (Vanaa nia) vanin nila ɲulu o lɛŋnde ndalen nin. Nduyɛ, lɔ́ɔ́ ya yiminin kpòndò nda co bɛngu-o, mí baŋa nda vanaa nda co o ba o cɛlen nin-nda o ba-o, a sinanin maa ya co Mɛlɛka ni.

Esekiɛl 34:28

A ve lɛnin pungapungaa vanaa-mangalaa-isɔɔa tɛɛn te. Visia (biyaa) co o lɛŋnde ndalen nin-nda som ndɛnin nda le, a vanin icali nila ɲulu, vana-vana vueinun ndɛnin nda le.

Esekiɛl 37:21

Mà dimul nda aa nuaa Maalii Hala dimi ni aa: «La tofa vɔ ya! I co cuavaa Israɛlla cua vanaa-mangalaa-isɔɔa nda kɔɛ tɛɛn-nda tɛɛn, mì soli nda ba-ba fee, mì mɔɔsiaa nda, mì mingi nda o lɛŋnde ndalen nin.

Esekiɛl 37:25

A calnin o lɛŋnde ya yɔngu sindɛ Yakɔb vana baala nuu len nin, lɛŋnde fuɲaa ndaa va icali nin-nden pɛɛn. Kandɔɔ a nda pila, cuavaa ndaa a cuavaa ndaa mamaa, a vanin icali o lɛŋnde len nin le fɛɛn a fɛɛn, nduyɛ David vana baala nuu vanin simlacinɔ ndaa le lɔ́ɔ́-lɔ́ɔ̀ ni.

Osee 3:5

O kon kɔɔli, a muungunin mà nuwviaa Mɛlɛka, o co Hala ndaa-o, mà nuwviaa vɛlɛ David masa ndaa. A sɔɔnguunin Mɛlɛka a dɛnɛ ndɔ kɛndɔɔ ikɛi a ɲiiyaa.»

Osee 7:11

Maa poonpoon diɔm nɔ kɔl too cuavaa-imamaa Efraim-nda co ni. A co Esiptea veeloo le nda malaa, a co kɔlan Asiri.

Abdia 1:17

O kon vanaa tɔ̀a lonin-nda cuungiaanin o pembei Siɔn coo, fonda muungunin kon vɛlɛ o diandaa le ya-o pɛɛn. Polale Yakɔb len le minginnin vɛlɛ yondala ndalan o ba, yonda vannda ndaa hɛlu nda o ba lan pɛɛn.

Sakari 10:10

I faŋanin nda Esipte, mì mingi nda nanu. I faŋanin nda Asiri, mì cuungiaa nda nanu, i lueinin nda o tàndá Kalaad-o nin a o lɛŋnde Liban-nden nin. Kɛ hali kon, fonda kon tiwnin nda le.

Sakari 8:7

Nuaa ya Mɛlɛka-Nɔ-Kpaayaa-Kpow-vo dimi vɛlɛ ni aa: La tofa vɔ, i co vanaa nia baŋa, mì soli nda o lɛŋnde co a ba paalen le can-ndo len nin, mì soli vɛlɛ nda o lɛŋnde co a ba paalen le del-lo len nin.

Sakari 8:8

I co nda faŋa lon mì mingi nda nanu, mà hun cal Yerusalɛm ciee. A vanin vanaa nia, mì ya i va Hala ndaa o toɲaa a o sandei nin.