Osee 11:10 - BII BILA

¹⁰ Vannda kɔanin Mɛlɛka kɔɔli. O vanin pɛɛliaa maa yàlà. O lonin pɛɛliaa kon mì poaa ndɔa cɛn a ba paalen le del-lo, mà hin a kiltan a á ɲiiyaa.

Osee 11:10 Iomraidhean Croise

SƐBƐ YƆB-O 37:1

«Lelan kɔllo co ya lɔɔ ni, mò va ɲiiyaa ya nin.

Condii lisai 119:120

Diallon co ya ɲiiyaa a siòòŋii n co ya lueiyo-e. Siòònde co ya a tɔŋnda nɔmndan.

Condii lisai 2:11

La tosal Mɛlɛka baalaa a siòònde, mì la tuisin ndu o labɛngunin.

Esai 11:11

O palɛi ken nin, Maalii siɛndinin vɛlɛ ba ndɔɔ o diinndɔɔ le vanaa ndɔa tɔ̀a lonin-nda baŋaa, a co a saŋnannda Asiri, Esipte, Patrɔs, Etiopii, Elam, Sinear, Hamat a o tiŋnda co o mɛmma ihɛllan tɛɛn-ndan nin-nda.

Esai 2:5

Niaa cuavaa Yakɔb-a, la hun mì n kɔɛnnun o ɲɛ-tengaa Mɛlɛka-o nin!

Esai 31:4

Kani nuaa Mɛlɛka dimul-la ni aa: «Te yàlà piaandoo te kon te yàlà téndóó bii pɛ ɲɔɔ, hali vanaa mandaa n'cɔlua kpow cuungian bɛɛ le ndu ɲɛ kon hiɔlɔɔ o ba, siòòŋii bii ndu a vɔkɔ-vɔkɔ ndaa le, kɔl hiilun ndu a sɛ́lɛ́ nda bɛndoo le, kɛ pɛɛliaa o pɛɛliaa ni le kungulanndo o ɲɛ kon coo. Lende koni Mɛlɛka-Nɔ-Kpaayaa-Kpow-vo toalnin le cɔwvo tosaa o pembei Siɔn coo ni, pembii ndɔɛi pɛɛn.

Esai 42:13

Mɛlɛka co fulaa maa kuubanɔ cɔw, o co diallon fulaa maa vana cɔw, o co deŋio kpélén, o co sɔɛi coo a kɔltuwvo, o cɔm yoomuma ndɔan yaamɔaa ndɔa coo.

Esai 49:10

Yima venin nda coo le, bolola vesanin nda le, yelenyelenndo a paalen le saangiaanin nda le, kani vana nɔ ɲíí ndɛi-yo simnin nda laci, o kɔanin a nda o peela leboltan.

Esai 64:2

Tuma n tosa dɛnnda vueinannda naa n ve kɔl te lan-ndo, má toal, mí pembon hiilun nɔm laci.

Esai 66:2

Ɲɛm mun kpow, ba nuu cɔw mun ni, o kon n mun kpow n va mɛɛ n co yɛ, ya Mɛlɛka co sɔɛi nuaa ni. Tofa vɔ, vana ya landunin hɔlla coo-o, ndu co vana ikɔɔ co o mɔnɛi nin-ndo ni, o co ɲiiyaa a siòònde a sɔɛi nii-o.

Esai 66:5

Niaa co sɔɛi Mɛlɛka-e biyɔɔ a bɛɛlen-nda, la yaŋ nilan o diom Mɛlɛka-o. La tuei-yɔ mɛɛ puapilɛa niaa nɔ nɛyɔn niaa, mà va niaa kɛɔ le diola nilan-nda dimi yɛ aa: ‹Mbɔ̀ Mɛlɛka cɔm-ndɔ biilu ndɔɔ mì naa n ce vɔ kɔl niaa kɛndɔɔ!› Kɛ nda siɛmbulan la biinin ni mɔ́ɔ̀yɔ̀ɔ̀.

Yeremi 2:2

«Kɔ, mà kɔ yonda Yerusalɛmnda o lani, mà dimul nda maa o Mɛlɛka dimi-o co hoo ni aa: ‹I loonun a mɛɛ nɔm óò lo o lediom coo lɔ́ɔ́ n va felengi-o yɛ, mɛɛ nɔm óò kaola ya lɔ́ɔ́ naa n va o nɔ̀u nin-ndo yɛ. A va ya kɔlan kɔɔli o lɛŋnde veselɛilen nin, o lɛŋnde niŋ tɔlɔɔ le len nin.

Yeremi 25:30

Mí Mɛlɛka dimul-la vɛlɛ aa: «Nɔm Yeremi yɛ, tɛɛngul nda sɔɔn mun kpow, mà dimul nda aa: ‹Mɛlɛka co a hiilɛi coocoo, o co diomndo solio o calta ndɔla diandaalan nin, o co a hiilɛi a vanaa ndɔa. O co deŋio maa vanaa pesi rɛsɛnndon le mɔiyan solio-a. O co piasiaa a vanaa co o lɛŋnden coo-a.

Yeremi 31:9

À co hunɔɔ a caŋndan, mì liilaa nda o tɛɛlɔnnda ndalan nin. I kɔanin a nda o peela pɔmbɔla mɛnndan ma co taw lan, mì kei a nda o nɛi co bɛɛn-bɛɛn o kɔlan-ndo, nɛɛ nda boŋnin mà del te-a. Kani fuɲaa ya co le Israɛl ni, Efraim co po ni tasoo ni.»

Yeremi 33:9

O kon ɲɔɔ hɛnannin ya le diola Yerusalɛm-ndan veeloo, biiloo a bɛɛlen le vanin le ya vanaa-mangalaa-isɔaa co o lɛŋnden coo kpow-va tɛɛn. Telen nda tuɛinin dɛnɛ kɛndɛ ya tosalnin nda-o-o, siòònde a misimisio biinin nda le naŋɔɔ a le dɛnɛ kɛndɛ ya tosalnin nda kon kpow-vo.»

Yeremi 5:22

Mí Mɛlɛka ɲuna aa: ‹Mɛɛ la nɔ siòòŋii ni le? Mɛɛ la nɔla ɲiiyaa ya o hɔl te? Ya kɛsul mɛmma ihɛllan pɛɛngulan a sióónndon ni, pɛɛngula fɛɛn-fɛɛnnda ma nɔla hiovɔɔ le lan pɛɛn. Mɛ̀ɛ́-mɛ̀ɛ́ ma va biiŋɔnndo, ma nɔ kpaaya má hiaw lan te, mɛ̀ɛ́-mɛ̀ɛ́ ma kuuliaa, ma hiw pɛɛngula lan te.

Yeremi 50:4

Sɔɛi fula Mɛlɛka o sondo-e co hee ni aa: «O telen kon, Israɛlla a Yudaa cannin latulu, mà hin ya nuwviaa a caŋndan, ya Mɛlɛka Hala ndaa pɛɛn.

Yeremi 7:6

te la saangiaa miallo le, mì la saangiaa vííyo a vanalanɔ pɔnɔ ndɔ vi-o le, te la dii vana tɛɛmbuu isɔɔ loo le, te la mulin halaa celen kɔɔli le niaa pila dɛnɛ palaa tuisinndo coo le,

Yeremi 7:9

La co vuilen, vannda diwvo, suundaa, la co mɛɛniannda fondolan, la co Baal sálàlan solullo, la co kɔlan halaa celen kɔɔli, a niaa sina le-a!

Esekiɛl 26:16

Simlacia co o mɛmma ihɛllan tɛɛn-nda toalnin o kpɛŋɛla ndala lemasalan coo, a solinin domala ndala lecoolan, mà yungan mà hulu volɔɔla ndala sɔɔlaalan. A yɔŋnunnin yulan-yulan a siòònde, mà cal lɛŋ vɔyɔn. A vanin vooloo a siòònde telen oo telen mì mɔnɛi va nda biyɔɔ le nɔm.

Osee 3:5

O kon kɔɔli, a muungunin mà nuwviaa Mɛlɛka, o co Hala ndaa-o, mà nuwviaa vɛlɛ David masa ndaa. A sɔɔnguunin Mɛlɛka a dɛnɛ ndɔ kɛndɔɔ ikɛi a ɲiiyaa.»

Amɔs 1:2

Mi Amɔs dimi aa: «Mɛlɛka co kuuliaa Siɔn. O co yoondiaa Yerusalɛm a labɛɛla kpeekpei! Bil puiyaa vanaa mandaa n'cɔlua vesan, yondo puiyaa vesan o pembei Karmɛl tullo!»

Amɔs 3:4

Vɛ̀ɛ̀ yàlàá nɔla pá mo pɛɛliaa o bundɔɔ nin te o ci ɲɛ o co mɛngɛlaa-o le? Vɛ̀ɛ̀ yàlà téndóó nɔla pá mo kuuliaa o bɛ̀mɛ́lta ndɔlan nin te o bii ɲɛ le?

Amɔs 3:8

Yàlàá co pɛɛliaa, nɛ̀ɛ́-nɛ̀ kɛɛ yɛnin siòònde yɔŋ? Maalii Hala co sɔɛi, nɛ̀ɛ́-nɛ̀ kɛɛ yɛnin sɔɛi Hala-e tɛɛnguu?›

Misee 4:5

Telen vannda súúlan kpow co kelaa le hɛnan halaa ndaa tosaa-o, naa bɛɛ n kelan le hɛnan Mɛlɛka, o co Hala naa-o-o tosaa le fɛɛn a fɛɛn.

Habakuk 3:16

Ya, i tuei vooko-vooko kon mí yɔŋnun yoloma-yoloma. Cɔcɔn ɲiiya ya kpà-kpà, mí paalan la sia ya o n'dial, I co ɲiiyaa tuŋ, i co nɔla kpeŋanndo le. I co cumndo háá mì ce paale dɛnɛ palaalen, paale naa n kɔ delnin vanaa co naa delɔɔ coo-a coo len.

Sakari 10:10

I faŋanin nda Esipte, mì mingi nda nanu. I faŋanin nda Asiri, mì cuungiaa nda nanu, i lueinin nda o tàndá Kalaad-o nin a o lɛŋnde Liban-nden nin. Kɛ hali kon, fonda kon tiwnin nda le.

Sakari 10:12

I lueinin Israɛlla yoomuma fula ya Mɛlɛka o ba-an, a vanin kelaa o diola ya Mɛlɛka lan bɛngu. Ya Mɛlɛka dimi lende ni.»

Sakari 8:7

Nuaa ya Mɛlɛka-Nɔ-Kpaayaa-Kpow-vo dimi vɛlɛ ni aa: La tofa vɔ, i co vanaa nia baŋa, mì soli nda o lɛŋnde co a ba paalen le can-ndo len nin, mì soli vɛlɛ nda o lɛŋnde co a ba paalen le del-lo len nin.

Nsaŋ 8:12

Mí Yeesu soaa vɛlɛ o nda lo, mó dimul nda aa: «Ya co ɲɛ-tengaa ceendo ni, vana del-la kɔɔli pɛ, ndu kela o maɲum nin te, kɛ o sɔla ɲɛ-tengaa cindaa.»

Dɛnnda kiilaa 24:25

Kɛ telen Pol va sɔɛi a sandei o kɔɔ-o, a mɛɛ vana nɔla kɔl nɔmndo yɛ, mó va vɛlɛ sɔɛi a yamɛi co hunɔɔ kiolɔn-nde o kɔɔ-o, mí siòònde bii Felisi, mó dimul ndu aa: «O va pɔɔ nuaa! A tiwba mà kɔɛnnun pɔɔ. I koma sɔla pɛ fondaa, i co nɔm vɛlɛ veelu.»

Rɔmnda 8:1

Yaala co lɛ le vanaa co o Yeesu Krista nin-nda le.

2Piɛr 2:10

taama-taama, vanaa co yeemɛi dɛnɛ nɔɔlɛiye kiltan kɔɔli, a nɔ lebɛɛ a Mɛlɛka le-a. A hiwba nda pila laalanndo, a kendu sondolan, a nɔ isiòòn le mɛlɛkaa co o halataala-a yeowlan te.

Dɛnnda cɔɔmuanndan 10:3

Mó va yondaa coocoo kpélén maa mɛɛ yàlà va kuuliaa. Ndóò yondaa, mí taŋndan ma deŋi man ŋɔmmɛw.