Osee 11:1 - BII BILA

¹ «Tuma Israɛl va maa poombɔ pɔmbɔ-o, mí kaola ndu, mí veelu ndu, ndu po nuu, le faŋanndo Esipte.

Osee 11:1 Iomraidhean Croise

Condii lisai 129:1

Condii vannda keì solio nɛi-tɛɛn o kɔlan-nde. Kabi o felengiyɛi nii nin, vannda co ya dɛnnda vɔɔnndan tosallo taw. Israɛlla la mingi sondo aa:

Fulaa 19:4

‹Niaa pila ce mɛɛ ya tosa a Esiptea yɛ a mɛɛ ya cua niaa o kumbannda kovɛa coo mí hun a niaa o ya lo yɛ.

Fulaa 4:22

O kon, a dimul ndu aa: ‹Mɛlɛka dimi aa: po ni tasoo, ndu co Israɛl ni.

Fulaa 4:23

I dimul nɔm le ya ndu mello mò kɔ tosal-la baalaa, kɛ má kɛɛ le ndu malɔɔ. Lelan, i co tosa mì po nɔm tasoo sɔla piɔ́mndo.›»

Esai 43:4

Kani niaa, la kendu vɔngoo ya o hɔl, vanaa sɔvɛa niaa co ni, i kaola niaa taw. I co vanndacieea yoomaa yɔngu o fonda niaa, i co vanaa súúla celen yɔngoo le yoomu niaa baŋaa.

Yeremi 12:7

«I mal cɛi nuu, i faŋa balan o kɛ́ nuu. I mal vanaa yáà kaola haa taw-va yaamɔaa ndaa o ba.

Yeremi 2:2

«Kɔ, mà kɔ yonda Yerusalɛmnda o lani, mà dimul nda maa o Mɛlɛka dimi-o co hoo ni aa: ‹I loonun a mɛɛ nɔm óò lo o lediom coo lɔ́ɔ́ n va felengi-o yɛ, mɛɛ nɔm óò kaola ya lɔ́ɔ́ naa n va o nɔ̀u nin-ndo yɛ. A va ya kɔlan kɔɔli o lɛŋnde veselɛilen nin, o lɛŋnde niŋ tɔlɔɔ le len nin.

Esekiɛl 16:22

Telen n va dɛnnda nɔɔlɛila lan kpow tosaa-o, a yiyan a felengiyɛi nɔmnde o kɔɔ le. Má pɔɛɛnun telen n vannun tum fondo o kooma nɔmndan nin-ndo.

Esekiɛl 16:6

Mɛɛ ya kei nɔm ikɛi, mí komal nɔm lɔngɔlianndo o kooma nɔmndan nin. Mí dimul nɔm aa: ‹Va yoomu o kooma nɔmndan nin.› A toɲa, mí dimul nɔm aa: ‹Va yoomu o kooma nɔmndan nin›.

Osee 10:15

Lende ya tosanin a niaa co Betɛl-la ni le kɔlvesɛi niaa bɛndu-bɛndoo. A telen ɲɛ-tengaa paale siaa, Mɛɛlulan la vanin lan le masa Israɛlla ni.»

Osee 12:13

Mí Yakɔb ndóò ɲaanun lɔ́ɔ́ kon, mí ndóò kɔannun Aram, mí Israɛl tosa baalaa le lanɔɔ sɔlaa, mó manda cɔlua le lanɔɔ sɔlaa.

Osee 12:9

Mí niaa niaa dimi aa: ‹N siŋnun vanaa bolofaa, n sɔla ɲɛm kɛndɛn latɔ́ɔ́-tɔ́ɔ́-on taw. Bolofaa kon kpow, lalle naa n kelu le ndu sɔlaa ni. N tosa lakafa le, n tosa haki o ndu nuwviaa nin te.›

Osee 13:4

Ya yɛ, kabi kandɔɔ o lɛŋnde Esipte len nin, ya co Mɛlɛka Hala niaa ni. La sina Hala celen o ya kɔɔli le, vana ciindiaa celen co o ya kɔɔli le.

Osee 2:15

I co ndu sangaa tuisi coo le palɛi o tɛɛmbuu o Baalla sálàlan solullo a o nda ansan lumndo nin-nde. O palɛi ken nin, o va kelan suun ndɔn a yɔlɔn ndɔn labolon vownɔnndo, mó va kɔlan o sámáá ndɔa lo, ya ya mó pɔɛɛnun ya. Ya Mɛlɛka soo nuaa ni.

Malasi 1:2

Mɛlɛka dimul vanaa ndɔa aa: «I kaola niaa.» Kɛ mí la va ɲunaa aa: «Yɛɛ cɔm yɛ maa a kaola naa?» Mí Mɛlɛka muli aa: «Vɛ̀ɛ̀ o co Esau le co bɛndoo Yakɔb-o le?» Kɛ Yakɔb ya kaola ni,

Matie 2:15

Mó kɔ lo lon háá mí Herɔde vu. Ken tosan haliko mi o Mɛlɛka ndóò dimi a sondo vana-tɛɛngaa-diom Hala-o-o ndóò peelun aa: «Mí veelu po nuu, mó faŋan Esipte.»

Tɔŋ miingua 33:3

A toɲa, a kaola vannda, vanaa diandaa kpow a co o ba nɔmndo bɛngu. Nda kpow a co nɔm o labɛngunin, má va pɛɛkula nɔmndan tueyɔɔ.

Tɔŋ miingua 7:7

«Holnɔn Mɛlɛka holnun niaa mó hɛli niaa-o, o co nuaa maa niaa le hiow vaa sɛ́lɛ́ a vanaa-mangalaa-isɔɔa tɔ̀a le. A toɲa, niaa hiow dɔɔnanndo a vanaa tɔ̀a ni,