Osee 10:8 - BII BILA

⁸ Sooluulan Avɛn, nɛɛ Israɛlla va hakilan tosaa-a la tambunin kpow. Hɛinndon a siɛmbullon vulnin, o fondala-loamaa-lasálàla ndalan coo. A dimulnin pembon aa: «La kuumbun naa coo», mà dimul pembun pɔmbɔn aa: «La deli naa coo!».

Osee 10:8 Iomraidhean Croise

O Kandɔɔ 3:8

Mɛɛ nda tuei diom Mɛlɛka Hala-o balɔɔ o nakɔɔ nin o hoeyii fɛ́-fɛ́i paale delɛi nin, má kɔ vionnun ndu o yɔmnde nin.

1Masaa 13:2

Mí vana-tɛɛngaa-diom Hala kon yonda o fonda-loamaa-lasálàá coo mɛɛ Mɛlɛka dimul ndu le yondaa yɛ, mó dimi aa: «Fonda-loamaa-lasálàá! Fonda-loamaa-lasálàá! Nuaa Mɛlɛka dimi ni aa: ‹Hɔ́ɔ́ piaandoo pum vialunnin o yungu David-o nin, o nɔnin diolan aa Yosia. O solinin vanaa co sálàlan solio o máánndan coo-a sálà nɔm coo, a co haa cuɛima cun kɛndɛan lomɔɔ nɔm coo-a pɛɛn, vannda loamnin vɛlɛ paala vanndacieea nɔm coo.›»

1Masaa 13:34

Haki yungu Yeroboam-ndo tosa-o yɔŋnun kon nin. Ɛ̀ɛ̀ nduyɛ, le ken kpeekpei yungu kon cuu o ceendo coo ni.

1Masaa 14:16

Mɛlɛka mululnin Israɛlla kɔɔ le haki Yeroboam tosa-o a le malɔɔ o mal nda o hakio nin-ndo.»

2Masaa 23:15

Mí Yosia puusiaa vɛlɛ fonda-loamaa-lasálà va Betɛl-lo, tombii Yeroboam po Nebat-o ndóò tangul-le, Yeroboam kon pɛɛn, o ndóò luei Israɛlla balan o hakio nin-ndo. Mí Yosia loam tombii ken, mó komba fonda-loamaa-lasálà kon, mó loam vɛlɛ yɔm soolaa, mó mingi ɲɛm mun kpow cundoo.

2Dɛnnda lemasalan 31:1

Kafoo cuvɔɔ, mí Israɛlaa va lon-nda kpow a kɔa o kobila va o tàndá Yuda-o nin-ndan nin, má pesipesi powta sálàlan a sooluula va lon-ndan. Má tɛɛmbuu tombon a máánnda va o lɛŋnde len nin-ndan, a la va o tàndá Bɛnyamɛn-ndo nin-ndan kpow. Má pesipesi vɛlɛ la va o tàndá Efraim-ndo nin a o tàndá Manase-o nin-ndan kpow. O kon kɔɔli, má muungun o kobila ndalan nin, vana-vana o ndu lo.

Esai 2:19

Paale Mɛlɛka cannin le lɛŋnden vueinɔnndo len, ɲɛ-tengaa bɛndoo vanin fulaa o vanabɛnduyɛi ndɔɛi nin. Paale len, vannda luɛinin o buulula powta kpowa lan nin, mì a tiŋ luɛi o lɛŋnden bɛngu a siòònde.

Esai 2:21

Mì nda pila luɛi o tɛɛngun powta kpovalan nin a o tɛɛngun lapowvon nin, yɔŋii kɔltuw Mɛlɛka-o a ɲɛ-tengaa vanin fulaa o vanabɛnduyɛi ndɔɛi nin-ndo tol nda coo telen Mɛlɛka cannin le lɛŋnden vueinɔnndo-o!

Esai 32:13

Kani yɔɔn a siɛmbullon vulnin mì n tiw o yondola vanaa niaa coo a co cɛila kɔlkɛndɛla kobi connun hoo o ɲaaloo nin-ndo nin kpow.

Esai 34:13

Yɔɔn vulnin o cɛila lemasala co o lɛŋnde len nin-ndan nin, siɛmbullon a suusiaa lakolaa vulnin o fondala mayoomulan nin, le siŋnunnin bɛ̀mɛ́lta tivolla a calta duaa.

Osee 10:2

Kɔl ndaa co o piɔvan-ndo, lelan sanga kon co nda tolɔɔ coo ni. Mɛlɛka co fondala-loamaa-lasálàla ndalan pesipesi mò puusiaa powta sálàla ndalan.

Osee 10:5

Vanaa co icali Samari-a co a mɔnɛi le navaa téndéa Bɛt-Avɛn. Vannda tosanin biisi piɔm sialaa kon. Vanaa-solia-lasálàà ndɔa va ɲaaloo dɔwnɔnndo o ndu nin-nda a tosanin biisi ndɔɔ, kani biilu ndɔɔ faŋannin nda tɛɛn mì vannda kɔɛ a ndu o biyɔɔ nin nda levil polon.

Osee 10:9

Niaa Israɛlla, kabi o palɛi niaa va Kibea-e, la co hakilan tosaa tuŋ, la mangalan-ndɔ le. Vɛ̀ɛ̀ o co Kibea lon kpeekpei le cɔwvo toalnin vanaa yɔŋ vɔɔnda coo le?

Osee 2:6

I yeema cuavaa ndɔa le, kani o suundaa nin o velu nda ni.

Osee 4:13

A co sálàlan solio o pembon tullo, a co ansan lomɔɔ o pembun pɔmbɔn coo, o yálánnde bɛngu, o yɔmii pepliee a o yɔmii terebɛntii puiyɛi bɛngu, ì vunduma ndɔan ma naŋ taw-ve. Le kɔlɔ kon cuavaa ndaa laandua co suundaa ni, mì laandaa poaa ndaa bɛɛ a va suundaa.

Osee 4:15

Éé niaa Israɛlla, la luɛi bɔɔ suundaa! Mbɔ̀ màá Yudaa nda va lɛ lende le! La kɔa o fonda diandaa Kilkal te, la hel Bɛt-Avɛn te. La mɛnan o diola Mɛlɛka yoomaa le!

Osee 5:8

«La hɔŋ leo o kobio Kibea nin, mì la hɔŋ buloo o kobio Rama nin. La yonda yonda cɔwvo Bɛt-Avɛn. Niaa polale Bɛnyamɛn-nden, la caa dɛ! Kani yaamɔɔa co niaa vɔmndo a makɔɔ.

Osee 8:5

Éé niaa Samaria! La viow nin naw tova téndé niaa cɔw hoo a sianion-ndo. La tùùlú ya bɔɔ kɔllo nin. Háá lɔ́ɔ́ kuɛɛ niaa lo yɛnin bumbaa le dɛnnda vana yaala niaa coo le lan tosaa?

Osee 9:6

Kani má cè niaa kɔnndan le dɛnɛ tambɛi co tosanndo-o. La kɔ cuungiannin Esipte mí kobio Mɛnfis siŋnun sɛila niaalan. Yɔɔn ciinin bolofaa niaa latɔ́ɔ́-tɔ́ɔ́ tɛɛmbuu niaa kɔɔli, siɛmbulle vulnin o cɛila-kolala-toandaala nialan nin.

Amɔs 1:5

I co sɔkɔma nda kinda dio kpakio Damas-an yimiyimi. I toawnin vanaa co icali Bikat-Avɛn-nda, mì tow vana co masalen tosaa Bɛt-Edɛn-ndo. A kɔanin a Aramiia o cɛlen nin háá Kir.» Lende Mɛlɛka dimi ni.

Amɔs 3:14

Paale ya soaŋnin Israɛlla le hakila ndalan-nden, i co ɲinkon mɔnɛ soli a máánndan Betɛl: À co lan ɲinkon kpɛɔn yimi mì n deli lɛŋ.

Amɔs 7:9

Sooluula cuavaa-imamaa Isaak-a la co itambu, mì cɛila biilaala cuavaa Israɛlla la puusian. I cannin mì kuel polale Yeroboam-nden a mɔɛi cɔwve.»

Amɔs 8:14

A co kan mɛnanndo a hakio Samari, má va dimio-a aa: «Le hala nɔm yoomaa, Dan…! Le nɛi diandaa yaa vana Bɛɛr-Seba-o…!» Nda kpede, a co delɔɔ, à cen ndɛnin isisi le.

Misee 1:13

Niaa vanaa co icali Lakis-a, la baa soa o ɲɛla ɲaanannda soa nan-ndan. La yɔŋnun vanaa lo o lediom coo le. Maa Israɛlla niaa bɛɛ kela ni, mì Yerusalɛmnda nda pɛɛkuu dɛnnda vɔɔnndan niaa kɔɔli.

Misee 1:5

Mun kpow n yɔŋnun le yɔŋnda vɔɔnnda cuavaa Yakɔb-a, a le hakila yungu Israɛl-lo. Nɛ̀ɛ́ vem yɛ Yakɔb Mɛlɛka simullo? Vɛ̀ɛ̀ o co Samari le? Nɛ̀ɛ́ vem yɛ Yuda balan lueiyo o piɔmnda sooloo? Vɛ̀ɛ̀ o co Yerusalɛm te?

Nahum 3:11

Nɔm Ninive bɛɛ, lende koni dɛnɛ palaa toalnin nɔm coo ni mɛɛ mɔima bii vana. A yɔkpanin a sangaa, ma nuwviaa nɛɛ viannannda le yaamɔaa nɔmnda hiɔlɔnndo.»

Luke 23:30

O kon vannda dimulnin pembon aa: ‹La komba naa coo!› Mà dimul buubuuon aa: ‹La kumbu naa.›

Tɔŋ miingua 9:21

Ɲɛ niáà sooluu mí niáà pilan Hala tana-o yɛ, piɔm niáà cɔw kon a hɔlla maa naw téndé-o, mí cua ndu, mí mal ndu o yin, mí pesipesi ndu, mí cui ndu mululu, mí saŋ ndu o mɛmma pee pɔmbɔ tuusu pembei-yo-on nin.»

Dɛnnda cɔɔmuanndan 6:16

Ma va pembon a powta kpovalan dimullo aa: «La del naa coo mì la ven naa, haliko vana co icali o kpɛŋɛ lemasaa nin-ndo ca naa le, kɔltuw Saa téndóó komal naa le.

Dɛnnda cɔɔmuanndan 9:6

O palɛi ken bɛngu, vanndacieea nuwviaanin piɔ́mndo, kɛ a seelunnin ndu le. Yeemɛi piɔ́mnde vanin nda, kɛ mì piɔ́mndo ɲaanun nda, mò kɔɛnnun polon.