Osee 10:5 - BII BILA

⁵ Vanaa co icali Samari-a co a mɔnɛi le navaa téndéa Bɛt-Avɛn. Vannda tosanin biisi piɔm sialaa kon. Vanaa-solia-lasálàà ndɔa va ɲaaloo dɔwnɔnndo o ndu nin-nda a tosanin biisi ndɔɔ, kani biilu ndɔɔ faŋannin nda tɛɛn mì vannda kɔɛ a ndu o biyɔɔ nin nda levil polon.

Osee 10:5 Iomraidhean Croise

2Masaa 10:29

Kɛ a kon kpow, Yehu soli balan o hakila Yeroboam, po Nebat-o va tosaa lan nin te. Nduyɛ, Yeroboam kon ndóò mal Israɛlla o pɔwlan nin ni, má va navaa nda cɔw a sianion-nda sooloo Betɛl a Dan.

2Masaa 17:16

Má mulul silala Mɛlɛka Hala ndaa kɔɔ, má cɔaw navaa téndéa a ciliŋun teengian, má cɔaw yɔm soolaa. Má baŋ vulan ɲɛm pangelen co o halataala-on o labɛngunin, má sooluu vɛlɛ Baal.

2Masaa 23:5

Mí ndu masaa toaw vanaa-solia-lasálàá masaa Yuda ndáà kɛsi le sálàla cuɛima cun kɛndɛlan solio o tombon coo o kobilan Yuda nin a o kobila va Yerusalɛm balɔɔ lan nin-nda. Mó toaw vɛlɛ vanaa-solia-lasálàá va Baal, paalen, paangei a ɲɛm celen sálàla cuɛima cun kɛndɛlan solullo-a.

2Dɛnnda lemasalan 11:15

Mí Yeroboam pila siinguu vannda pum vanaa-solia-lasálàá le cuinaa toovia ndɔa a piɔmaa ndóò toosiaa maa navaa téndé le sooloo o tombun ndɔn coo-a.

2Dɛnnda lemasalan 13:8

Nihau, la nɔ o lakɔl maa la co masale Mɛlɛka ke poaa David-a len simul? La co sɛ́lɛ́ taw, la nɔ navaa téndéa cɔwnun a sianion-nda, á Yeroboam cow niaa ma va halaa niaa-a o ba.

Esai 46:2

A del ma pimbul latulu, a nɔla volɔɔla lusula ndalan cɛwcɛw le, nda pila co kɔlan o biyɔɔ nin.

Osee 13:2

Háá sisa, a co hiovɔɔ laci a hakilan tosaa, a co volin ndan teengiaa mà va piɔmnda cownɔnndo a mun. Piɔmaa nda pila co cɔvɔɔ-a kpow, vanaa caa cɔwva-a co nda cɔvɔɔ ni. Vannda co dimio a nda o kɔɔ aa: ‹Vanaa co sálàlan solio a vanndacieea-a nɔla ma kɔman piɔmaa co maa navaa téndé-a, mà sɔsa nda sondolan le nda sooloo.›

Osee 4:15

Éé niaa Israɛlla, la luɛi bɔɔ suundaa! Mbɔ̀ màá Yudaa nda va lɛ lende le! La kɔa o fonda diandaa Kilkal te, la hel Bɛt-Avɛn te. La mɛnan o diola Mɛlɛka yoomaa le!

Osee 5:8

«La hɔŋ leo o kobio Kibea nin, mì la hɔŋ buloo o kobio Rama nin. La yonda yonda cɔwvo Bɛt-Avɛn. Niaa polale Bɛnyamɛn-nden, la caa dɛ! Kani yaamɔɔa co niaa vɔmndo a makɔɔ.

Osee 9:1

«Israɛlla la dɔawnun ɲaale mì la pɛ a kɔlkɛndɔɔ maa vanaa súúla celennda le. Kani la luɛi suunda soolaa n'piɔmndo, mí la kɔa Hala niaa levil. O kpelela lɔaa n'malta niaalan kpow coo, tɔnɔ dɛnɛ nɔɔlɛiyo niaa yeema ni.

Osee 9:11

Biilu cuavaa-imamaa Efraim-nda cannin coocoo, mò ɲaanun maa yow. Vana ve lɛnin violɔɔ le, vanalanɔ cue lɛnin foli le, a ciiku lɛnin vanalanɔ a foli le.

Amɔs 3:14

Paale ya soaŋnin Israɛlla le hakila ndalan-nden, i co ɲinkon mɔnɛ soli a máánndan Betɛl: À co lan ɲinkon kpɛɔn yimi mì n deli lɛŋ.

Sofoni 1:4

«I co vanaa co icali o tàndá Yuda-o nin-nda a vanaa co Yerusalɛm ciee-a lɔɔ. I tɛɛmbuunin ɲɛm tɔ̀un lo o kaannde Baal-ten nin-ndon, mì ɲumi mun o fondaa ho. I tɛɛmbuunin vanaa baalaa ndɔa a vanaa-solia-lasálàà ndɔa, háá mì vannda pɔɛɛnun a dɛnɛ ndaa.

Dɛnnda kiilaa 19:27

Nduyɛ, te vana cee le, vannda co vali naa hoo pɛɛsa, handɔɔ o kon coo, mì tɔ́ɔ́ bɛndu Artemis hala-laandoo ho nɔ-o tambu. O kon mì bɔɔbɔɔyɛi ndɔɛi tambu, ndu hala-laandu vannda co ho sooloo o lɛŋnde Asii len nin a o ceendo coo kpow-vo.»

Yosue 7:2

A lo Yeriko, mí Yosue viam langbaa pum, má kɔa Ai co Bɛt-Avɛn ikɛi-yo, Betɛl a ba paalen le can-ndo, le lɛŋnden fɛfɛlaa. Mó dimul nda aa: «La kɔ mì la fɛfɛla lɛŋnden.» O kon, mí langbaa kan kɔa, má mɛɛndian Ai.

Masaa kialaa n'yamaa 18:24

Mí Mika mulul nda aa: «Ɔ́ɔ̀ ɲuna niaa co ya-o? La cii piɔmaa niaa ya cɔw-va cua, mí la bii vana-solia-lasálà nuu le kɔnndan a ndu. Ɲɛ-ɲɛ celen bɛɛ i loo lɛhau le.»