Osee 10:2 - BII BILA

² Kɔl ndaa co o piɔvan-ndo, lelan sanga kon co nda tolɔɔ coo ni. Mɛlɛka co fondala-loamaa-lasálàla ndalan pesipesi mò puusiaa powta sálàla ndalan.

Osee 10:2 Iomraidhean Croise

1Masaa 18:21

Mí Elii sɔɔnguu vannda kpow o hɔl, mó ɲuna aa: «Lɔ́ɔ́ kuɛɛ nɛ niaa sanga yɛnin a dɛnndan ndan kpɔɔndiaa? Te Mɛlɛka Hala co Hala kpeekpeiyo ni, mɛɛ la mulin ndu kɔɔli. Te piɔmndo Baal co yɛ hala ni, mɛɛ la lo ndu kɔɔli.» Kɛ a mulul ndu mɛ̀ɛ́-mɛ̀ɛ́ le.

Fulaa 23:24

La sooluu halaa ndaa le, la baŋ vulan nda o labɛngunin te. La kélà mɛɛ nda co kela nɔɔlɛiyo yɛ le, kɛ la pesipesi piɔmaa ndaa, mì la koombiaa powta sálàla ndalan.

Talelan 11:18

Vana kɔlvesɛiyo co tɔnɔ fondoo nuwviaa, kɛ vana co dɛnɛ sandaa tosaa-o nɔ sala ndɔɔ.

Esai 44:18

Vanaa kan a sina ɲɛ-ɲɛ le, a bii ɲɛ-ɲɛ bila le, a kinda nda hɔltan yɔŋii nda cɔ, a laasiaa nda kɔltan yɔŋii nda bii ɲɛ bila.

Yeremi 43:13

O pesipesinin powta sálàlan Bɛt-Siemɛs o lɛŋnde Esipte len nin, mò lom cɛila halaa Esiptea.›»

Esekiɛl 14:5

O kon, muli nuu hiiluunin Israɛlaa kɛɛ ya le piɔmaa ndaa kaakuua kpede sooloo-a.

Osee 12:11

I soo o vanaa-tɛɛngaa-diom Hala-a lo, mí cɔm vannda vunduan taw-taw. I soo o talelan nin a sondola vanaa-tɛɛngaa-diom Hala-a.

Osee 3:4

Kani cuavaa Israɛlla viawnin tei, a nɔnin masa le, a nɔnin simlacinɔ le, a solinin lasálà le, a nɔnin powta sálà le, a nɔnin ɲɛ vana tosa le hɛnan Hala-o sinaa le, a nɔnin piɔmaa tongonin te.

Osee 7:8

Cuavaa-imamaa Efraim-nda muulian a vanaa-mangalaa-isɔaa celen. Polale Efraim-nden le yɔŋnun fùlúfúlù nda mulumulu o toŋɔɔ loo.

Tɔŋ lasálàá 26:30

La nɛinunnin ya háá mì tɛɛmbuu sooluula niaalan, mì pesi máánnda niaala niaa loam ansan coo lan, mì handu niaa a vílɛ́iya o piɔmaa niaa piɔsiɛiya coo.

Misee 5:13

I kaaliaanin yɔmii sooluɛi niɛi, mì pesi kobila niaalan.

Sofoni 1:5

I tɛɛmbuunin vanaa hel o yindɔla cɛilan coo, má va vulan baŋɔɔ le ɲɛm pangelen co o halataala-on biiloo-a. I tɛɛmbuunin vɛlɛ vanaa co vulan baŋɔɔ ya Mɛlɛka o labɛngunin, má va mɛnanndo o diola nilan, kɛ má va kpemalan yiiyo o diola piɔmndo Molɛk lan-nda kpow.

Sakari 13:2

«Mɛlɛka-Nɔ-Kpaayaa-Kpow-vo soo aa: ‹O palɛi ken nin, i ɲuminin diola piɔmnda kpow o lɛŋnden nden nin. O kon vana loonun ndɛnin a nda o kɔɔ le. I faŋanin vɛlɛ vanaa siingun nda pila vanaa-tɛɛngaa-diom Hala-a a kɔl dɛnɛ nɔɔlɛiyo o lɛŋnden nden nin.

Matie 6:24

«Vana-vana tiwba mò tosal vanaa bɛndua nda ŋiɔn baalaa o lepilɔɔ le. Kani o pilɛ nɛinunnin ndu, mò kaola o pilɔɔ, te kon te o yiinunnin a ò pilɛ, mò mulul o pilɔɔ kɔɔ. Lá tiwba mì la tosal Hala a volion baalaa o lepilɔɔ le.»

Luke 16:13

Buɛi kon co le, o nɔla mo tosal vanaa bɛndua nda ŋiɔn baalaa-o. Kani o pilɛ nɛinunnin ndu, mò kaola o pilɔɔ, te o co kon te, o yiinannin nda o pilɛ, mì o pillo kusin ndu. Lelan, la tiwba mì la tosal Hala a volion baalaa o lepilɔɔ le.»

Nsaki 1:8

Kani vana kɔlta tiɔndo co kon ni, vana co yili o kelala ndɔlan kpow nin too.

Nsaki 4:4

Éé niaa vanaa laasiannda ha! Vɛ̀ɛ̀ la co sina le maa, yeemɛi ceendo ho i siinguu vana yaamɔɔ Hala-o ni? Lelan, vana yeema pɛ le vaa caaŋoo ceendo, ndu siŋnun yaamɔɔ Hala-o.

1Nsaŋ 2:15

La kaola ceendo le, la kaola ɲɛm co o ceendo nin-ndon te. Te vanndo kaola pɛ ceendo, kaola Pua-o ve ndu nin te,

1Samiɛl 5:4

Diimandɔɔ pilɔɔ vɛlɛ, má pena cɔnɔn idiiyo púŋ, má saalun vɛlɛ Dakɔn o kuumbuan lɛŋ o kesu kpema Mɛlɛka-o hɔl-ndɔ. Bungɛi daama ndíì lonin ndu ni, kani mí bolle ndɔlen le piɔsi, mí bala ndɔlan bɛɛ la yomiyomi, mí la sɛŋin o kèédei máán kon coo.