Osee 10:12 - BII BILA

¹² La sáŋ dɛnɛ sandaa, mì la kow vanakɛndɛyɛi. La fɛɛya ciɛi sɛnɛiye le niaa pila. Telenndo tiiya le muungoo ya Mɛlɛka o ibuŋ, háá mì hun saŋ dɛnɛ sandaa niaa coo.

Osee 10:12 Iomraidhean Croise

Condii lisai 105:4

La mulul Mɛlɛka vana kpaayaa kpow hɔlla, la va ndu nuwviaa lɔ́ɔ́-lɔ́ɔ̀.

Condii lisai 72:6

Masalen ndɔlen le vanin tolɔɔ maa piɔɔ o lɛŋnde nda cii billo vuunda coo len coo, mɛɛ kɛmndan ma liwviaa lɛŋnden nuaa yɛ.

Talelan 11:18

Vana kɔlvesɛiyo co tɔnɔ fondoo nuwviaa, kɛ vana co dɛnɛ sandaa tosaa-o nɔ sala ndɔɔ.

Talelan 18:21

Sɔɔn sondon nɔla mì n ciindiaa vana, te kon te mì n dii vana. Lelan vana yeema pɛ sɔɛi, fɔ mò cɛl kɔmnde sɔɛi ken.

Vana Kɔlkaloo 11:6

Le sɛ dɔ́ɔ́ pɛ, a saŋ yɛyii nɔmnde, háá icɔllo kɛ́sì ba nɔmndo pɛngio le. Kani a sinà n naŋnin te, ko ba pilɛ ni, ko kpow yɛ ni. Ko mun kpow yɛ ni, a sina le.

Esai 30:23

O kon, Hala tuisinin piɔɔ o yɛyii niaa saŋnin lɛŋ-nde coo, lɛŋnden le solulnin niaa ɲɛdiaa kɛndɛ yeelɛiyo. O palɛi ken nin, cɔlua niaa vanin kɔlan diólan o hòóla bɛndu-bɛndulan nin.

Esai 31:1

Dɛnɛ palaa co le vanaa co tuusoo Esipte le kɔlan malaa sɔlaa lon-nda. Vanaa tiindan soa, má kɔngan ɲɛla ɲaanannda soa nan-ndan kunda bɛndoo-a. A nɔ laalanndo o yoomuma vanaa ɲaanun o soa coo-a nin-ndan-a pɛɛn. Kɛ vanaa kan co O-Diandaa Israɛlla tofa le, a co sɔɔnguu Mɛlɛka o ibuŋ te!

Esai 32:20

Dɛnɛ kɛndɔɔ vanin le vanaa saŋnin kullon ba-ba fee o mɛnndan dangalaa-a, a malnin nawva a sofɛlɛa kelaa o ba ndaa coo-a pɛɛn.

Esai 44:3

Kani i tiwnin mɛnndan o lɛŋnde co levesɛilen kpow coo. I solinin peela pɔmbɔlan o lɛŋnde kalonkalonnden nin. I cucunin kɔl nuu yungu niaa coo. I dɔawnin cuavaa fula niaa o ipulu-a duaa taw.

Esai 45:8

Màá halataalaa cucu dɛnɛ sandaa cɔnɔnndo coocoo mì yumbuyumboo tuisi ndu pɔlɔpɔlɔ! Màá lɛŋnden le kumbin mì cindaa pui, mò tiw tɛ́ngɛ̀-tɛ́ngɛ̀, mì dɛnɛ sandaa vil vɛlɛ o telen pilɛ kon bɛngu! Ya Mɛlɛka, ya co ɲɛm mun toosiaa ni.»

Esai 48:18

Éé, te niáà yaŋ pɛ nilan o tɔŋnda nilan mi niáà bii lan, kɔlɲulu niaa ndóò vanin maa mɛmma pee bɛndu, dɛnɛ kɛndɛ niaa ndóò kuinin maa tindima mɛmma ihɛllan,

Esai 5:6

I co ndu siinguu fonda tambɛiyo, o ve lɛnin bɛɛsian te, o ve lɛnin vali tosan te, Cimbullon a hɛɛnndon co vulɔɔ lon taw. I kuunanin yumbuyumboo le piɔɔ tuisio o nakɔ n'rɛsɛn ni kon coo.

Esai 54:14

Dɛnɛ sandaa siminin nɔm yili. Mandan ma kpakpala dɛnɛ kɔlvesɛiyo. Siòòŋii bii nɔm le ɲɛ-ɲɛ le, buulan le kɔl yoloma-yolomaa le, o lueinin nɔm nin te.

Esai 55:6

La nuwviaa Mɛlɛka telen vana saalun ndu-o, la veelu ndu o piɛilen nin telen o co vɔ kpɛɛlun-ndo.

Yeremi 50:4

Sɔɛi fula Mɛlɛka o sondo-e co hee ni aa: «O telen kon, Israɛlla a Yudaa cannin latulu, mà hin ya nuwviaa a caŋndan, ya Mɛlɛka Hala ndaa pɛɛn.

Esekiɛl 34:26

I siinguunin lɛŋnde ndalen a yondola balu pembii nii diandɛi lan duaa, mì tuisi piɔɔ a telen bɛnda-o, nduyɛ piɔɔ kon, duaa o vanin ni.

Osee 12:6

Mɛlɛka co Hala-Nɔ-Kpaayaa-Kpow-vo ni, diola ndɔlan aa Mɛlɛka.

Osee 14:1

«Samaria sɔlanin sangaa le tɛɛmbuula ndalan, kani a simul Hala ndaa. Vanaa co icali lon-nda sɔlanin piɔ́mndo o mɔɛi cɔwve bɛngu. Cɛlɛkpɛa ndaa pesipesinnin. À tɛɛndiaanin vanlaandua lafolia ndaa dembelan.»

Osee 6:3

Lelan, n sinan Mɛlɛka. N kindikindin le ndu sinaa. Kani o co hunɔɔ lekɛ́ndɛi mɛɛ ɲɛ-tengaa paale siaa hun nuaa yɛ. O co naa hunɔɔ coo maa piɔɔ lesial, te kon te maa piɔɔ sialte tase pɔɔliaa lɛŋnden-ndo.»

Osee 8:7

Le tùú niaa co hoeiye saŋɔɔ-o, la koawnin felenfelenndo. ‹Malun cuulu yasa lon soli kpeyan te.› Te n soli yɛ pɛ kpeyanndo, mɛɛ mialla dianin kpeyan kon ni.

Amɔs 5:15

Dɛnɛ vɔɔndo nɛinún niaa, mì dɛnɛ kɛndɔɔ hɛnan niaa! La tosa dɛnɛ sandaa nɛɛ niaa kialu yaman o dio kpaki kobio nin-nda. Bɔɔle mì Mɛlɛka, Hala-Nɔ-Kpaayaa-Kpow-vo tuinun vanaa tɔ̀a lo yoomu o polale Yosɛf len coo-a iɲíí.

Amɔs 5:4

«La tuei-yɔ sɔɛi Mɛlɛka dimul cuavaa Israɛlla-e: ‹La nuwviaa ya mì la va yoomu!

Amɔs 5:6

Le hee, la mulin o Mɛlɛka lo mì la va yoomoo, yɔŋii o tol cuavaa-imamaa Yosɛf-a coo maa leyin mì yinnde len le tɛɛmbuu nda. Nduyɛ vana-vana venin Betɛl le len ɲumio le.

Amɔs 5:8

Mɛlɛka cɔw mɔmtombolaa, ninaa kundaa a nanga-nsiiyo ni. Ndu mingi ɲumndan ɲɛ-tengaa paale siaa ni, ndu piimiaa paalen ni, mò mingi len ɲumma bɛnduan. Ndu cuungiaa mɛmma ihɛllan ni, mò saŋ man o lɛŋnden coo. Diola ndɔlan aa Mɛlɛka.

Luke 13:24

«La kindin le luɛyɔɔ o dio sɔɔkɛɲɛɛo, kani mì dimul niaa, vanaa bɔɔ-bɔɔ a kindikindinnin le luɛyɔɔ, kɛ a tiwnin ba le.

Dɛnnda kiilaa 2:18

A toɲa, o palɛi ken, i saŋnin Kɔl nuu vanaa baalaa nia coo, a piaandua a à laandua pɛɛn, a siŋnunnin vanaa-tɛɛngaa-diom Hala-a.

2Korɛntea 9:10

Hala, o yɔ̀ngu vana saŋaa yɛiye mò yɔngu ndu vɛlɛ ɲɛdiaa le dioo-o yɔngunin niaa yɛiye le saŋɔɔ, mò kui ndu. O kon kɔɔli, mò kui kɔmnde dɛnɛ sandaa niaa.

Nsaki 3:18

Kɔmnde dɛnɛ sandaa le saŋnun o kɔlɲuloo nin, vanaa yeema kɔlɲuloo-a saŋ-nden ni.