Osee 10:11 - BII BILA

¹¹ Maa naw téndé sɔla manda kɛndɔɔ-o, óò yeema maalon nɛiyo-o polale Efraim-nden le va ni. Mɛɛ ya ce kɛsii ndɛi kɛndɛi, mi vow nda yɔm lebollo o labolo le baalaa, mì polale Yuda len le vàá, mì cuavaa-imamaa Yakɔb-a koŋ ɲɛ vàà kon.

Osee 10:11 Iomraidhean Croise

Esai 28:24

Mò va maa telen oo telen vana váà vàà cɛi ndɔɛi le kullon saŋɔɔ ni? Mò va maa lɔ́ɔ́-lɔ́ɔ̀ o tui lɛŋnden mò koŋ ɲɛ vàá ni?

Yeremi 28:14

Kani ɲɛ Mɛlɛka-Nɔ-Kpaayaa-Kpow-vo, o Hala Israɛl-lo dimi-o co hoo ni aa: ‹I co yɔm lebol icilin-ndo handɔɔ vanaa-mangalaa-isɔɔa kpow o n'kɛsu, haliko ma tosal Nebukanɛsar, masaa Babilɔn baalaa. A tosalnin ndu baalaa lekɛ́ndɛi, hali visia yondoa, i malnin nda ndu o ba.›»

Yeremi 46:20

Esipte va maa naw téndé kɛndɛ-kɛndɛ, kɛ mí sunbungaa hun toal ndu coo.

Yeremi 50:11

A toɲa, la dɔwnun ɲaale, mì la va a kɔlkɛndɔɔ, niaa vanaa poondiaa vanaa niaa ɲɔɔn o laba-a. La huulu mɛɛ navaa téndéa huulu o bil puiyaa nin yɛ. Mì la soli diomndan maa soa kpaaya bɛndu!

Osee 11:4

O vanacieeyɛi nin ya va ndu nanɔɔ ni, o koalaa nin ya va kɔlan a ndu ni. Mí yɔŋnun le ndu mɛɛ kalacuaa cua hɔ́ɔ́ ndɔɔ nuaa mò yiiliaa hɔ́ɔ́ kon kúúvo nuaa yɛ. I va tundɔnndo le ndu ɲɛdiaa yɔngoo.

Osee 2:5

yɔŋii ya yunga ndu, mì mɛi ndu fondo fúú, mɛɛ o va o paale nda velu ndu len coo yɛ. I minginin lɛŋnde ndɔlen lɛŋnde veselɛilen, mì mingi len lɛŋnde mɛmma sɔlan nin te len. O kon mò vi a bolola vesɛilan.

Osee 3:1

Mí Mɛlɛka dimul-la aa: «Kɔ kaola vɛlɛ vanalanɔ nɔ sámáá mò va suundaa-o, mà kaola ndu mɛɛ ya Mɛlɛka kaola Israɛlla yɛ. Hali a co bɛɛ kɔlan halaa celen sooloo mà va dɛɛla toosian a rɛsɛnndon-ndan yeemaa nuaa.

Osee 4:16

Israɛlla luɛi seesiɛi mɛɛ naw téndóó kɛɛ le kɔlan nuaa yɛ. Lelan Mɛlɛka tiwba mo bii nda biyɔɔ kɛndɔɔ mɛɛ vana yaa saa téndéa diólan o bil kɛndɛ-kɛndɔɔ nin yɛ le.

Osee 9:1

«Israɛlla la dɔawnun ɲaale mì la pɛ a kɔlkɛndɔɔ maa vanaa súúla celennda le. Kani la luɛi suunda soolaa n'piɔmndo, mí la kɔa Hala niaa levil. O kpelela lɔaa n'malta niaalan kpow coo, tɔnɔ dɛnɛ nɔɔlɛiyo niaa yeema ni.

Misee 4:13

La cɔn, niaa vanaa co Siɔn-nda! La cɔn mì la lɔɔ maalon. I siinguunin niaa maa leela icilin, mì kindi bɛngula niaalan maa buukula idaɲa. La vɔɔciaanin vanaa súúla bɔɔ-bɔɔ. O kon, la handu tanaa o ɲɛ-sɔlaa ndaa coo le Mɛlɛka, la ke Maalii, o co lɛŋnden kpow bollen-ndo bolofaa ndaa.

Rɔmnda 16:18

Kani vanaa vaa lende, o co Krista Maalii naa le nda co baalaa tosallo le, kɛ dembela ndalan sii, a co keiyo sondo yeelaa a vannda sangalaa, mà va vanaa nɔ taasi le-a hɔlla hiŋndo.

Tɔŋ miingua 25:4

La bɛnda mì la yii naw co maalon nɛiyo-o sondoo le.